لا .. لايغرك كثير الصمت .. وسكاتي

يآمتعب القلب قلي ويـش غلطاتـي ..
ان كنت انا اقدر اعدلهـا .. بعدلهـا ..

لاصرت تجهل عنا الدنيا .. وضيقاتي ..
من دون ماشرح لك اوضاعي تأملها ..

الوقت ضدي .. حرمني من ملذاتـي ..
والصد بعدك ذبح روحي .. وكملهـا ..

لا .. لايغرك كثير الصمت .. وسكاتي ..
خل المشاعر تقول ( الآه ) وإسألهـا ..

يسكني الحب .. واضح من عباراتـي ..
وش عاد لجلك حروفي لـو أذللها ..

عذبني الشوق واسرفـت بخيالاتـي ..
( روح ٍ تحبك تكفى ليه .. تهملها ..)

ياليتك إشوي تشعـر فـي معاناتـي ..
دنياك يمكن عليك تضيـق باكملهـا ..

الحزن كنه سفيـري فـي علاقاتـي ..
والهم خيّم على حالـي .. وطولهـا ..

اغديت دربي وتاهت فيـك خطواتـي ..
كل المواعيد مدري ليـش تجلهـا ..

سنين احاول وضاعت كـل حيلاتـي ..
ماتدري اني ( حيـاة الـذّل ) مقبلهـا..!!!!

لاجيتك أسال وادوّر فيـك ضحكاتـي ..
كنك ( تعمًد) بيديـك اليـوم .. تقتلهـا ..

لا تترك الظـن يلعـب باحتمالاتـي ..
الكلمه اللي تحزّ بخاطـرك .. قلهـا ..

تعال شفني وحـس بحـال لوعاتـي ..
كن الدقايق بدونـك عـام مطولهـا ..

متى التباشر بقدوم ( الغـلا ) تاتـي ..
فرحة زماني بشوفـك مـا تخيلهـا ..

خلاص صبري تعـدى كـل هقواتـي ..
اتعبت نفسي ( اعزيهـا .. وعللها .. )

ابيك تنسى وتدمـح كـل ( زلاتـي) ..
بعض البشر صعب مانقـدر نزعلهـا ..

والحين جيتك ابمسح كـل غلطاتـي ..
دنياي دونـك وربـي ماتحملهـا ..

شكرا اخت شموع .. كلمات مؤثره ولكنها جميله ، بارك الله فيك .

اقتباس: المشاركة الأصلية كتبت بواسطة هذا انا    شكرا اخت شموع .. كلمات مؤثره ولكنها جميله ، بارك الله فيك .

والشكر موصول لك اخي / هذا انا ، الله يسعدك يارب لتواجدك الطيب
دمت بحفظ الله

لا تترك الظـن يلعـب باحتمالاتـي ..
الكلمه اللي تحزّ بخاطـرك .. قلهـا ..

تعال شفني وحـس بحـال لوعاتـي ..
كن الدقايق بدونـك عـام مطولهـا ..

آبيآت جميله ومؤثره تسسلمين ع آلآختيار ..

اقتباس: المشاركة الأصلية كتبت بواسطة الراقيه    لا تترك الظـن يلعـب باحتمالاتـي .. الكلمه اللي تحزّ بخاطـرك .. قلهـا .. تعال شفني وحـس بحـال لوعاتـي .. كن الدقايق بدونـك عـام مطولهـا .. آبيآت جميله ومؤثره تسسلمين ع آلآختيار ..

الله يسلمك والاجمل تواجدك , وفقك الله
دمتِ بخير

ابيات جميله ورااائعه

شكرا لك شموووع

اقتباس: المشاركة الأصلية كتبت بواسطة أبـوحـمـد    ابيات جميله ورااائعه شكرا لك شموووع

العفو ،، الأجمل تواجدك الله يسعدك
دمت بخير