ياناس خلوا كل وادي ومجراه /////// قلتوا كثير وقولكم مالقيته

هذه القصيدة قالها الشاعر بعد أن طلق زوجته التي يحبها .. وذلك عندما قتل أحد أبناء جماعته ابن عم لهم .. فأقسم عبدالله بن سبيّل وطلق إن رأته عينيه أن يقتله .. ((وكما هو معروف أن عبدالله بن سبيّل هو شيخ جماعته وأميرهم)) ..
فحاول كبار جماعته أن يثنوه عن هذا الحلف .. وأن المرأة تتعوض .. أما الابن فلايعوض .. حتى استطاعوا أن يثنوه عن عزمه وعن حلفة .. ولذلك طلق زوجته التي قال فيها هذه القصيدة .. وذلك بعد أن حاول الكثير وصفها بالنقص (وبالعذاريب) ..
يالله ياللي تسجـد النـاس لرضـاه
ياوامـر خلقـه علـى حـج بيتـه
تفرج لمن سده على الناس ما ابداه
راضي على مقسومك اللي عطيتـه
من شن يسل الحال والجسم يبـراه
والنـاس مايشفونـه إن ماشفيـتـه
قلت آه واجرحـاه مـن خلتـي آه
وإن حملونـي حمـل غـي قويتـه
قالوا سفا بالحال ويش اللي أغـواه
قلت آه ويش المنكر اللي وطيتـه؟
قالوا جهلت وبـان علمـك لمنهـاه
قلت آه علمـي يامـلا مـا كميتـه
قالوا طلبنـا لـك مـن الله معافـاه
قلـت آه وحدتـه وعفـوه رجيتـه
قالوا هله وأحباب عينـه نصحنـاه
قلـت آه هـذا واردٍ مـا بغيـتـه
قالوا ندور لك من البيـض حليـاه
قلت آه لـو غيـره بكفـي رميتـه
قالوا نشاش العـود مالـك بلامـاه
قلت آه عود المـوز بإيـدي لويتـه
قالوا تـزوج كـود تدلـه وتنسـاه
قلت آه لو خذت أربع مـا نسيتـه
قالوا من أقصى الناس وين أنت وياه
قلت آه ما أنسى يوم جاني وجيتـه
قالـوا نشوفـه عنـد هـذا وهـذاه
قلت آه عمره ماعقب حجـر بيتـه
قالـوا عليـلٍ ناقلـن داه بــرداه
قلت آه بأقرابـي وروحـي فديتـه
قالـوا نشيـر ولا نفـع ماحكينـاه
قلـت آه هـراج النمايـم عصيتـه
قالوا كثـر شيبـك وقلبـك بعميـاه
قلت آه لـو قلبـي غريـر نهيتـه
مطـاوعٍ قلبـي بعجفـاه وإقــداه
وإلى عطى منهـاج دربٍ عطيتـه
يانـاس خلـوا كـل وادٍ ومجـراه
قلتـوا كثيـر وقولـكـم مالقيـتـه ...

قصه وقصيده رآئعه
سلمتَ آخي على آلآختيآر

طرحَ رآئعَ

يعطيكَ ربيَ الف عافيهَ

لاهنتِ

ذآآئقه رووعه خيو
تسسلم على القصيده الرووعه
وودي لكك...ْ

اقتباس: المشاركة الأصلية كتبت بواسطة الراقيه    قصه وقصيده رآئعه سلمتَ آخي على آلآختيآر

الله يسلمك ياراقيه المنتدى ,,,,,,,,,,, وكل عام وانتم بخير

اقتباس: المشاركة الأصلية كتبت بواسطة همس الجفاء    طرحَ رآئعَ يعطيكَ ربيَ الف عافيهَ لاهنتِ

الله يعافيك واشكرك جدا ,,,,,,,,,,,, وكل عام وانتم بخير

اقتباس: المشاركة الأصلية كتبت بواسطة لميس    ذآآئقه رووعه خيو تسسلم على القصيده الرووعه وودي لكك...ْ

ربي يعافيك مرورك الاروع والافضل ,,,,,, وكل عام وانتم بخير

ابياات راائعه

تسلم اخووي على الانتقاااء

اقتباس: المشاركة الأصلية كتبت بواسطة دروب الامل    ابياات راائعه

اقتباس: المشاركة الأصلية كتبت بواسطة دروب الامل    تسلم اخووي على الانتقاااء

اشكرك على المرور الجميل ... تحياتي وتقديري