(صادوة الحلقة الحاديه عشر مع ابوعبدالرحمن)

السلام عليكم ورحمة الله وبركاته مساء الورد والكآدي لجميع آعضاء منتديات تمير كل عام وانتم بالف خير راح اطرح اليوم الحلقه الحاديه عشر من برنامج مقالب (صادووه ) وان شالله تعجبكم وبالتوفيق يآآرب ~ ~ ** راح نتواجد يوميا معاكم انا وصعبه المنال من الاحد الى الاربعاء ان شاءالله خميس وجمعه والسبت راحه باذن الله (آخليكم مع المقتطفات ) يالمدلــع على هونك ، التدليع ماهو بتصغير الأسم غدا عندما تبلغ سن المشيب ماذا ستكون كنيتك [العود .. عزوز ]ههههه انا خلاص سامحتك لوجهه الله ومابي الاالاجر والله يهديك ويصلحك ولاتعيدها سماحة الشيخ عزوز .. دلوعة هله أشوفك غيرت المركب بديت تثقل وتسامح ياعزوز مامليت من الهذرجه الظاهر انك متخرج من كلية [ هذرولوجيا ] معطيني محاضره طويله عريضه طيب وانت وش وضعك غير من طبعك وتعال انصحني ياحكيم زمانك تمنياتي لكم بقزقزة ممتعه ولاتنسوني من تقيماتكم الحلوة لميس

السلام عليكم ورحمة الله وبركاته مساء الورد والكآدي لجميع آعضاء منتديات تمير كل عام وانتم بالف خير راح اطرح اليوم الحلقه الحاديه عشر من برنامج مقالب (صادووه ) وان شالله تعجبكم وبالتوفيق يآآرب ~ اليوم معانا الاستاذ الفاضل / ابوعبدالرحمن ا (آخليكم مع المقلب ) التميراوي عزوز　 السلام عليكم ورحمة الله وبركاته انا منيب مكثر كلام وابي اقول لك اني ما توقعتها منك كنت اعدك اعز من الاخو لاكن تجازيني بالطريقه هذي؟ اذا كنت متظايق مني في شيء تجي وتقوله لي مهوب تتكلم من وراي وتحش فيني لاكن الشرهه مهيب عليك الشرهه علي انا الي عاملتك معامله ما اعاملها اخواني لاكن طلعت على حقيقتك وبان معدنك والله يسامحك ابوعبدالرحمن وعليكم السلام .. وبعد: لمـاذاأنت غاضب ؟ وقد أهديتك من حسناتي لولا محبتك لما قدمت لك أفضل كنز أحتفظ به لأخرتي .. ..التميراوي عزوز　 أي والله احسن هديه بس الي يحز في النفس تصرفك معي ماتوقعته منك يابوعبدالرحمن مدري وش الي غيرك الله يهديك بس 　　 ابوعبدالرحمن نفسك روضها على التسامح والعفو.. قال تعالى [ وَالْكَاظِمِينَ الْغَيْظَ وَالْعَافِينَ عَنِ النَّاسِ وَاللّهُ يُحِبُّ الْمُحْسِنِين ] فقوله تعالى: وَالْكَاظِمِينَ الْغَيْظَ أي لا يعملون غضبهم في الناس بل يكفون عنهم شرهم، ويحتسبون ذلك عند الله عز وجل، ثم قال تعالى: وَالْعَافِينَ عَنِ النَّاسِ أي مع كف الشر يعفون عمن ظلمهم في أنفسهم، فلا يبقى في أنفسهم موجدة على أحد. وهذا أكمل الأحوال، ولهذا قال: وَاللّهُ يُحِبُّ الْمُحْسِنِينَ فهذا من مقامات الإحسان... انتهى. التميراوي عزوز　 انت تعرفني قبل ماتنصحني او تعرف اسمي اول مره اشوف واحد ينصح وهو مايعرف اللي ينصحه انا اعرفك عشان كذا حبيت ابلغك ولا ودي اتكلم من وراك مثل ماتكلمت انت !! وبعدين ليه ماتوفر هالنصايح لنفسك معطيني محاضره طويله عريضه طيب وانت وش وضعك غير من طبعك وتعال انصحني ياحكيم زمانك 　 　 　 ابوعبدالرحمن [ أفا ] كيف لا أعرفك وأنت عزوز اللي سموك أهلك عبدالعزيز ورضيت أن تكون عزوز تصغيرا على الرغم من كراهة تصغير أسماء الله الحسنى ثم إنك طلبت مني أن اوفر نصيحتي لنفسى وهذا ليس شرطاً أن من يقع في محضور لاينصح من الإبتعاد عنه وطالما أنني حكيم فمن الحكمه الحلم ولعل حلمي عليك وأمثالك ممن قد يبتليك ويدعي معرفتك وأنت لاتعرفه هو الحكمه .. أما طلبك مني بتغيير طبعي فالحمد لله فإن من طبعي أن أكره التعرض لإحد كمالاأحب أن يتعرض لي أحد . لكن إذا إبتليت بمجلس فيه من الثرثارين طالني غبارهم وعسى ألا تكون منهم ثم إنني أحمد الله على أن حواري معك في الفضاء حتى لا تمل من خلقتي كما بدأت أن امل من تناقضاتك ،، فأنت كما وانيت داتسون في بطناج تاره فوق وتاره تحت لاينفع فيه الميل يمين ولاشمال كان الله في عون من ركبه [ اللهم بلغنا رمضان حتى تطمئن النفوس وتسامح من إغتابك كما زعمت ]　 التميراوي عزوز　 المقصد موتصغير الاسم لاسمح الله بس اسم دلع عندنا عزوز عزيز وانت تعرفنا يالسعوديين ماننادي بعض الاكذا ، اجل انت حليم هاه انت كل كلامك هذا تمثيل علشان ماصدق أي شيء عنك وانا متاكد من الرجال والله اعلم من الثرثار الي يمشيء ويتكلم بين الناس ، اقول بلافلسفه زايده وعلى قولتك رمضان على الابواب وانا ماراح اسامحك لحد ماتعترف بغلطتك وتعتذر لي ذاك الوقت يصير خير ،وليت تطبق هالحكم والكلام الي تقوله على نفسك يابوعبدالرحمن الله يصلحك بس ابوعبدالرحمن يالمدلــع على هونك ، التدليع ماهو بتصغير الأسم غدا عندما تبلغ سن المشيب ماذا ستكون كنيتك [العود .. عزوز ]ههههه سبحان الله الإناء ينضح بما فيه إذا أنت فاضي تمثل علي وتبحث عن ردت فعل وهاذي بعيده عليك أنا اضحك على عشره مضاعفه من شاكلتك لكن الدتسن غماره في بطناج تزيد خفته كلما زادت سرعته وأنصحك لاتسرع ،، قال أعتذرلي العذر على مستوى الخطيئه والمخطاء عليه وأنت لاهاذي ولاذيك .. وما أقول إلا الفراغ شين ياعزوزي .. سبحان الله وبحمد ،، سبحان الله العظيم التميراوي عزوز　 على هونك على هونك يامالك فيي احساسي غار النور من لونك كيف بحال جلاسي تحذر لايحسدونك ترى بعد النظر قاسي > هذي لك مع انك ماتستاهل بس يالله بصير اطيب منك وترى بيصير اسمي الشيخ عزوز وش عرفك انت وتضحك علي انت من طبعك تضحك على الناس كلهم وترى الناس يجاملونك ولاعارفينك وعارفين طبعك ,وبعديين انت انسان اخطاءت علي وتكلمت من وراي وهالشيء مايرضيني وانا موانسان فاضي ولاشيء انا انسان ماحب اسكت عن الغلط احب اخذ حقي بيدي واحب المواجهه لذلك اقولك انا خلاص سامحتك لوجهه الله ومابي الاالاجر والله يهديك ويصلحك ولاتعيدها ابوعبدالرحمن سماحة الشيخ عزوز .. دلوعة هله أشوفك غيرت المركب بديت تثقل وتسامح بس ماخليت الطربقه والهياط بقولك تأخذ حقك بيدك ليه شايف يديني مربطه اوفيها حنا أنا لايمكن أمشي إلا اللي أنت خابر معي [ خوالى البرغش يحبون شوفت العجراء تحت المرتبه].. شكرالله لك تسامحك البلاش اللى على لاشش .. سبحانك اللهم وبحمدك أشهد الآ إله إلا أنت استغفرك وأتوب اليك .. التميراوي عزوز　 ايه انا ثقيل ورزين من طلعت على هالدنيا الله عجرا مره وحده خف علينا ياجون سينا حسيت انك معضل وقوي ولامشيت كل الخلايق تهابك ههه لا انا ماسامحتك على لاشيء وانت عارف الي صاير بس يالله رمضان كريم والصفح زين وانا الحمدالله قلبي ابيض ماحب اشيل على احد والدعوه كلها ابي منك تحرص مره ثانيه وماتعيدها ترى موكل يوم بسكت وسامح 　 　 ابوعبدالرحمن ياعزوز مامليت من الهذرجه الظاهر انك متخرج من كلية [ هذرولوجيا ] ما اقول إلاعظم الله أجر أميمتك اللي ولدتك ثقيل .. على كل حال ليتك بحثت عن شخص شاطر يلعب بدالك أنت ماأنت قد شغل [ الكمره الخفيه او صادوه او مع ردة فعل ] اللهم أغفرلي ولأخي عزوز ولوالدينا ولإخواننا المسلمين .. التميراوي عزوز　 ايوا عليك نور تخرجت من هذي الكليه لكن مالقيت لي وظيفه ااذ عندك وظيفه وظفني ولا وظفني عندك وخليني اسولف وابربر فوق راسك ، وش صادوه شكلك رايق يابوعبدالرحمن تبي تعذر لنفسك وبس المهم لاتزعل مني ولاازعل منك وخلاص الي راح راح والله يسامح الجميع ابوعبدالرحمن الله ينور علينا وعليك الوظائف عندنا ولله الحمد كثر بس اللي يبي عندما ماما وبابا قليل مايحصل وأما وظيفة [هذار] فهي في الوقت الحاضر غير شاغره .. والرأس فيه ماكافيه من أوجاع وسكر لكن لله الحمد أما الروقان فأنا رايق بفعل هذا العلاج الذي او صيك به وهو [ اللَّهُمَّ إني عبدك ابن عبدك ابن أمتك ناصيتي بيدك ماضٍ فيِّ حكمك عدلٌ فيِّ قضاؤك أسألك بكل اسم هو لك سميت به نفسك أو أنزلته في كتابك أو علمته أحد من خلقك أو استأثرت به في علم الغيب عندك أن تجعل القرآن ربيع قلبي ، ونور صدري ، وجلاء حُزني ، وذهاب همِّي .. 　 التميراوي عزوز　　 هو فيه بالدنيا احسن من الهذر والسوالف هع المهم انا استسلمت وقررت اعترف لك اني جالسه اسوي مقلب فييك وانت ماشالله علييك صامد مايهزك ريح وانا مره منتهيه ومقصره ويالله قدرت ارد عليك وحياك الله بصادوه الرمضاني معك لموس اكيد مانسيتني عقب مقلب العام ههه والعذر والسموحه ااذا اشغلتك بكثره رسايلي وكل عام وانت بالف خير :)　 　 ابوعبدالرحمن ll مــرحبا لميــس ll لعلكي أدركتي أن الواثق من نفسه لاتعنيه الترهات ثم إنني مدرك من الرساله الأولى أن وراءها هدف وفضلت السير خلف الرسائل رغبة في تحقيق هذا الهدف والذي هو الخروج بالقارئ عن روتين الجد ومشاغل النفس الى الترويح عنها وايضا حاولت إدخال عنصر التوجيه والفائده للقارئ حتى يتمكن من الكسب بطريقه خفيفه ومحببه للنفس [ رمضان على الأبواب ترى هل نكون ممن يدركه أم لا ربي أسألك أن تبلغنا إياها وتتقبله منا ] التميراوي عزوز　 احلا يالواثق اهنييك والله ع ردودك الي اغلبها تذكير بالله الله يجزاك كل خير ويكثر من امثالك وانا عارفه انك كاشفني من البدايه بس قلت بشوف وش اخرتها معه وحياك الله خيو نورت وكل عام وانت بالف خير تمنياتي لكم بقزقزة ممتعه ولاتنسوني من تقيماتكم الحلوة لميس

مآشآء الله ع ابو عبد الرحمن واثق من نفسه ورآكد وانت شكلك ع نآر ههههه
لكن مافيه ردة فعل من ابو عبد الرحمن
ع انه كآشفك لكن حب يكمل معك الله يجزآه خير ع التوجيه مقلب كله حكم وفائده
تسسلمون ع المقلب الجمييل ..

ابوعبد الرحمن بارد ومايحب يسبق الاحداث

مقلب جميل يالميسسس

بس هالسنه ماتكلمتي بالعاميه مثل العام الي فات هههه

عافكم الله وماقصرتووو

ابوعبدالرحمن صاحب عقليه كبيره اتمنى له التوفيق في الدنيا والاخره

عافاك الله لميس

من اجمل الصيداااات تسلم يمينك يا ابوعبدالرحمن

شكرااا لموووس

ابوعبدالرحمن ؛ ماشاء الله كل كلامه دين و توجيهات شرعيه ؛؛ يعني خرب المقلب يا لميس ؛؛ لكن ما يمنع انه تنرفز في بعض المواقف

بس حلوه على هونك على هونك ؛؛؛ ثم لك مع انك ما تستاهل

شكرا لميس ؛ شكرا ابوعبدالرحمن

تحياتي

اقتباس: المشاركة الأصلية كتبت بواسطة الراقيه    مآشآء الله ع ابو عبد الرحمن واثق من نفسه ورآكد وانت شكلك ع نآر ههههه لكن مافيه ردة فعل من ابو عبد الرحمن ع انه كآشفك لكن حب يكمل معك الله يجزآه خير ع التوجيه مقلب كله حكم وفائده تسسلمون ع المقلب الجمييل ..

ههههههههه والله بارد رفع ضغطي
والله تمنيت يتكلم باللغه العاميه احسن بكثير
وحياك الله نورتي ي عسسوله

اقتباس: المشاركة الأصلية كتبت بواسطة أبـوحـمـد    ابوعبد الرحمن بارد ومايحب يسبق الاحداث مقلب جميل يالميسسس بس هالسنه ماتكلمتي بالعاميه مثل العام الي فات هههه عافكم الله وماقصرتووو

ايه ماشالله عليك طويل بال الله لايضره
والله تبي الجد ناويه وهونت ماحب اتكلم هاللغه يازين كلامنا بس
وحياك الله يالطيب نورت ..~

اقتباس: المشاركة الأصلية كتبت بواسطة T W I X    ابوعبدالرحمن صاحب عقليه كبيره اتمنى له التوفيق في الدنيا والاخره عافاك الله لميس

اكييد مافيه أي شك الله يسعده يارب
حياك الله ي الطيب