~-.¸¸,.-~ سرقتك بالزمن لحظة .. و عشتك بالفراق أوقات·~-.¸¸,.-~

كذا يعني .. كذا فجأه .. تغير كل شيً فات
كذا زالت مواثيق الغلا والحب من ذاتك !!
كذا كنتي .. كذا صرتي .. كذا خيبتي الهقوات
تظنين الوفا كلمه عجب واصل الوفا وقفات
صغير الشي في ظنك يصير اكبر معاناتك !!
تردين الخطا يمي .. تزيدين الالم شرهات
وانا صمت الشقا فيني حكى من كثر شرهاتك !!
توالت كلها فجأه .. تعاظم بالحشا صدمات
يجي يوم وتواري شمسنا من ليل صدماتك !!
ذكرتك .. والدروب اللي تعانق خطوتك بالسكات
وانا ما زلت اسافر بين نظراتك وضحكاتك !!
ذكرتك .. وانطفى جمر الكلام وذابت الشمعات
سهرتك واستفزيت النجوم بليل خصلاتك !!
تعالي .. واذرفي دمعك على قلبٍ كثيره مات
تعالي .. واخذي الباقي يفيد لوقت عزواتك !!
تعالي .. لاتخلين السنين المقبله تقتات
من افراحي ولحظاتي وطرباتي .. وسبحاتك !!
تعالي .. وواعديني .. لاشقا .. لاكذب .. لاغلطات
ترى ما للصبر باقي على كذبك .. وغلطاتك !!
تغيرت ولا ادري وش جرى .. وش غير النيات
سألتك واعتكف برد الجواب فـ معطف آهاتك !!
تقولين انت في راحه .. واقول من القهر هيهات
انا لا جـيت للراحـه .. تطـاردني مسـافـاتك !!
كذا .. والا كذا .. ضيعتي دروبي وخطواتي !!
انا مل الامل فيني .. يدور للشفاه اصوات
عجز صوتي ينادي لك .. قضى قلبي من سواتك !!
!!

يعطيك العافيه
يا
قوووووووووووووت القلوب
بس كأنك نسختيها مرتين
أو هي كذى

سلمت يداك
على
القصيدهـ

يعطيك العافيه يا قوت القلوب

قصيده تحمل معاناه خاصه ...

إختيار رائع وتشكرين عليه ..

سألتك واعتكف برد الجواب فـ معطف آهاتك !!
تقولين انت في راحه .. واقول من القهر هيهات
انا لا جـيت للراحـه .. تطـاردني مسـافـاتك !!
كذا .. والا كذا .. ضيعتي دروبي وخطواتي !!

.

.


تسلمينـ يالغلا
ماعدمنا هالذوق
دمتى بخير

تسلمين يالغلا على هالقصيده الرائعه

ماننحرم تقبلي مروري...

تحياتي لك ..