الود يا ضحى ودي بعد ماروح تنسيني

واحد قال لخويه انا حلمت فيك امس


ولما رحت لواحد يفسر الاحلام قالي ان موتك قرب يعني شد حيلك وتوب حق ربك

وخلك مستعد حق الموت .

شاعرنا حضن خوية وقعد يبكي

انصدم وقال شلون ما فكرت بالموت من قبل ؟؟ !!

وكان شاعرنا يحب بنت اسمها ضحى ما شافهاالا مرة وحده بحياته

وبعد ما قاله رفيقه خبر الحلم تألم شاعرنا وحزن لأنه راح يموت ويفارق ضحى حبيبته

وهو في غمرة احزانه يشرب من كاس الهم كتب وصية حق ضحى اللي اهي هالقصيدة

مابي احط مقدمات واطول عليكم بس لأن الشاعر اللي كتب القصيدةقريب مني حيل وعزيزعلي

وهذي المرة الاولى اللي ينشر فيها القصيدة وبالغصب أقنعته !!!

ضحى بالامس أنا جاني رفيق أغليه ويغليني=على وجهه علامات الكدر والهم والاحزان
وخبري فيه لو ضاقت بي الدنيا يسليني = وعهدي فيه لو تبكي الليالي يبتسم فرحان
ولما وقف قبالي وطاحت عينه بعيني = حضني وفاضت دموعه وانا في دهشتي حيران
ومن كثر الدموع اللي بعينه أثرت فيني = بكت عيني وانا دموعي رخيصه لو بكو الاخوان
سألته شاللي في قلبك ؟ تكلم لا تخليني = سكت مثل اللي في صمته معاني الخيبة والخذلان
واهو وده يكلمني و أواسيه ويواسيني = ولكن كل ما حرك لسانه يخذله للسان
ومن بعد البكا والنوح قدر ينطق ويحاكيني = وفهمت من اللي قال احزان في اشجان في هجران
يقول انه حلم فيني وشاف اشياء تعنيني = وراح لعالم يفسر معاني الحلم للحلمان
وعرفت منه بأن الموت قرب من عناويني = وعمري ما بقى منه كثر ما فات من ازمان
ووصاني بتقوى الله وفعل الخير في ديني = واتوب لربي من ذنبي ومن الزلات والعصيان
انا صرت ادري ان الموت على بابي يناديني = وترى اللي يدري مو مثل اللي ما يدري ترى شتان
ضحى شوفي حياتي تضيع في غفلة من ايديني = وتتهدم بعد ما كنت اقضي العمر بالبنيان
ضحى شوفي نهاية قصتي حانت وشوفيني = بفارق كل احبابي واخلي الاهل والخلان
انا راضي بحكم الله اذا جا الموت صدقيني = ولاني معترض وشلون اعارض حكمة الرحمن ؟؟
ولكن منهو فينا ما يخاف الموت ؟ علميني = اكيد نخاف دام الموت يجبرنا على الهجران
اذا عشتي الحياة بعدي سعيدة ذاك يكفيني = وشنو غير السعادة في حياته يطلب الانسان ؟
لو الود يا ضحى ودي بعد ماروح تنسيني = مدام الذكريات هموم ومدام الراحة بالنسيان
واذا النسيان واهو النسيان ذكرني وذكرك فيني= ترى ما للحزن داعي بذكرانا ولا له مكان
انا عندي بدنيا الحب مواقف تفتخر فيني = انا رفعت راس الحب وانا عليت للحب شان
تظنيني مثل غيري ضحى ؟ لا لا تظنيني = منو مثلي فعل فعلي وفا واخلص بحبه وصان
كفاية اني بس مرة ضحى شفتك وشفتيني = ومع هذا وفاي يزيد ويزيد الحب بلا نقصان
وغيري يشوف محبوبه ويكلمه وما تكلميني = وغيري يحضن المحبوب لكن شوفي غيري خان
رسايلنا تكفينا تكفيك وتكفيني = عرفنا الحب احاسيس ومشاعر صادقة واشجان
ولو جتني رسايلكم رجفت ودمعت عيني = أجل وشلون لو شفتك بقاوم دمعة الحرمان ؟؟
اذا عشتي الحياة بعدي أبي تنسيني وسنيني =أبي تنسين ماضينا وأبي تنسين كل ماكان
واذا انتي ما نسيتيني تناسي لو تحبيني = اذا صار القبر داري وروحي هاجرت الاوطان
انا ما يوم زعلتك ولا كنتي تزعليني = ولو هذا حصل في يوم انا اسف انا الغلطان
ابي منك سماح قبل ما موتي يوافيني = ودعائك لي اذا صليتي بالجنات والغفران

كلماات قويه

تهتز لها المشاعر

حب حقيقي

نقي طااااهر

حب خالي من كل الشوائب

حب عفيف

ما اجملها من كلمات

وما اعذبها من ابياات


تشكر على اقناعك له

وتشكر على تخصيص منتدى تمير بها


سلام

مشكور اخواي هادي علي زرياتك وردك الجميل

علي الموضوع يسعدني

اسف نسيت لم اكتب ان القصيده من ملطووووووشاتي

البحر الهادئ


الله يعطيك العافيه على اختيارك الموفق والرائع


فعلاً في عرض هذه الكلمات الجميلة


والصراحة أنا معجب بالفعل باختياراتك

أشكر لك جميل مرورك ...لك مني كل التقدير
وياهلااااااااااابك

[move=left]البحر الهادئ[/move]