*****

السلام عليكم.....

اقدم لكم هذه القصيده من جديدي

اواه ياقلب العنى صرت مجروح
......................... على وليف ً صابني كيف ابنساه

صار يلعب بي يجي شوي ويروح
......................... علق خفوقي فيه واقفى وخلاه

مسكين قلب العاشق اللي مع النوح
............................ يجر وناته من الحب واشقاه

ياونةً ونيتها هزة الصوح
........................ يرتاع منها الصيد في وسط مفلاه

ياوجد حالي وجد من صار مطروح
......................... على سرير الموت محداً تولاه

ينزف دمااا قلبه ولا طلعت الروح
......................... محداً يجي يرميه وارتاح وانهاه

ماتدري اني يالغضي صرت مذبوح
.......................... في ذمتي ما اسامحك يوم نلقاه

خليتني واقفيت مع مع نايح الدوح
............................ خليت جفن العين يتعبني ابكاه

حبك بوسط القلب ماهو بممسوح
............................ ماظنتي بعدك عن القلب يمحاه


بقلمي الشاعر / خالد الشهري

خليتني واقفيت مع مع نايح الدوح
................... خليت جفن العين يتعبني ابكاه

حبك بوسط القلب ماهو بممسوح
..................... ماظنتي بعدك عن القلب يمحاه

راقت لي كثير صح لسانك ع الابيات والآحساس العذب
دمت ودآم تواجدك وبووحك ..

ماشاء الله تبارك الله

ابيات جميلة جدااا ، صح لسانك
ودام عطائك وتميزك

وفقك الله

أبياتِ عذبه وجميلة ،
صح لسآنك أخي .. وبـ أنتظار جديدكّ .. !
لآهنت ،

الراقية/ شموع/ الوفاء بنت

مشكورين على التواصل الجميل دوما

تحياتي

صح لسانك اخوي خالد

كتبت فابدعت

ننتظر منك المزيد

تحياتي