يا سيدي ما للقوافـي معاذيـر

من اجمل القصائد التي استمع لها بشكل دائم وهي للملازم :مشعل بن محماس الحارثي
والتى القاها امام صاحب السمو الملكي الامير سلطان بن عبدالعزيز رحمه الله
وحازت على اعجابه ووقف لها خالد الفيصل طرباً

خل النياح وفارق العش يا طير * غرد وهز الريش فـي كـل عالـي

اليوم هذا غير وأيامنـا غيـر * والبارحـه ماهـي سـوات الليالـي

الأرض صارت في عيوني نواوير * والبدر تم وجـا مكـان الهلالـي

وأبها تحـدت فـي بهاهـا الغنادير*فلـت جدايلهـا وقامـت تلالـي

وفي وجه خالد للفرح ألف تعبير*وحجاج فيصـل فيـه كـل ابتهالـي

من السعادة باقي شوي ونطير * عز الله ان اللي لفـا الـدار غالـي

يامر حبا ماغـردن العصافيـر * يامرحبـا مـازاف نبـت السهالـي

ترحيب أحلى من حليب المصاغير * وضح رعت روض ربيع وخالـي

باللي شكت رجله طوال المشاويـر * ياطابهـا درب الخطـر مايبالـي

قرت عيون اللي يحبون يامير * طاريك.. والاالحيـن شفتـك قبالـي

ياما حسبت الوقت حسب الدنانيـر * اسامـر انجـوم الثريـا لحالـي

مبطي وانا اسمع فيك وصف البياطير*واليوم جالي في القصيده مجالي

يا سيدي ما للقوافـي معاذيـر * عـن البيـوت الوافيـات الجزالـي

من لاجعل للمدح قيمه وتقديـر * ماضنتـي يلفـت ذهـون الرجالـي

وانت الذي معك السحاب المزابير * تمشي. ميتبعك الحيـا والخيالـي

وانت الذي بسمك تباع الأسارير * ومثلك له اسماءً عـراضٌ طوالـي

سلطان يا سلطان من يومك صغير*مافي تسلطانك وشخصـك جدالـي

كانوا ولا زالو يسمونك الخير * وياكثر الاسمـا اللـي تزاحـم فبالـي

كريم سبلا لأ زبـون المخاسيـر * طلـق الحجـاج الابعيـد المدالـي

درع البلاد الاطويـل الاشابيـر * أبـو اليتيـم الاعشيـق المعالـي

لو الله ابن مسطر المجد تسطير * على حصى الأرض ونفودالرمالـي

واخو فهد ذروة سنام المشاهير * صفوت ملوك الارض بـاول وتالـي

فهد ولاقلنا فهد جـاوب النيـر * تهتـز لسمـه راسيـات الجبالـي

زعيمنا اللي للعلا واصل السيـر * حتـى تعلينـا علـى كـل عالـي

مال الطموح بوسط راسه معايير * ولا للعوج عنـده ياكـود اعتدالـي

اليازعل تزعل ملوك وجماهير * وليا رضـى ينهـى جميـع الجدالـي

ما يشبه غير الثنين ألمنا عير * انته وابـو متعـب كريـم السبالـي

عبدا لله اللي فيه من سالم الزير * خطل اليمين الليـث حـام التوالـي

سقم العدو الياهرج دون تفكير * رده على العـدوان جاهـز وحالـي

نفخر بكم والاالقصايد تعابير * يا شيوخ نجـد الشعـب كلـه موالـي

والله لوفيكم عن الملك تقصير * مـا خصكـم ربـي عظيـم اجلالـي

منا وفينا ما لفيتـو مـدا ويـر * حكامنـا وقـت الدهـور الهزالـي

ورث الجدود امن الليال المعا سير * قبل القصور وقبل صرف الريالي

هاك الزمام سلاحنا حملة بعيـر * ومـن يومهـا متوثقيـن الحبالـي

منها جنا واضح ولافيه تغيير * نمـوت مـا نرضـى عليـه البدالـي

ما استعمرونا اللي غذاهم خنازير * تشهد لنا شهب السنين الخوالـي

من قبل عاشر جد ابو بوش وبلير * ماهي ثلاث شهور والاحوالـي ؟

واليوم في وقت الرخاوالتياسيـر * شفنـا العجـب لااوالله الاالهبالـي

يا كثر ما قمت تسوق المقادير * وياشيب عينـي لاذكـرت وطرالـي

المسجد اللي هزه أصوات تفجير * في حـزة فيهـا يجـاب السوالـي

والمسلم اللي ذبح من دون تبرير * ودم الرضيع اللي على الوجه سالي

ينشدك يا مكفر هل الدين تكفير * -وش حكم ذبح المسلمين العزالـي

تدبر القران والهـدى تدبيـر * واخـذ الجـواب بصيغـة والكمالـي

فضحكم الله يـا لوجيـه المغابيـر * ياطغمـة التخريـب والانحلالـي

واللي على الفتنه تدق المزامير * نعرف مطامعهم علـى كـل حالـي

ونعرف من يدفع رسوم الفواتير * يا لحيه اللـي جحرهـا الاحتلالـي

لنحورهم حنا سوات الازارير * حنـا حمـاة الديـن ياهـل الظلالـي

الأرض نزرعها رماح ومسامير * يحـرم عليهـم وطيهـا بالنعالـي

ديارنـا مـا هيـب كابـل وكشميـر * ياهملالـي صـدق ياهملالـي

حامينها الاجداد عج ومعاصير * بسيوفهـم علـى ظهـور الجمالـي

واليوم يا سلطان شفهم طوابير * ملو من المجلاس تحـت الضلالـي

يبون يوم فيـه للحـق تكبيـر * عـن الكـلام تبـان فيـه الفعالـي

ياسيدي قل وش تبي بس ويصير * حدد هدف لو هـو عسيرالمنالـي

فالجو نفاثه وفالقاع جنزير * وان مت هاك اليـوم مـن طيـب فالـي

هذا وطنـا ماسكنـاه تهجيـر * الجيـش واحـد ماجمعنـا الحثالـي

لوينتخي عرعر تلبيه خرخير * كل الجنوب يصيـر جنـب الشمالـي

لا يا وطن لا تحسب انا مدابير * لوالدهر في بعـض الاحيـان مالـي

طالبك لاتجفل مـن الوقـت وتذيـر * وكـلٌّ ابنـاك وبالله الاتكالـي

وان كان ما شفت السعد والتباشير * عيـبُ علينـا لبسنـا للبدالـي

نذرً على لحرسك وافديك واغير * ديني وعرضي فيـك واغلى حلالـي

واللي ياثر فيك بيات تاثيـر * ابـرى منـه لوكـان عمـي وخالـي

وان مت واخذتني صروف المقادير * والله لوصي فيك حتـى عيالـي

وان كان ما شفت السعد والتباشير ** عيـبٍ علينـا لبسنـا للبدالـي

أعجبني ههذآ آلبيت ؛

قصيدهه رآئعهه .. بَ روعهةة من قيلت فيهه ؛

رحم آلله أبو خخآلد وأسكنهه فسيح جنآتهه ؛

يعطيكك آلعآفيهه آلنـآدر ؛

تقبلني ؛

قصيدة جميلة يقف لها شعر الرأس
شكرا لك

من لاجعل للمدح قيمه وتقديـر * ماضنتـي يلفـت ذهـون الرجالـي

آبيآآآت ججميله جداً

ورحم الله الامير سلطان بن عبدالعزيز وآسكنه فسيح جنآته ^_^

يعطيك ربي الف عافيه

لاهنت

روعه روعه اتعب وانا اقول روعه

الف شكر لك النادر وبنتظار جديدك من الابيات الجميله

آبيآت جزله وقويه
آستمتعت بقرآءتهآ
صَحِ لسآن شآعرهآ .. ولآهنت ع آختيآرالقصيده
تقديري

ابياات راقت لي
تسلم يمنااك اخوي النادر على النقل

حياكم الله وعلى الرحب والسعه وتواجدكم
بالموضوع يزيده نور وان شاء الله تشوفون الي يسركم
وصاحب القصيدة الان برتبة نقيب واصبح من اشهر شعراء
وزارة الدفاع والطيران وله حظور دائم واخرها
كان بتواجد وزير الدفاع الجديد صاحب السمو الملكي الامير سلمان بن عبدالعزيز
بحفر الباطن قبل اشهر والقى امامه قصيدة رائعه .

قصيده جميله ورااائعه تسلم يا النادر على النقل

وفعلا تستحق الاشاااده,,,

رآئعه جداً جداً
رحم الله الامير سلطآن واسكنه الجنان
وحفظ الله الأوطان
شكرآً للنقل المميز
-