من باعني بعته

]يامل قلـب كـل مانامـوا النـاس
من الليل ياخذ ربـع ساعـه وياعـي
فإلى وعى جته الهواجيس مـن راس
وقـام يتقلـب فـي فراشـه وفاعـي
ولـولا ضلوعـي للمعاليـق حبـاس
لفـوع فوعـة واحـد مـن قطاعـي
قطيع غرب وغطلس الشوف الأدماس
بارض خمال وخارشتهـا السباعـي
ودلى يمـوج وكـل اشافيـه يبـاس
تاه الطريـق وراح فكـره ضياعـي
وجنه سباع مع سنـا الليـل غـلاس
مستفرسـات وممسيـات جيـاعـي
صكن عليه ومزعـن عنـه الألبـاس
يشـل دمـه مـع طمـان ورفاعـي
لين اودعن ثربـه برجليـه ينحـاس
عند الضـواري راح مالـه شفاعـي
يأهل النضا ياللي على أكوار جـلاس
بتـر الفخـوذ مدلقـات السمـاعـي
شعل مواشعهن مثل شاهـي الكـاس
مـدربـات بالسـهـل والجـراعـي
اليا سربن مع صحصح تقل قرطـاس
مع عرضة الزيزي يجيـه الجلاعـي
ريضـوا لعلـه مايرضكـم البـاس
وعوجوا لي ارقاب النضا بالوقاعـي
وشيلوا وصاتي للغضي عذب الأجناس
اللي مع المرسـال وصلـه جزاعـي
لاجيتوا المجمـول مدقـوق الألعـاس
مدملـج الغضديـن زيـن الذراعـي
قولوا تراها قطعت عنهـا الأرمـاس
يطوي العزا وأنـا كلامـي وداعي
من باعني بعته وانـا قاسـي البـاس
حتـى واصـد بناضـري لايراعـي
لو ان كبـدي كنهـا فـوق محمـاس
عزمي قوي ماني خطـات الزعاعـ
ياعين هاتي واطوي الصبر واليـاس
معطيـك مهلـه دامنـا بالوسـاعـي
اطوي عزاك واتركي كـل هوجـاس
ماضنتي عقـب الفـراق اجتماعـي



طبعاً خلاص يأس منها وهذا هو يقول " من باعني بعته وانا قاسي الباس " وهذا النوع من الغزل العفيف اللي مافية تعدي وفية عبرة وفية وصف وحفظ للألفاظ الطيبة والكلمات العربية هو المطلوب والمرغوب . أنتهى ...

.....................

رحم الله الشاعر الكبير / سويلم العلي السهلي
وصلى الله وسلم على نبينا محمد وعلى اله وصحبه أجمعين

كلمااااات قمممة الرووووعه

يسسسسلمو~~

ودي

اقتباس: المشاركة الأصلية كتبت بواسطة قلب حمودي    كلمااااات قمممة الرووووعه يسسسسلمو~~ ودي

شكرا وانت قمة الذوق
هذا سويلم العلي السهلي
اللي مايقرى له من محبي الشعر الغزلي بالذات ينقصه الكثير
تحياتي يااختي

العالمي كيف حالك عساك بخير

انتقاء رائع منك عطاك الله العافيه على امتاعنا بهالقصيده الجزله صح لسان شاعرها:سويلم السهلي وسلمت على نقلها لنا

الله يحفظك بخير
اشكرك على مرورك
كله من ذوقك