) ودعتك الله لو على قلبي اخطيت‎

ودعتك الله لو على قلبي اخطيت
وحاربتني من دون ذنب وخطيّه

احسبك تذكرني إذا اصبحت وامسيت
واثرك على فرقاي نفسك هنيّه

الله واكبر كيف عنّي تخلّيت
من بعد ما علقت روحي البريّه

وش غيّرك وش بدّلك ليه صدّيت
وانت الذي بالقلب نبض وهويّه

من هو بقى لي بعدما عنّي اقفيت
وقدمتني للحزن اثمن هديّه

كل شي تخيلته ولا يوم ظنيت
إنك لحد غيري ولانتاب ليّه

ويلك من الله كيف بالحب ضحّيت
قلبك حجر ما حنّ يومٍ عليّه

اللي بنينا بْعمر في يوم هدّيت
واحلامنا ما عاد منها بقيّه

اتعد غلطاتي إذا يوم زليت
من دون مدري .. وين ذيك الحميّه

مافيه معصوم الخطا لو تحريت
ولا فيه كامل غير رب البريّه

ولو ما احبك ما نشدتك ولا اطريت
بعدك وصدك وانتخيتك نخيّه

ترجع لقلبٍ يوم بالعقل حبيت
وتترك هل الأحقاد واهل الوشيّه

خايف عليك وخايفٍ منك ياليت
مايوم حبيتك وصرت الضحيّه

لا نيب حي بعد هجرك ولا ميت
ولا ني مريض ينعرف بالشكيّه

لكني ادرى بحالتي لا ترديت
ولا ينفع الملتاع طبه وكيّه

مالي سوى الي كلما راح ناديت
يا كود يسمعني ويرجع اليه

--

-

الله , الله
تذوقتي وآمتعتي
كنُ بخييرَ
.
.


()

ابيآت روعه ..وأنتقآء وذوق مميز
عوآفي

يعطيكم العافية على ردودكم الحلوة

عآفأكْ ربي .
.وآبيآـت بآلوآقع
مآننحرم من جديدكـٌ

خايف عليك وخايفٍ منك ياليت
مايوم حبيتك وصرت الضحيّه


لا نيب حي بعد هجرك ولا ميت
ولا ني مريض ينعرف بالشكيّه


لكني ادرى بحالتي لا ترديت
ولا ينفع الملتاع طبه وكيّه


مالي سوى الي كلما راح ناديت
يا كود يسمعني ويرجع اليه

تسلم يمناك على الأختياار المميز ..

نص وجداني رااائع .. يغلفه الألم ..

الف شكر لك على روعة الأختيار ..

لاهنتي ياتميمية ..

تقبلي مروري وتقديري لك ..

.......................

منوووووورين يالغووووااااالي

قصيدة رائعه ومحزنه في نفس الوقت ،،مشكوره حبيبتي على طرحك

رائعة تلك القصيدة
ابدعتي في انتقائك
يعطيك العافية