ابتونّس دامني فوقها حي

ابتونّس دامني فوقها حي
محدٍ خذا غير الشقا من حياته

نركض بها من طلعة الفجر والضي
اما ممات الذيب والا غناته

نزعل ونرضى والنتيجه ولا شي
ماغير كثر امراضها والشماته

والعافيه كل مالها تنقص شوي
بكره تثلث خطوتي مع عصاته

ولا تلقى من يسقيك لو كاسة المي
شايب اليا وقف تعثره عباته

ولا ينفعك لا ورع جبته ولا خي
حتى عجوزك تمرضك من شفاته

مادامها خضرا ومتوازنه لي
والشيب مالون حجاجي وفاته

ابي اطرب راسي وحبه الني
وقت الشباب وهذي والله حلاته

دامي بدرب الحق ومجنب الغي
ولا صلعت ربك يزين مماته

ترا النهايه قطعت قماش ملوي
محدٍ شراه وجهزه في وفاته

بالمغسله محطوط قبلك ومشري
ومالٍ جمعته بيد غيرك وصاته

يعني على قولة هل الشام ( يا خطي)
حتى الكفن تالي حياتك شحاته

الله على هـ الأبيآت ،
الله يطول بعمرك أخي النادر على طآعته ،
لاهنت

كلمات آكثر من رائعه
سلمت ع آلآختيار والانتقاء وبأنتظار جديدك دوومآ ..

اقتباس: المشاركة الأصلية كتبت بواسطة » اِلـَوَفْآءْ بـِنْـتْ    الله على هـ الأبيآت ، الله يطول بعمرك أخي النادر على طآعته ، لاهنت

وعمرك اختي الوفاء
شاكر مرورك وتشريفك واشادتك
والله يحفظك

اقتباس: المشاركة الأصلية كتبت بواسطة الراقيه    كلمات آكثر من رائعه سلمت ع آلآختيار والانتقاء وبأنتظار جديدك دوومآ ..

يسلم غاليك اختي الراقيه
وشكرا لمرورك وتشريفك وان شاء الله القادم اجمل