●• خزآمىَ الصَحآرى « للشعْر والخَوآطرْ !

‏ليتك تبادلني الغـلا والمواصيـل .
‏وترد لي بعض الوفـا والجمايـل .

​‏​‏​‏​‏​‏​‏​ما كل من تعرفه ترتاح لـ أطباعه
....................الناس ف القلب من قيمة مواقفها

تقابل انسان وعيونك على الساعة
..........................وانسان لا قابلك ودّك توقفها

لاتشتكي للناس لوكنت مطـــعـــون...

اضحك وفلّ حجاجك اشفيك محزون!؟

دنياك مــا تسوى وخذهانصيحـه

مـادام مالك ميت ولآ أنت مديون

أرم الهمـوم وخـل نفسك مريحه

لوكانوا اصحـابك يضاهون مليون

نق الكفو مـنهم وخـل السطيحه

ولاتشتكي للناس لوكنت مطعون

والذَم من بعـض الخلايق مديحه

ولا تنحـني للهم وتعـيش مغـبـون

ترا المريح أهل العـقول الصحـيحه

لاصرت صادق قالوا الناس مجـنون

مـآيمدحـون الآ النفوس القبيحـه

وخلك صمود بوجه الأيام دندون

ومــآ حـرم الله أثــم لآتستبيحـه

والكبر لـو بهـا فايده فاد فرعـون

ومـن ذاع سرّه بشّره بـالفضيحـه

والله لو يعـطون لك مآل قآرون

ماشفت نفسك بالغنى مستريحـه

أنفض هموم القلب وابليس ملعـون

وان ضاق صدرك أرض ربي فسيحـه

لو الارض تحِس بحسرِتي يومْ فرقاك
................... يمكِن تجفْ بحورها مِن زعلها ..!

من اللازم عليك تخطي الحطام
الذي بداخلك، الحياة لن تقدّم لك رسالة
اعتذار و أسف على مايجري .. ولن تربُت
على كتفك وتعدُك إنها المرة الأخيرة.

مسگيّن منْ هُو لآ نوى يضحَـگ منْ أحزآنُـه شرَقّ
.................حتَى إقتنَـع بإنْ الفرَح لُه شَيء لآ يُمگـن يليّق

كم لي وانا احاول اضحك وارسم البسمه ..
واحاول انساه وانسى ماضي سنيني
لكن ترك صورة بالبال منرسمه ..
من وين مالد في عيني تناديني

ربي سألتك ان تكون خواتمي
............. أعمال خير في رضاك الهي

الا يا نجـوم الليـل لـو غابت القمرا
..................... فـلا بـد ما تطلع تنـوّر ليالينـا
ولا يا خزامى نجـد لو جفت الصحرا
..................... فـلا بـد ما تمطر وتـروي مفالينا
نشوف الزبيدي والنفل واصفر الزهرا
......................وترتع بها الغزلان من حورها العينا
حبيبي جزاه الله جزاني الجزا المـرا
.....................وانا اللي جزت عيني بهجره يجازينا
انا ادري وهي تدري وذاك الهوى يدرا
.................... ولو كان من بدري فـلا هي تدارينا
حبيبـي سألتك بالـذي نـزّل الفجرا
.....................هو الحب ذنبي يوم تفرض تجافينا
تعـالي وحسي قلب مجروح بالهجرا
....................وش اللي حصل ياحب تنسين ماضينا
رضعت الطفولة حب وأسقيتها الفخرا
..................... لغيرك فـلا والله بالحب يغرينـا
حكمتي تحكمتي وحكمـك عليّ امـرا
....................وانا العبـد يتعبـد بمحراب داعينا
سحرتي وساحرتك وبعض العشق سحرا
.................. وانا اللي بسحرك صرت مثل المجانينا
تعالي حبيب الروح نحلم على الذكرا
.................... نسامر نجـوم الليـل والليل يخفينا
تعالي نشوف سهيل ونجـوم بالمكرا
.................. تحاول عبث تطفي الفـرح في مآقينا
يبون القمر يخسف يبون الشجر يعرا
..................يبونا نعـدل "قل هـو الله" و "آمينا "
جيوش العهر سارت تبي تهدم القبرا
...................وحبـك بقـلبي انقبـر بالشرايينا
تعـالي نسل سيوف من حرفنا تقرا
.................. ونكتب بكل الفخـر ياناس حبينـا
نسلم على القمـرا نقول الوعد بكرا
...................وننطر متى بكره لعـله يـلاقينا
الا يا حـروف النصب والنسخ والجرا
................. متى ينتهي الإعـراب ضاعت أمانينا
ولا يا رمـال الشوق في البر والبحرا
.................. تعـالي وضمي ما بقي من خطاوينا
تعـالي نعاهـد نوقف المـد والجزرا
.................. نسلم على القمـرى تثبت مراسينا
سرت بي هواجيس الحزن مدري المسرا
................. ومرّيت بصرا ثم الاسرا ولاجينـا
وهاجت جيوش اليأس وانظر الى كسرا
................. وارجع لماضٍ فات روما وحطينا
وسلمت عل قمرا وقلت الـوعد نصرا
...................فـلا بد ما نفرح يجي يوم يحيينا

أغليك حيل وكل مافيني أغلاك
أنت غلا قلبي وخفقة فؤاده
العين شاطي واصبح القلب مرساك
وموج الغلا فيني تصافق مداده
أنت الوحيد اللي أحبك وأهواك
في داخلي حققت كل الرياده
مالي بغيرك يالغلا غير لاماك
مهما قسا وقتي وزوِد عناده
ومهما منعونا وازرعو دربنا اشواك
تبقى غلا قلبي وتبقى وداده
وتبقى شجوني تنتظر يوم لقياك
هذا منى عمري وغايه مراده
ومتى على الله يطرب العمر وياك
ونشكي عذابن للمحبين عاده