يـاراشـد العـلـيـا

يـاراشـد العـلـيـا لـهــا عـشــرة بـنــود *** سـجّـل وأنــا بملّـيـك واحـفـظ عـددهـا
مــن شــان مايلحـقـك عـيـبٍ ومنـقـود *** احـفـظ وصـاتـي والـوصـاة اعتمـدهـا
أوصّيـك قبـل الجسـم يـدب بـه الــدود *** فـــي حـفـرتـن لابـــد نـسـكـن لـحـدهـا
دنـيـا العـنـا فيـهـا مشـاريـب وعــدود *** وكـم واحــدن لــه حاجـتـن ماوجـدهـا
عليـك بالتـقـوى تــرا العـمـر مـحـدود *** واردع هـوى النـفـس الدنـيـه وقـدهـا
واحفظ صلاتك تكسب الـرزق والفـود *** تكـسـب مكاسـيـب الـحـيـاه وسـعـدهـا
وصوم رمضان وزك يالشامخ الطـود *** تــرا البـيـوت النـايـفـه مـــن عـمـدهـا
وجالـس هـل التوحيـد والعـز والجـود *** واتـــرك مـقـاريــد الـعـبــاد وقــردهــا
الـي علـى التفـريـق ياتـونـك احـشـود *** فصيلـتـن دب الـجـهـل فـــي جـسـدهـا
واحسن جوار الجـار لـو كـان مقـرود *** لـــو جـــار نـفـسـك لاتـبـيــن نـكـدهــا
والضيف عطه الطيب والطيب مردود *** اكـســب جـنــاب الطيـبـيـن وسـنـدهــا
عـقـب الشـحـم والـبـن قدمـلـه الـعـود *** حيثـك مــن الــي مــن لفـاهـا حمـدهـا
وبنت الردي لـو هـي زلالـن وقرهـود *** حـــذراك تـقـربـهـا وتـمـســك بـيـدهــا
خذ بنت قرمـن عنـد الاجـواد محمـود *** لا جــا نـهـار الـهــوش بـيــن ولـدهــا
وزلــة رفيـقـك لالـفـت دون مـقـصـود *** لاتـمـسـك الـزلــه وهــــو مـاقـصـدهـا
ثـــلاث مــررهــا ولا شــــك بـشـهــود *** والـرابـعـه شـــب الـحـطـب لاوردهـــا
هـذي عـشـر وان كــان تبغيـنـي ازود *** سجـل علـى عـشـر الوصـايـا وزدهــا
الظـلـم شـيـن وتـالـي الظـلـم مـــردود *** والـغـيـظ شـيـطـان الـقـلـوب وكـبـدهـا
والصمت زينه والحكي سيف محـدود *** والـحـقـد غـيـمـه والتـبـاغـظ بــردهــا
فكـر وميـز واعـرف البيـض والسـود *** واحــذر قـلـوب الحاسـديـن وحسـدهـا
يابـوك بيـن الـنـاس طــارد ومـطـرود *** ماتجهـلـك بـعـض الـحــرار وهـددهــا
وان ضامتك دنياك واصبحت مضهود *** فاطلـب مــن المـولـى يحـلـل اعقـدهـا
الـواحــد الـــي كلبـيـنـا لـــه اســجــود *** الــي جمـيـع اعـمـال خلـقـه رصـدهــا
هذي نصيحـه وانـت معطينـي اوعـود *** واهـل الوفـى والعـرف توفـي وعدهـا
قدمتـهـا بالمـسـك والـطـيـب والـعــود *** زرعتـهـا لــك زرع وانــت اتحصـدهـا
حميتـهـا مـــن دون مـلـحـن وبـــارود *** خـوفــن عـلـيـهـا المـنـتـقـد ينـتـقـدهـا
وختامهـا العليـا لهـا اشــروط وبـنـود *** يـالــي تـبــى العـلـيـا تـمـعـن وعـدهــا

قصيده جزله ووآفيه
آبدعت بأختيآر الآبيات اخوي النآدر
صح لسآن شآعرهآ وسلمت ع آلآنتقآء ..

اقتباس: المشاركة الأصلية كتبت بواسطة الراقيه    قصيده جزله ووآفيه آبدعت بأختيآر الآبيات اخوي النآدر صح لسآن شآعرهآ وسلمت ع آلآنتقآء ..

الله يعافيك اختي الراقيه وشكرا على الحضور

قصيده جدا رائعه ا
صح لسان شاعرها
تسلم الايادي على الانتقاء الرائع
لاهنت

اقتباس: المشاركة الأصلية كتبت بواسطة جروح الوفا*    قصيده جدا رائعه ا صح لسان شاعرها تسلم الايادي على الانتقاء الرائع لاهنت

على الرحب والسعه اختي جروح
والله يسلمك من النار

اذا اشتملت القصيده جانب ديني و اجتماعي و سلوكي ؛ فهذا هو المعنى الحقيقي للقصيده الرائعه


شكرا اخي النادر ؛؛؛ شكرا من الاعماق

تحياتي

اقتباس: المشاركة الأصلية كتبت بواسطة توأم الجود    اذا اشتملت القصيده جانب ديني و اجتماعي و سلوكي ؛ فهذا هو المعنى الحقيقي للقصيده الرائعه شكرا اخي النادر ؛؛؛ شكرا من الاعماق تحياتي

على الرحب والسعه اخوي توام الجود شاكر ومقدر لك هالتعليق الجميل
وفعلا القصيدة يجب ان تكون لها مردود ايجابي على المتلقي وهالقصيدة جمعت الدين والدنيا
شكرا مره اخرى اخوي توام الجود

الله يعطيك آلف عآفيه ع روعة القصيدة
اهنييك ع هالذوق الحلو
ودي لك ..|

اقتباس: المشاركة الأصلية كتبت بواسطة لميس    الله يعطيك آلف عآفيه ع روعة القصيدة اهنييك ع هالذوق الحلو ودي لك ..|

على الرحب والسعه اختي لميس وشكرا على الحضور والاطراء

ابيات في غايه الروووعه والجمال

سلمت علي الانتقا المميز