التوجد

الا ياوجودي وجد مـن لاعتـه دنيـاه
وهو فـي ربيعـه عايـشٍ ماتوقعهـا
مغفلته الدنيـا وعايـش علـى ليـلاه
حياتـه مدللتـه ونفـسـه مدلعـهـا
وصل للثريا وارتفع لين لحـق امنـاه
حظيظ وسعيـد وضحكتـه ماتصنعهـا
ودارت به الدنيا علـى غفلتـه عـزاه
وبارت وجارت وأسقته مـن مواجعهـا
تصوعه بلى رحمه من أدناه لين أقصاه
تحامت عليـه وماقـدر فـي زوابعهـا
تردّت عْزومه وانتهـى ماقـوى بلـواه
ولاعه زمانـه ليـن فاخـت مرابعهـا
على حاجةٍ في خاطري ذكرها م/أقـواه
يتمتم بهـا لسانـي ولاهـوب ذايعهـا
أهوجس بها وأكتب هوى خاطري وأقراه
وأطفي شموعي في ضميري واولّعهـا
تمنيتها وبعض التمنـي علـى عميـاه
يثير النفوس اللي شقى الوقت لايعهـا
شكيت وبكيت وخاطـري فيـه ماكفـاه
لاني بشر واصل البشـر ذي طبايعهـا
تشكّى ولو ماينفـع الوجـد والمشكـاه
ولكن على الله بعض الاحيـان ينفعهـا
على الله يفيد الوجد لو ماظهـر معنـاه
وعلى الله فياحي نجد تنبـت مراتعهـا!
مماراق لي*

قصيدة جميله من العيار الثقيل صح لسان شاعرها

ومشكور هذا النقل الاجمل

تحياتي

تسلم على الانتقاء

آبيآت جميله بجمآل آختيآرك
سلمتْ يدآك ويعطيك العآفيه

آختيآرَ جميلَ تسلمَ يديكَ آخخويَ

لآهنتَ

وراقت لنا ايضاَ

تسلم على الانتقاء اخوووي..

اقتباس: المشاركة الأصلية كتبت بواسطة دمعة شاعر    قصيدة جميله من العيار الثقيل صح لسان شاعرها ومشكور هذا النقل الاجمل تحياتي

هذا من ذوقك
تحياتي

اقتباس: المشاركة الأصلية كتبت بواسطة عَ ـزَوـوفْ ..(~    تسلم على الانتقاء

الله يسلم عمرك
تحياتي

ابياااات جدا اعجبتني
تسلم على الاختيار المميز
عوااافي

قصيده رآئععهه ,
يعطيك آلعآفيهه ع آلآنتقآء ,