تكفون ياهل البر ،،،،،

تكفون ياهل البر شوفوا لنا جيب
...................فكسار وألا شاص وألا سفاري

جيب (ن) جديد(ن) ما لقي به عذاريب
........... جيب(ن) على قطع المشاوير ضاري

خـلـوني أسج القدم قبل لا اشيب
................ وامد شوفي في ربيع الصحاري

الـبر طب(ن) للقلـوب المعـاطيب
..................... اللي تبيح سدها فالغداري

لاجيت في خد (ن) قصر دونه الذيب
............ في صيهدا ً كاسيه عشب وخباري

شبيت ضـوي والدلال المعـاذيب
........... متمركي (ن) حدر النجوم السواري

ثم زانت الهرجه على الكيف والطيب
.................. كلا ً يجيب السالفه بالطواري

مع الرجال اللي تعرف المواجيب
............. اللي بهم في حزة الضيق أماري

هذي الحياه اللي بعيده عن العيب
.............. وأن عاش راسي ما تغير مساري

عزام الخريف

يا أخي الغالي ((الســــنافى))

أخي الغالي لك الشكر الف الف مرة على هذه القصيدة الجميلة وفعلاً في وقتها مع الريبع يالله.
.
وهذه تحية لك من قلب أخ محب صادق تحية إجــــــــــلال وتقدير وعرفان بالجميل

دمتم لنا سنداً ودعماً ودامت توجيهاتك واستمرت جهودك الجبارة والمميزة.
منكم والله أنتم وبكم نستمد العلم والفائدة حفظكم الله ورعاكم لنا ذخراً

لك ارق واعذب تحية من اخيك في الله...........مرعب النفوس

خـلـوني أسج القدم قبل لا اشيب
................ وامد شوفي في ربيع الصحاري

الفالف شكر لك يا السنافي وصح لسانك والله يطوال في عمرك

مشكور اخوي السنافي على القصيده الرائعه منك وصح لسانك يالغالي

ماأجمل شعورك عزيزناالسنافي !وماأحلى كلماتك! شوقتناللبروصورته بأروع مايكون
يظل اسمك متميزامبدعادائماوأبدا سننتظرالمزيدفأمطرعليناشعرامن سحائبك الممتلئةرقة وعذوبة
لك تحياتي الصادقة

صح لسانك أخي السنافي وصح لسان الشاعر عزام الخريف
قصيدةولا أروع
جت في وقتها

العفو اخي الغالي مرعب النفوس
والله يحييك تحية المطر ..
شاكر مرورك

صح بدنك يالمتحد
والله يبيض وجهك على المرور وعمرك ان شاء الله
تقبل تحياتي

العفو يابو أثير وصح بدنك

تقبل تحياتي

وما أجمل مرورك أخي الغالي المرهف

وكلماتك وعسى ان نكون عند حسن ظنكم

والخير جاي ان شاء الله وابشر به