استفسار عن كلية تمير ..

بسم الله الرحمن الرحيم
السلام عليكم ورحمة الله وبركاته

حبيت استفسر عن الكليه اللي ناوين يحطونها في تمير .. وش صار عليها هو صدق صاملين ولا بس كلام ..؟

طيب واذا صار صدق وش راح تكون الاقسام ..؟ والبنات اللي يدرسون بالحوطه او مجمعه يقدرون يكملون فيها ..؟
انا سمعت انهم بيحطون اقسام جديده وانها للسنه اولى فقط

معقوله ..!! طيب وحنا يبنات الحوطه والمجمعه وش نسوي ؟؟
يعني مانشقت بس تخر ..؟

حرام والله اذا كان صدق ...؟!!


تكفوووون عطونا خبر سنع

أن شاء الله ياحطون كليه في اقرب وقت

وبصراحه انا قد سمعت يمكن الموقع في الثانويه القديمه
والله ياوفقك وياوفق الجميع

اي ثانويه ..؟

موقعها الاصلي المبنى الجديد اظنه حق السلطان اللي عند الدوار الكبير ..

ومشكور عالمرور ..

اقول تحلمووووون انتم
احمدوا ربكم مدرسه ثانوية ويخب ويسحب عليكم
اتركوا عنكم الحسد والمواحن وتجيم الكليه

-

الرد اللي فوقي ي ليت يححذف من ججد قلة ادب + وقآححهه

مصصرقعهه خخل تنفتح الككليهه هممن تكلممي بالأقسآم
وووشسمهه وش مدرسةة الثآنووية القديممهه تبونهآ تنهد علينآ اووف إن ششآء اللهه مآتككون اهي

نستنى الرد من مصصدر موثوق

جلس يسولف معآي عميد كلية التربية في جامعة المجمعة .. قال من وين ؟ قلت من تمير .. قال اها , ما شاء الله عليكم جتكم الكلية .. قلت بنات ولا عيال ؟ قال كلهم .. قلت أعتمدوها ؟ قال ايه .. لكن ما بعد جا شيء بخصوص يا إنهم يبنون أو يستأجرون ..




أشوف حآطين حديد جنب المستوصف ( شعيب العليا ) يسار ويمين الشارع العام .. أتوقع والله العالم إنهم بيبنون ..




آلله يكتب اللي فيه آلخير ..

انا ماجبت كلام من راسي هذا الكلام صدق حتى المنتدى نفسه معطي خبر ان راح تكون كليه في تمير

وياليت نرتقي شوي بالحكي
اللي عنده علم يقول لنا مو يتمسخر وبس اتمنى اي حكي ماله طعم ينحذف ..

والله أني ابسال وحد اليوم ياجيب الاخبار الصدقه بس نسيت
صح يمكن في مبنا السلطان

وبعدين الي رده مو حلو هذا وحد على باله خفيف دم ولا فاضي

الله يكتب اللي فيه خير لاهل هالبلد

يحليلكم اهل تمير اتركو الحسد والنميمة يفرجها ربي