ياطير حمدوالمغلوث

ياطير يالي بالسما لك تخافيق بالله ماتنقل سلامي لخلي
ياطير ماتشرف على الشوق وتويق وتخبر المجمول من عبرةٍ لي
الي غرامه خَرق القلب تخريق وادعاه كالمنخل خفيف يهلي
الي طعم ريقة على فكة الريق احلى من الشربت على ما حولي
منازله ياقربهن من مزاليق ويابعدهن اليوم عن منزلٍ لي
منازله حول الغروس المداليق الي ثمرها بالجريد متدلي
مرباه في قصر ارياحة شواهيق مشتاه في كن وصيفة بضلي
ابو نهود كالحقوق المطابيق ياطال مارصيتهم في حشاً لي
وشربت من خمر الثنايا البراريق تميت سكرٍ عقب هل وعلِ
واضحن غصون القلب خضرٍ مواريق مخضر عود القلب من مرتعٍ لي
من سجتي مع سيد كل الهماهيج ترف الشباب الي هرجه يسلي
ياطير ساعدني كفيت التعاويق رح للحبيب وخل غيره يولي
منشفت فيه من الرواتع سواهيق في ظنه إني داله ومتسلي
عطه العهود وخبره بالمواثيق انه هو الي دايم منوتلي
ارضيه لو تزعل جميع المخاليق ايضاً وآريه انكساري وذلي
غيره من الخلان ماأقبل ولاأطيق ما دام هو الي صافي فلاحد هواً لي
حبه صرمني عن ابن المداعيج اريهم التصديد واعمل تغلي
.................................................. ..................................
واناحبيبي منزله في المعاليق ومعسكر الصوبين في مهجةٍ لي
مطبوع في القلب ولا له مناهيج طبع النمامر في خفي السجلِ
توافقن نجومنا بالتوافيق له مسخرٍ نفسي وهو مسخرٍ لي
وهيهات يركد خاطري بتصفيق إلا بريق القلب نور المحلي

اقتباس: غيره من الخلان ماأقبل ولاأطيق ما دام هو الي صافي فلاحد هواً لي

ذآئقههَ روعههَ آخيَ
تسسلمَ يمينكَ ع الطرحَ الرآئعَ

لاهنتَ

ابياات رااائعه
تسسلم اخوي على هييييك ذاائقه

اقتباس: المشاركة الأصلية كتبت بواسطة همس الجفاء    ذآئقههَ روعههَ آخيَ تسسلمَ يمينكَ ع الطرحَ الرآئعَ لاهنتَ

يسلم عمرك
كلك ذوق

اقتباس: المشاركة الأصلية كتبت بواسطة دروب الامل    ابياات رااائعه تسسلم اخوي على هييييك ذاائقه

يسلم عمرك
ذوقك الاروع

ابيات رائعه .. تسلم يـ العالمي ..

اقتباس: المشاركة الأصلية كتبت بواسطة الباهي    ابيات رائعه .. تسلم يـ العالمي ..

يسلم قلبك ياباهي
دائما تتحفنا بمرورك وذوقك