طريقة تجديد استمارة السيارة (رخصة سير)

السلام عليكم ورحمة الله وبركاته

كثيراً ما يرد على أذهان سائقين المركبات معرفة طريقة تجديد الاستمارة (رخصة السير) وهنا راح أوضح الطريقة بشكل واسع:

الأشياء اللي تحتاجها باختصار:
- فحص جديد 73ريال.
- تأمين على السيارة 350 ريال إلى 420 ريال على حسب شركة التأمين.
- دفع رسوم التجديد عن طريقالصراف 150 ريال (إذا كانت خصوصي) و 300ريال إذا كانت (نقل خاص) طبعاً بدون غرمات التأخير وهي (100)ريال لكل سنة تأخير (ودفع المخالفات المرورية إن وجد).
- زيارة مكتب المرور القريب منك.

والآن نبدأ بالتفصيل:

أول شيء تحتاج إلى أن تفحص السيارة في الفحص الدوري

وهذا موقعهم الالكتروني http://www.mvpi.com.sa

دوامهم يبدأ من الساعة 7 صباحا وينتهي الساعة 4 عصراً

ولا يحتاج تأخذ أي أوراق أو مستندات على طول رح بالسيارة

ولكن قبل ما تروح بسيارتك شيك على الأشياء هذي عندك لأنها هي الأساسية وغيرها ما يعطونها اهتمام:

-الزجاج الأمامي ما يكون فيه كسر أوشخط.
-الأنوار كلها شغالة وسليمة.
-الكفرات موزونة وما فيها انعواج اوميلان.
-نسبة الكربون في العادم أو الشكمان...السيارات الجديدة ما عليها خوف منالشيء هذا.
-الفرامل.
-الاذرعة والجلد وتهريب الزيوت.
-المساحات الأمامية.

هذا هي أهم الأشياء اللي يلاحظها الفني ويدقق عليها...وفيه أشياء ثانية مهمة لكن في الغالب يسحبون عليها مثل:
-السيفيك حزام الأمان للمقعد الخلفي.
-أنوار الطبلون.
-المساحات الخلفية.
-المرآة الوسطى.

إذا كانت سيارتك سليمة تروح عند الفحص الدوري وتصف في أي صف عشان تدفع الفلوس عند كشك الحساب والمبلغ 73 ريال ويعطيك إيصال بالدفع وتتوجه بعدها إلى أي مسار فاضي للفحص بعد ما تطلع نتيجة الفحص يعطيك إياها مطبوعة بالكمبيوتر تروح بالورقة هذي إلى مكتب المرور خارج مسار الفحص مباشرة ومكتب المرور هذا شغلته انه يطبع ختم على ورقة الفحص فقط !

تقريبا استغرق الفحص الدوري من دخولي من البوابة وحتى الخروج 15 دقيقة فقط على حسب الزحمة.

الحين أنت خلصت من الفحص الدوري وباقي ثلاثة أشياء:
1- التأمين.
2- المرور.
3-التسديد.

شركات التأمين المعتمدة لدى المرور كثيرة وتجد لائحة في مراكز المرور بأسمائها إذا رحت عند مكتب شركة التأمين جب معك استمارة السيارة الأصلية.

بعد التأمين يبقى المرور …

والأشياء المطلوب إحضارها :
-ملف بلاستيك شفاف.
-صورة لبطاقة الأحوال.
-استمارة السيارة.
-صورة لبطاقةالتأمين.
-صورة لورقة الفحص الدوري.
-تسديد عن طريق الصراف الآلي.
-تسديد المخالفات المرورية.

وتعطيها للعسكري وتجلس تنتظر حتى ينادى باسمك يعطيك ملفك واستمارة جديدة.

في حال لوحاتك القديمة تنتظر لمدة 15 يوم على الأقل حتى تأتي اللوحات الجديدة.

اذا طلبت لوحات جديدة إي أرقام و حروف تختلف عن لوحتك القديمة (بشرط أن تكون لوحة السيارة مكون من ثلاث ارقام) فاللوحة تطلع لك في نفس اليوم أما إذا طلبت نفس لوحتك السابقة - فاستلام اللوحة بعد 15 يوم تقريباً.

وبكذا تكون جددت استمارة السيارة وما تحتاج منك سوا صباحية يوم واحد فقط

أتمنى أن تجدوا المعلومات اللي تحتاجونها في هذا الموضوع البسيط

ونسأل الله لكم قيادة آمنة وبالله التوفيق

معلومات الكل يبحث عنها ومفيده,,

شكرا لكم وعلى اهتمامكم ..


ماقصرتوا...

خـطوه أخرى من التواصل يـشكرعليها من نشرها إلا انني استغرب استعمال كلمات عاميه في ثنيا الشروط إلا اذا كان القـصد التبسيط على العامـه

عافاكم على على هالعمل ونشر مثل هالمعلومات مطلب
للجميع . والله يوفقكم يارب ونامل منكم المزيد

ياشعبه مرورتمير كماتعلمون المجمعه تبعد عن مدينه تمير 75كيلووالنظام يقول لكان يبعد عنك هذي المسافه لايحتاج الفحص ونريد من مرورتميرالتقيد مثل بعض المدن

على ما اعتقد ان فحص الدوري بالمجمعة يبعد عن تمير من ناحية مخرج 12 مايقرب 65 الى 70 كم ويعني هذا ان تمير ملزم بالفحص.
لذا...اذا لكم مطالب ارجوا مراجعة مركز المرور وتقديم معروض باسم ابناء البلد بطلبهم اعفائهم من الفحص الدوري وراح نحسب المسافة على انهاء من مخرج 11 وهو المخرج الرئيسي للمدينة.

ودمتم سالمين

المفروض شعبه مرور تمير تساعد اهالي تمير بدون فحص مثل المراكزالمرور يساعدون اهالي مدينتهم

اخي الورد
واضح من كلام المرور انهم بيساعدوكم لكن محتاجين إلى معروض من اهل المدينة يطالبون فيه بعدم الفحص مثل اهل ثادق.

يالله يطمر احد وياخذ الاسماء والتوقيع ويعرضها على مدير الشعبة وهو بدوره يعمل اللازم.

كل الشكر و التقدير لمرور تمير على التوعية و التوجيه ؛

و ايضا على المساعده المتوقعه

تحياتي

مشـكورين ونرغب المزيد من الأيضاحات والتوجيه في مايخدم المصلحــه العامه