المهند في ::رغوة:مزاين شمر:زهوة:كهف العقرب:النفود الكبير:عذفاء:الدومة وأبو عبدالكريم:طريف:مسيج الغرابة::سيول الصمان::10/5/1434هـ

ابومهند،عندي سؤال بس مدري عنك تبي تجاوب بصدق والا مدري عنك !
المهم وانت رابط عفشك وماشي ماتهوجس في الرجعة لهلك وودك انك قد جيت وخلصت ؟

اقتباس: المشاركة الأصلية كتبت بواسطة الكاريبي    ابومهند،عندي سؤال بس مدري عنك تبي تجاوب بصدق والا مدري عنك ! المهم وانت رابط عفشك وماشي ماتهوجس في الرجعة لهلك وودك انك قد جيت وخلصت ؟

ليش لا .. أجاوب بصدق ..

أنا كل ما نويت الروحة تحسفت .. وأقول وش حادني ..

ثم يلبقوني ربعي .. وأروح وأنا أحسب لليالي والأيام ..

ماشاء الله عليك ماتقصر انت كل اسبوع رحله ورحله ...


الله يوفقك ويوفق الجميع.


الـــى اللقـــــــــاء

ليه تحسف الروحات وكسر الروتين حلو ،يجدد النشاط ،تجي يوم الجمعة وانت ماكل تبن من التقصرة والتعب لكن مايهم مايجي يوم الثلاثاء الا وانت بادي تستعيد نشاطك ،يصير السبوع متجدد !
وبعدين تاكلون شي جديد عليكم مثل النواشف ولحمة تقاطون فيها ابرك من الدجاج اللي جثم على كبودكم ومرقة القرع والبيدجان والخبز !
فيه تجديد
الله يوفقك ان شاء الله

اقتباس: المشاركة الأصلية كتبت بواسطة وافي تمير    ماشاء الله عليك ماتقصر انت كل اسبوع رحله ورحله ... الله يوفقك ويوفق الجميع. الـــى اللقـــــــــاء

هلا أبو ناصر ..

وين كل اسبوع معه ..

يالله فيه الشهر مرة ..

أما كل اسبوع فانتهاء زمانها ..

اقتباس: المشاركة الأصلية كتبت بواسطة الكاريبي    ليه تحسف الروحات وكسر الروتين حلو ،يجدد النشاط ،تجي يوم الجمعة وانت ماكل تبن من التقصرة والتعب لكن مايهم مايجي يوم الثلاثاء الا وانت بادي تستعيد نشاطك ،يصير السبوع متجدد ! وبعدين تاكلون شي جديد عليكم مثل النواشف ولحمة تقاطون فيها ابرك من الدجاج اللي جثم على كبودكم ومرقة القرع والبيدجان والخبز ! فيه تجديد الله يوفقك ان شاء الله

عز الله أنك صدقت .. إذا جاء الجمعة ألاني تلف ومقصر .. وأقول هذي إن كشت مرةً أخرى ..

ثم إذا جاء الثوث قمت أتلفت يمين ويسار ..

خبرك حنا ياالتجار وأصحاب الأعمال نواجه ضغوطات كبيرة وسط الاسبوع .. ولا يفكها إلا هالخميس والجمعة ..

أما الأكل الجديد فصدقت .. تلقانا في الكشتة وحيث أن فيه قطة بيننا .. نشتري أي شي ما قد شريناه من قبل .. ونذوقه .. ودق فيه ..

يا هلا بك ..

صباح الخير ابومهند

علومك اليوم ،مبطين عنك عسى المانع خير

اتوقع هالمواقع اللي رحت لها هذي خذت حقها من التغطية وان شاء الله معد نشوف لها تقارير اخرى !
لكن وش النية في الايام المقبلة ان الله عطانا عمر ؟

اقتباس: المشاركة الأصلية كتبت بواسطة الكاريبي    صباح الخير ابومهند علومك اليوم ،مبطين عنك عسى المانع خير اتوقع هالمواقع اللي رحت لها هذي خذت حقها من التغطية وان شاء الله معد نشوف لها تقارير اخرى ! لكن وش النية في الايام المقبلة ان الله عطانا عمر ؟

هلا بالخير والعافية ...

نحمد الله ونشكره .. وش نسوي لك غطست .. وارتكزت في ساحة الأخبار ..

إيه معدنيب جايب عنها تقارير إلا أن استجد جديد ..

والنية إن شاء الله يم جازان وهاك الضلعان القشرا .. لكن جت التوقعات وردعتنا ..

جيزان !!!!!الله يحوم كبدك !
ياخوي سافر خارج المملكة واذا اجتمعتوا مثل روحاتكم هذي واجد ،تخف عليك الدراهم ولا يلحقك الا الفين ريال بس!
انت ضايع ماتفكر ابد ،رح للمغرب وصدقني ماتتحسف

شكرا لك

ايه نسيت ،ساحة الاخبار يقولون نبي نحطك مشرف ثم هونوا ،وكودهم يصملون ثانية ،الانسان بين الرجاء والياس وانت خابر نبحث عن البدلات والدراهم !!!
وهذا اللي خلاني ارتكز فيها على قولك