اقطعي كل رسايل واذلفي عن وجهي

السلام عليكم ورحمة الله وبركاته

اعذروني على التعبير لاني صراحه اهديها لشخص وجعله يفهم معانيها







قطعي كل الرسايل واحرقي باقي الشمـوع
عقب هالكذبه الكبيره يـوم حبـك ماصفـا


امسحي عنوان قلبي واقطعي خط الرجـوع
شبهيني بنجم ليلك وفـي صباحـك اختفـا


ارحلي عن درب قلبي واذرفي بدربك دموع
وكـل دمعـه تذرفيهـا امسحيهـا بالجفـا


وقتي اللي ضاع في قربك موده وخضـوع
والحصيله تاه قلبـي ومالقـا بقربـك دفـا


والله اني قبل اعرف الحب بالدنيـا قنـوع
سالم من كل طعنـه فـي جـروح بالخفـا


ياقمر ليلي ونورك ساطـع كـل السطـوع
في ثواني غاب نورك من حياتـي وانطفـا


سامحك ربي على ماصار في وسط الضلوع
جيتلك جرح واحسب ان لمستك منهـا شفـا


في معاناتـي طلبتـك تحتمينـي بالـدروع
للاسف اخلفتي وعدك ولاحصل منك وفـا


وفي عذابي لك فنون المعركه من كل نـوع
عذبيني كـان قلبـك مـن عذابـي ماكتفـا