●• خزآمىَ الصَحآرى « للشعْر والخَوآطرْ !

من رافق الطيب شرب صافي المـي
ومن رافق الهـــافي جفا الما كفـوفه

لاتنكـــر المعـــروف لو انه شـــوي
من قــــدم المعـــروف رد معـــروفــه ..

ياروعة الصبح في طلة صباحاتك
يا نفحة الـورد والاشواق تسقيهـا

خلك على الـنيه تجيك التوافيق
لو أغلب قلوب المخاليق ظلما
الله يبل الريق في حزة الضيق
لا شحت كفوف المخاليق بالما

البارحه ربي كتب لي ومريت
دربٍ عليه بروق الأحباب لاحت
جيت المكان اللي جمعنا وخفيت
وقامت جروحي للجوارح وصاحت
يا ليتني في لفة الدرب زليت
كان العيون من الدموع استراحت
اللتم غيم الدمع من يوم لفيت
وورقا القصيد لشوفة الغيم ناحت
وضحكت ما ابغي الناس تدري يبا لفيت
لكنها غصبٍ على العين ساحت
حارت دموعي في عيوني وصديت
وارمشت ابيها ماتبيّن وطاحت
وعقبه برق فالعين براق واسقيت
خدي ووناتي بصدري تلاحت
وانا احسب اني في فراقه تعافيت
وان عبرتي من مدخل الزاد زاحت
اللي يحسب اني على البعد سجيت
والا ان عيوني للرقاد استباحت
ياليتني من قبل لا احبه اقفيت
والا ان دروبي عن دروبه تناحت
اهون عليّ من البكا والتناهيت
واشلا من سدودٍ على الناس باحت
عرفت كيف الحي يفرق عن الميت
وعرفت قيمة نعمتي يوم راحت
قولوا له اني عقب بعده تدانيت
ورجلي عن دروب المعافين شاحت
البعد نار وطاعة العذل كبريت
يقصر عليّ بعده ترى الكبد فاحت

حين تزرع السعادة في قلب انسان سيأتي يوم من يزرعها في قلبك ♡
ما تزرعه اليوم تحصده غداً

لا نِهايه لك بداخلي أنت نعيمي للأبد ..

القلب ما يكره .. لكن الخاطر يطيب ..

لولا الظنون الطيبه مات الاحساس ولو لا التسامح بالحياه انقرضنا ٰ.
ولولا الامل تهنا على سكة الياس ولولا ماخاسير الزمن ما اتعضنا

قلوبنا ما تعرف الحقد والصد
ونطيب فـ اللي ما يطيبون فينا

ونحبّ لكن فـ المحبّة لنا حد
لا وصلّت حدّ الكرامة مشينا

أنت كامل بـ عيني لو كلك عيوب !