قصيدة عن شهر رمضان المبارك

السلام عليكم ورحمة الله وبركاته
مساكم الله بالخير ومبرووك عليكم الشهر الفضيل وانشاء الله يعوده عليكم بألف صحه
القصيده فيها من الحكمه وفيها من الفوائد وانشاء الله الكل يستفيد من القصيده ومن نصائحها
القصيده للشاعر الكبير الكويتي (( محمد بن سوعان الربيع الشمري ))


حييت يا ضيف عزيزٍ ولــه شــان **** ضيف علــى كــل المســــلمين غــــــالي
في مقدمـه كــلٍ يبــارك وفــرحــان **** من أقصى جنوب الأرض حتى الشمالي
بالشرق واللي يسكن بغرب الأوطان ****كــــلٍ تحـــرى جيـــتــه بأحتـــفـــالـي
شهر رمضان اللـي نزل فيــه قـرآن **** فيــه الهــدى والنور والأكتمــــــــالي
أمــــة محمـد تحتــفــل فيــه وكــدان **** وكـلٍ يــــبـــشر صـاحبـــه بالهـــــلالي
فيــه التسامح والتواصل والأحسان **** وتقبــل بــه الأعمـــال أول وتــالــــي
به ليله مـا مثلــها صــــار أو كــــان **** ليله عــظيــــمه غيــر كل الليالــــــــي
ما تــــعادل بألـف شهــــر وحسبــان **** أو أنــهــا أعظــم ما يــفوق الخيالي
ومن لا عمل به خيــر نادم وخسران **** وساعـــات من لا قـــامها مــــا يبالي
شهر الصيام أيام تمضـي كالأزمـــان **** ولا يغــتنمها كـــود مســــلم مثـــالي
يكثـــــف المجهود والصبر بأيمـــان **** ومن لا صبر هيهات يرقى المعالـــي
شهر الكرم والخيـــر يكثر به ألوان **** والشــح بابـــه ينــغلــــق بأـنقــفــالي
وبه رحمه للناس من عند رحمــان **** صــدق وصمـــايل ما نقـول أحتمالي
والثانـــي للـي يبــي فيــــه غفـــران **** يجــهد ويتـــرك عنــه قيــل وقــــالي
والثالثه يعتـــق من أحـــدود نيـــران **** يـــوم الصــراط وحــدها بشتـــــعالي
يحظي بعوفه من نهض حظه وزان **** ولا مــن جــواب كود قــبله سؤالي
وأرجو السموحه يا سليمين الأذهان **** أريـد أذكــر يــوم جالـــه مـــجـــالي
صــفوا ظمـــايركــم بصــدق وأتقــان **** وزودوا بـتقوى الله رب الجــلالي
وصلوا الرحم مطلوب ما بين الأخوان **** وياجــب نواصل كـل عم وخـــال
بــر الأهــل فــي كــــــل الأحيــــــــــان **** أهـــمهـا حــشـمـه أثنين غــوالـي
حشمــه وتقدير وعــــــطف وأحسـان **** للـوالـدين الـمـرحـمــه والـجــلالي
تـمـلك مـشـارك فـي فرحهم والأحزان **** وأبـعـد عـن التعـصيب والأنفعالي
ويــا الـقرم تكفه حط للـسانـك عنـان **** عــن لا تطيــح بزلــه وأنت سالي
وتـرى نـشـوء المشكله زلـت ألسـان **** تـبعــدك عن قرب الرفيق الموالي
وأبـغى أتجواز عن خطأ كل غـلطـان **** وتــرى التسامـح شيمــة للرجالي
يا مـحلـى شـوف الـجمـاعـه مـسيــان **** وكل ٍ على الثاني عــزيز وغالي
عــــقـــب الــعبــــاده وســط ديــــوان **** وكلٍ وقلبه من بلا الــغش خالــي
فـي مجـلسٍ مـا بــه كــذوب وفــتــان **** ولا فيــهم اللي لـلــرذيــلات مالي
وســوالــفــن مــصــدره كــنــه الــدان **** تشفـي كبـودٍ يـعتــريها اعتــلالي
هذي طراة العـمـر مـن قــبـل الأكـفـان **** والعمر لحظــه وأخـره للزوالــي
وليــا تجـمـعنـا عـلى خــيــر الأديـــان **** فزنـا وصــرنــا قــدوه للجـيـالــي
وبين الصحيح ومجمل الزيف شتان **** ومـا بيـن الأول والأخيـر اختـلالي
وتـمـة وصل الله على خــير إنـســان **** نبــينا المـختـار بـتـلـي المجــالـي
وسلامتكم

وعليكم السلام ورحمة الله وبركاته

قصيده متكامله من جميع الجوانب


وجت في وقتها ,, والله يبلغنا رمضان ويجعل لنا

فيه أوفر الحظ والنصيب ,,

وصح لسان الشمري


والله يسلمك يالشمالي على الاختيار الرائع ومثل العاده

ليست غريبه عليك ,,,

مشكوووووور اخونا الشمالي اللي تذكرنا بهالشهر الكريم

اللهم بارك لنا في شعبان وبلغنا رمضان

حييت يا ضيف عزيزٍ ولــه شــان
............... ضيف علــى كــل المســــلمين غــــــالي


سلم بنانك ياالشمالي

الله يعطيك العافيه ع القصيده

والله يبلغنا رمضان ونكون من صوامه وقوامه يارب

دمت بخيــــر

اقتباس: المشاركة الأصلية كتبت بواسطة السنافي    وعليكم السلام ورحمة الله وبركاته قصيده متكامله من جميع الجوانب وجت في وقتها ,, والله يبلغنا رمضان ويجعل لنا فيه أوفر الحظ والنصيب ,, وصح لسان الشمري والله يسلمك يالشمالي على الاختيار الرائع ومثل العاده ليست غريبه عليك ,,,

الله هما أمين بلغنا رمضان واجعل لنا فيه اوفر الحظ والنصيب الله يجزاك الف خير يابوعبدالله ودائمآ مرورك على متصفحي هوا الاروع

اقتباس: المشاركة الأصلية كتبت بواسطة أبو مهند    مشكوووووور اخونا الشمالي اللي تذكرنا بهالشهر الكريم اللهم بارك لنا في شعبان وبلغنا رمضان

لاشكر على واجب اخوي ابومهند ولك الشكر والتقدير

اقتباس: المشاركة الأصلية كتبت بواسطة ولي العهد    حييت يا ضيف عزيزٍ ولــه شــان ............... ضيف علــى كــل المســــلمين غــــــالي سلم بنانك ياالشمالي الله يعطيك العافيه ع القصيده والله يبلغنا رمضان ونكون من صوامه وقوامه يارب دمت بخيــــر

وانت سالم ياولي العهد الله يعافيك على مرورك الجميل