يازين لاتعترض

02 / 07 / 2009, 07 : 09 PM

يا زين لا تعترض بالدرب قدامي
روح بطريقك تراء عيني شقاوية

لا تعذب العمر معك بطول الايامي
اشقيت عيني وأنا نفسي غناوية

من نظرة العين شفت الميسم الحامي
وحار القدم ما اقدر الروحات والجية

أحترت في ماقفي من صافي الاوشامي
الي عيونه مثل عين النداوية

ما شفت له وصف لا غربً ولا شامي
سبحان من صورة صورة إلهية

الخد نور القمر في ليل الاضلامي
والعنق عنق المها بأرضً خلاوية

قلت انته منين يالي بالسهم رامي
وخفا كلامه يكود بنظرته لية

ومن عقبها بالقصيد أركز أعلامي
ولا لي جد كود أرد أبيات شعرية

قامت هواء جيس قلبي كلها أحلامي
من واحداً حط كيه من وراء كية

هذي سهم عينها شلفا أبن لامي
ووقات تطعن مثل رمح الزناتية

ياناس لو ما منعني دين الاسلامي
عن اللي جابني بعيون سحرية

يمكن لسافر بها في ليل الاضلامي
لديرت الغرب من دار السعودية