((( الذهب

لمن نضيف إذا لم نضيف لحامد زيد...
قصيدة حارة المشاعر... حادة العواطف... يكتبها بدمع القلب... ودم العين...
صورة فاتنة... حبكة نادرة... وصياغة ماهرة... بحرفنة شاعر بمرتبة رسام...لنتذوق مافي هذه القصيدة من مرارة وحلاوة...

يا كثر ما رافقت خلان.. وأحباب=ويا كثر مافي شدتي همّلوني
على كثر ما أعدهم ستر وحجاب=على كثر ما احتجتهم واتركوني
من صارت الخوه ثمن حفنة تراب=نفس الوجيه اللي نصوني.. نسوني
من غير ذكر فروق.. وعروق.. وانساب=كانوا ثلاثة..والثلاثة جفوني
عشاني أصغرهم عمر.. صاروا أحزاب=عشاني أصدقهم قصيد ظلموني
اللي نجاح اسمي زرع فيهم أنياب=حتى النصيحة ما بغوا ينصحوني
دام العطايا عندهم دين..وأتعاب=والله لو اطلب ذنبهم ماعطوني
طالب نصيحة كني مطالب أرقاب=وهي نصيحة؟؟ كيف لو زوجوني
كنت أكتب لنفسي مشاريه وعتاب=ولا أدري أن اللي قروني.. قروني
تضاربت من دوني عقول وألباب=واجد بغوا غيري.. وواجد بغوني
أقفل هدب.. تسهر على شعري أهداب=كني حبست رقادهم في جفوني
لو شفتهم واحد يشوفوني أسراب=من وين ما لدوا نظرهم لقوني
أثري وجودي بينهم محرق أعصاب=ومزعِل بعضهم من بعض لو طروني
يا كبري بعيني وأنا توني شاب=وأهم كتاب الشعر حاربوني
حتى ولو يهوي على نجمي شهاب=يكفيني أن أسمي كبير بعيوني
مادام قبري محتضن راس مرقاب=على كثر ما تدفنون أدفنوني
لو ماني بذيب إنهشت عظمي ذياب=ولو ما عرفت أثبت وجودي.. لغوني
لو ما سكنت وجيههم مت بغياب=ولو ما قدرت أمحي ورقهم محوني
أصبحت الأصعب لأنهم كانوا اصعاب=جننتهم لأنهم جننوني
ماجيت أبدبل كبدهم شعر وخطاب=لين ادبلوا كبد الذي خلفوني
يا ويل وجهي كّن للدمع مخلاب=ما جف ماه ولا استحى من طعوني
كل ماطرالي منظر مريب وأرتاب=كان الوحيد اللي يحرك شجوني
قبلة صلاة.. وذكر.. وخشوع.. وكتاب=وأمي على سجادة النور دوني
تدعي لي الله يفتح بوجهي أبواب=تتوسله.. بالشّده يكون عوني
من كثر ما خفاقها بالدعاء ذاب=صارت تحس أن زمّلاي كرهوني
بشرتها.. يمّه معي ربع وأصحاب=ماني لحالي واجد اللي يبوني
من يوم ما حاز قلمي كل الألقاب=قلطتهم في دفتري واحفظوني
الله وهبنيهم.. بني عم وأجناب=من يوم جيت أعجبتهم وأعجبوني
وإعجابهم فيني مهو بأيّة إعجاب=بأسلوبي.. بشرحي..بطرحي.. بلوني
لو قلت عن نفسي بشر.. صرت كذاب=لو قلت (دمّي من ذهب) صدقوني
لو كيفهم كان ازرعوا دربي اعشاب=لو بيدهم يتشبهون... أشبهوني
من كثر ماصاروا من طبوعي اقراب=حتى بلبسة شمغهم قلدوني
واجد دعوني وأغلقوا دوني الباب=وكثار ناس ابكي لهم ما بكوني
لو طالوا لهدمي مناسيب واطناب=كان وغلاتك من زمان اهدموني
مادام حطوا فيني عيوب واسباب=جنبت عنهم مثل ما جنبوني
أصلاً لو إن بخوّتي شيء ينعاب=ذبحت نفسي قبل لا يذبحوني
أنا يدّي لو ماكست متني ثياب=نذرٍ علي أقطع يدّي من متوني
مو عيب أجي مدعوا ولا اشوف ترحاب=العيب لو أني رجعت أن دعوني
مادمت أجي ولا يحسبولي حساب=حرّمت أروح... اللي يبوني يجوني

مــادام قـبـري محتـضـن راس مـرقــاب
عـلــى كـثــر مـــا تـدفـنـون أدفـنـونــي
لو ماني بذيـب إنهشـت عظمـي ذيـاب
ولـو مـا عرفـت أثبـت وجـودي.. لغونـي



ما أقول الا بيض الله وجهك



المدرس

قبلـة صـلاة.. وذكـر.. وخشـوع.. وكتـاب
وأمــي عـلـى سـجـادة الـنــور دونـــي
تدعـي لـي الله يفـتـح بوجـهـي أبــواب
تتـوسـلـه.. بـالـشّــده يــكــون عــونــي
مـــن كـثــر مـــا خفـاقـهـا بـالـدعـاء ذاب
صـــارت تـحــس أن زمّـــلاي كـرهـونـي
وش حنا بدون دعاء الوالدين

مشكور وتسلم على نقلك لهذه القصيده الرائعه

انت ملك الحروف منتاب اميرها

سلام

الرائعين
المدرس
هادي
أشكركم على تفاعلكم السريع والذي أن دل على شيء فأنما يدل على ذوقكم الجميل والراقي والذي من أجله فقط نشارك معكم ألف شكر..
هادي.................غصبٍ علي قلبي يحبك ويغليك... غصبٍ على عيني تمنى تشوفك...

الذهب

عنوان مثير لقصيده قوية

والذهب ما يجي الا من راعي الذهب

تسلموووووووو


ام توتو

أمير الحروف

مشاء الله بحق انت مكسب للمنتدي ارجو منك مواصلة هذا التفاعل معنا والله يعافيك ويرجعك سالم لنا تحياتي لك

الرائعة أم توتو ... شكراً مره ثانية... وثالثة ... ورابعة ...
حقيقة تشجعيك ودعمك هو الشاطيء الذي ترسوا عليه آمالنا فلكٍ مني كل الشكر وإن كنت أنا راعي الذهب فأنتٍ الذهب الذي نكسبه... أهديكٍ عقد كتب بقلبه ( تستاهلي أكثر )

أخي حمد ألف شكر وشهادة تميز أعتز بها وأعلقها وسام بكل مشاركة لي في هذا المنتدي من شخص هو للمنتدى روح... ألف شكر ومعاً نري كل العالم من خلال هذا المنتدى ثقافه... وأبداع... وتعاون أهل تمير..

طالـب نصيـحـة كـنـي مطـالـب أرقــاب
.......................وهــي نصيـحـة؟؟ كـيـف لــو زوجـونـي

كنـت أكتـب لنفسـي مشـاريـه وعـتـاب
....................ولا أدري أن الـلـي قـرونــي.. قـرونــي


مادري ويش أقول بــس ان قلت روعه ماعطيتها حقها ان قلت انها شدتني يمكن تقول يجامل

مغير اللي اشوفه قدامي ان بيت يرفعني فوق والثاني يرميبي هناك

وكل بيت فيها يدل على قوة الشاعر اللي كاتبها

فسلمت اخي أمير الحروف لنقلها لنا

وسلم لنا شاعر الخناجر / حامد زيد على هذه القصيده الرائعة

واكرر شكري لك عدد ماغرد الطير وكل عام وانتي بصحه وألف خير والله يبارك فيك

(((وانتي))) أفا ياولد عنبر ماهيب هي....
على العموم جاية منك أحلى من العسل.. وتسلم على مرورك وأطرائك اللي يشرفني من - شيخ - الساحة الأسلامية...

أمير الحروف
اختيار

راااائع

لشاعر متميز ومتمكن


يعطيك العافيه

وصح لسان حامد زيد