سبّح وهلل واترك القال والقيل .. خل نيتك بيضا يسرك وهجها

*

يا صاحبي انسى الشقا والغرابيل
..............وخل الصعايب عند ربك فرجها

تلقى السعاده فالليال المقابيل
................واعرف ترا الدنيا كثيرٍ عوجها

لا تاخذك غرات الايام وتميل
................واتبدل ازلال القراح بهمجها

اثبت ولو كثرت عليك الاقاويل
...............خل الهروج العوج للي هرجها

وانهج على العليا ودربك تساهيل
................ماتضيق وارض الله وسيعٍ فججها

ابعد عن دروب الردى والمهابيل
................ونق العلوم الغانمه عن سذجها

خاوي هلا الطيبه زحول الرجاجيل
................الي تعزك إليا حجت حججها

وريّح قليبك لا تضايق ولا تشيل
................ادمح وسااامح (مشّها مع عرجها)

وسبّح وهلل واترك القال والقيل
...................خل نيتك بيضا يسرك وهجها

لابد ما تجني اعذاب المحاصيل
...............مثل الكحيله تسعد اللي سرجها

وفل الحجاج وسج وعدها تساااهيل
...................ولا ضاقت الدنيا على الله فرجها

كل الود لكم ..

وانهج على العليا ودربك تساهيل
................ماتضيق وارض الله وسيعٍ فججها

ابعد عن دروب الردى والمهابيل
................ونق العلوم الغانمه عن سذجها




قصيدة جمعت الحكمة في كلماتها .. و العذوبة في لحنها .. و الذوق في اختيارها .. للراقية ذوق .. دائما يصنع الفرق

شكرا اختي الراقية

اقتباس: المشاركة الأصلية كتبت بواسطة للغايب عذر    وانهج على العليا ودربك تساهيل ................ماتضيق وارض الله وسيعٍ فججها ابعد عن دروب الردى والمهابيل ................ونق العلوم الغانمه عن سذجها قصيدة جمعت الحكمة في كلماتها .. و العذوبة في لحنها .. و الذوق في اختيارها .. للراقية ذوق .. دائما يصنع الفرق شكرا اختي الراقية

الذوووق انت منبعه ..
شكرا لحضورك وتواجدك المضيئ ألف شكر لاخلا ولا عدم ...