هذا ماحدث لطفلي عزوز في الملز + صوره

بسم الله الرحمن الرحيم

ارحب فيكم بالبدايه ازعجني ولدي عزوز على شي اسمه ياسر وياسر ياسر قلت ياولد نحضر عشان عزوز ونحضر لعيون الزعيم ما ابغى اطول عليكم دخلت الملعب الساعه السادسه وكان هناك جمهور بس لقيت مكان بنص المدرج قلت حلو والتعامل برى من الامن كان بصراحه احلى بعد ما انتهى الزعيم من التسخين وقربت المباراة حدث مالم يكن بالحسبان لكن المسلم يقول الحمدلله طاح ولدي عزوز من الكرسي (اكتب باللهجة السعوديه رحم الله امرىء عرف قدر نفسه ) المهم اصيب بضربه تحت الذقن والدم يصب طبعأ ثوبي امتلى وعزوز انواع الصياح وأطير فيه تحت واقابل العسكري قلت بالله مافيه اسعاف هنا قال مدري رح قدام يمكن تلقى رحت قدام والقى ضابط يكلم بجهازه يقول شوي وشوي هذا راح وتركني ياولد الولد يصب دم وش الحل واروح لواحد لابس ثوب معه جهاز ويرسلني مع عسكري الله يجزاه خير هالعسكري طبعاً الكلام هذا نحت المدرج واروح انا والعسكري ونمشي ونمشي الين وصلنا عند البوابه حقت نجران تحت استديو الارتي بالتمام والقى سياره اسعاف بس مافيها احد ويجي موظف من الملعب واقوله وراح ينادي الطبيب جاني الطبيب بالسياره الصغيره الي تنقل المصابين من الملعب وقال لازم توديه للمستشفى وبعدها جاني واحد من القناة الرياضيه وقال انا من برنامج كواليس ودي اصورك واحكي معاناتك لكن الجهاز خربان ؟؟؟ وارجع مع نفس الطريق نمشي يالله واطلع بلموزين قلت لو اروح للسياره بلقى احد مسكر علي طبعاً رحت وعالجت عزوز وشاورته هاه بابا نرجع للملعب ايه برجع من حقه يحب الزعيم المهم ما ابغى اطول عليكم اللي ابغى اقوله لكم تخيلوا لو اصابة عزوز لاسمح الله كانت خطيره وش صار ياناس مدرج يشيل الالف المشجعين مافيه اسعاف والله مصيبه ....
هذي صوره عزوز بعد العلاج[IMG][/IMG]

الحمد الله على سلامة ابنه الله يخليه له

الله يخلي عزوز لوالديه
والحمد لله على سلامته
والمفروض انه يكون فيه اسعافات اوليه للجمهور في الملاعب

اهم شيء سلامة عزوز والا الهلال في ستين دهيه .

الحمدلله على سلامه عزووز والله يخليه لعين ترجيه وشاكر لك اخووي زعيم بني تميم شكل هذا اول موضوع تسويه هنا اتمنى منك مواصله طرحك

الحمد لله على سلامة عزوز والله يخليه لبوه
وانا ضد أخذ الاطفال للملعب لانهم يسببون لك انواع الاحراجات وايضا فيه تعريض لهم للامراض والمخاطر وكذلك سماع الكلمات البذيئه من الجمهور من لعن وسب