ارجعي لي لو سمحتي يا ال.....؟

لا شموخ وكبرياء وأنف يرقى للسنود = والقضيه أكبر أكبر من شموخي وإدِبي
للجهاله إيه والله فزت في كل البنود = والغباء لكل شخص ٍ مايقّر إني غبي
أستبّد وكني اللي ماخلق مثله إسود = لين داور هالزمان وقص خشمي وشنبي
إيه راحت وتركتني ويمكن إنه ماتعود = وداست برجله لعانه وجه قلبي وأهبي
وكرّمتني فوق نزفي وشكرتني للجهود = وقالت إنت وبإحتقار ودق كفّه منكبي
من تكون ومن أكون وطول عمرك لو تسود = ماربطني مع شتاتك إلا يمكن مذهبي
حمّلتني فوق وسعي وأكبر حلولي صمود = والصمود لغير موقف مثل هذا مطلبي
وطحت كني في مكاني شي تافه مايكود = حتى أرض ٍ إحتوتني ماتحفّت بركبي
كني اللي حاصل ٍ له دعوة ٍ من قلب عود = وافقت له إستجابه وإستوى له مايبي
وش عليها يوم راحت وتركتني للشرود = وشبّت النار بيديني وإستعانت بحطبي
وش عليها يوم سوّت إحتفالات الهنود = ورسمت رمز الضحيه فوق عيني وهدبي
وشكّلت قلبي طبول وقدّمتها للحشود = وإستعانت في حلاها وإستقالت منصبي
وإستلذّت صوت قلبي لا تعلاّ صوت عود = وإستغلّت كل درب ٍ يم روما وتعبي
ليت وقت ٍ قد مضى لي قبل حرمان الصدود = يغدي الدرب ويجيني أو أجي له لو حبي
يوم فوحي من غلاها ريح مسك وريح عود = وإن سكت لغير قصدي قالت آمر وش تبي
تنقهر عبله عليها وسط طيّات العقود = وأقهر العبسي بحب ٍ دون سيف ومشعبي
لامشتني مع دروبي وأصعب دروبي حسود = كن قلبه قلب ذيب ٍ وسط جوف ٍ في ضبي
ترسم بريده بكفي مالها حكم وحدود = وأنثر الطايف عليها بالقصيد المغربي
كرّهتني في حياتي وأنكرتني للجحود = يوم فازت في ضياعي وإستملّت ملعبي
إرجعي لي لو سمحتي إرجعي لي يالعنود = دام قلبي يوم رحتي في ضلوعي مختبي
مايفيد الحال بعدك لانياف ولا خلود = وش يسوّي كل مكسب دامك أنتي مكسبي
إذبحيني لو بغيتي وإلغي إسمي بالوجود = وإكتبيني تحت عطفك دام بيدك مخلبي
وكان خفتي من خيانه قيّديني بالقيود = وعقّدي لي تحت نمله وسط غار ٍ مرعبي
ماعليّ من الملامه والاهانه لو تزود = والرجوله مانبيها لا نويتي تقربي
واجد اللي يحسبون الحب تفتيل الزنود = ظافرين وكل واحد بنت قلبه تنسبي
الدعايه دبلجتهم من شموخ وبيت جود = في بحور ٍ لو تبعته كان يغرق مركبي
ماعلينا إرجعي لي لو سمحتي يالعنود = دامك أنتي أكبر أكبر من شموخي وإدِبي
وصدّقيني لو يحول الوقت دونك بالسدود = ما أنكر إنك يوم رحتي طحت واثق بركبي

كني اللي حاصل ٍ له دعـوة ٍ مـن قلـب عـود
>>>>>>وافقـت لــه إستجـابـه وإسـتـوى لــه مايـبـي

وش عليهـا يـوم راحـت وتركتـنـي للـشـرود
>>>>>>>>وشـبّـت الـنـار بيديـنـي وإستعـانـت بحطـبـي

ومن منا لا يعرف الشاعر ياسر التويجري الذي لمع نجمه في فضاء الشعر

ألف تحيه للأخ الدبلوماسي على هذا النقل وهذا الأختيار الرائع

لك الشكر

ومن ما يعرف يااااااااااااااسر

يكفي منه رغم شهرته تواضعه للجميع

وحبه لجمهوووووووووره

وقصايد يااااااسر لها رونق خاااااص

وباذن الله سوف ترونه في امسية شعرية وفي تمير

وهذي من مفاجأتي والقادم احلى



سلام

ماعلينـا إرجعـي لـي لــو سمحـتـي يالعـنـود
دامك أنتي أكبـر أكبـر مـن شموخـي وإدِبـي

وصدّقيني لـو يحـول الوقـت دونـك بالسـدود
ما أنكر إنك يوم رحتي طحت واثق بركبـي


قصيدة راااااااائعة من شاعر اروع...

مشكووووووووور يالدبلوماسي ع النقل الموفق..

ونريد المزيد من قصائد الشاعر الرائع ياسر التويجري...

تحياتي,,,,,,,

اخي الغالي السنافي شرفني مرورك

والشكر والتحيه لك فمنك تعلمنا كيف ننقل المتميز

ولك خالص شكري

اخي هادي اشكر مرورك الكريم

واشكرك على هذه الأخبار الحلوه فنتمنى ان تتحقق وفي اقرب فرصه

رقة الماضي اشكر لك مرورك وتشجيعك

وأعدك بأن ابحث عن جديد ياسر فهو يستحق المتابعه والنقل

في زمن قل فيه الشعر الرائع

صح لسانك ومشكــــــــــــــــــــــــــــــــور