تذكرتك يابوي والقلب لك حييل مشتااق

تذكرتك يابوي واللقلب لك حييييل مشتاق ...

يا الله يا اللي من ترجاك ما خاب
يا اللي عليه الناس تشكي بلاها
يا واحد(ن) فرد(ن) صمد ما له أرباب
يا رافع(ن) فوق الثريا سماها
اشكي عليك اليوم والقلب منصاب
صابه قدر مكتوب ما هو بعماها
راح السند وكشرت كل الأنياب
واليوم نفقد مع سندنا ذراها
قولته لي يا (أمي) غدت مثل الأسراب
غابت وغاب اللي عليه ملاها
أبوي ابوي يوم الرجاجيل اخشاب
طيب وكرم والمرجله في قفاها
من طيبته دمعته في طرف الأهداب
لشافني ابكي نثر كل ماها
يقول لي حبك على القلب غلاب
انتي الغلى وكل الغلى يا غلاها
واليوم وينك يا غلا كل الأحباب
ناديت أبويه ... وارتجع لي صداها
بكيت .. وقالوا سكرت دونه ابواب
قالوا توفى واندفن في حشاها
يا من يجيب العلم لوكان كذاب
يقول لي عايش وياطا ثراها
والله لهدي له حياتي بلا سباب
تفداه روح(ن) حبه اللي براها
قالوا توفى وقلت والله ما غاب
لو غاب جسمه باقيا في حناها
احلام طارت في ذرى نعقة غراب
جانا الخبر واظلم علينا فضاها
ضاقت علي دنياي وصارت مثل غاب
واستاحشة كل المحانيا معاها
ابكي وقلبي منهم اليوم مرتاب
اقنب قنيب الذيب بخلا خلاها
فرقاه نارا تلهب القلب إلهاب
تشوي حنايا الجوف وتصلا صلاها
يا الله يا المعبود يا فاتح الباب
تسمع دعاء منهو بكى في خفاها
تجعل عليه القبر روضه من عشاب
وتغفر له الزلات واللي وراها
وتنجي ابوي من الغثى يوم الحساب
ويسكن في جنة خلد محد(ن) وطاها
وتجعل له من الحور سبعين اتراب
وتنجيه من نار(ن) تلضا لضاها
يا الله تجمعنا بهم جمع الاحباب
في جنة الفردوس باعلا علاها

فرقاه نارا تلهب القلب إلهاب
تشوي حنايا الجوف وتصلا صلاها

صح لسآن شاعرهآ و لآهآنت نآقلتهآ
كلمآت طآغيه بحسهآ
شكرآ بحجم السماء ع النقل المميز

تسلمي على الحضور الغالي
انرت الطرح بتواجدك الغالي

ابيات جميله ومعبرة
يسلم ذوقك الرفيع
تحياتي

تسلم على الحضور العطر
انرت الطرح

ابيات جميله وذوق جميل

شكرا لك

تسلم
منورالطرح

تسسلم ايدينك ع رووعة القصيدة
لاتحرمينا جديدك ي الغلا
الله يعطيك الف عافيه ...|

الله يسلمك يا الغلا
منوره الطرح

سلمتي علي الانتقاء