المهند يغرق في عين العبد !!!

اقتباس: المشاركة الأصلية كتبت بواسطة ابودقس    في البداية نحمد الله على سلامتكم ورجعتوا لنا سالمين غانمين ثانياً : جزاكم الله خير على إنماء الحياة الفطرية للضبان بمدينة تمير وعلى جهودكم المبذولة في ذلك ولو إنكم داقين علي كان جبت لكم الديرة كلها تطلعكم ،،، هههه أحسن إني مهايطي وزي ما قلت الحمد لله على سلامتكم ،،،،

الله يسلمك أخوي أبو دقس ..

شاكر ومقدر مداخلتك ومنتب مقصر على الفزعة

اقتباس: المشاركة الأصلية كتبت بواسطة عرق الأرطى    الحمد لله على سلامتكم ويعطيك العافيه اخوي المهند

الله يسلمك ويعافيك اخوي عرق الأرطى ...
والله لايهينك ..

اقتباس: المشاركة الأصلية كتبت بواسطة عاشق ديرتي    الف حمد لله على سلامتكم والاراضي من ذيكـ الجهات ماتنضمن وانا اخوكـ لكن الحمد لله على سلامتكم ورجوعكم لاهلكم

الله يسلمك أخوي عاشق ديرتي ..
وحنا متعودين عىل سيول الشوكي والأراضي اللي حولنا وماتعودنا على أرض تحتها الماء يمشي ما يشاااف ..
شاكر ومقدر ..

اقتباس: المشاركة الأصلية كتبت بواسطة فتى الأحلام    هههههههههههههههههه ونااااااااااااااااااااااااااااااااااااسه الله يحفظكم رحله حلوه

إيه يحق لك تضحك .. الله يحفظنا وإياك ...
رحلة حلوة يوم وصلنا تمير بس ..

اقتباس: المشاركة الأصلية كتبت بواسطة تحطيم الاسعار    مواضيع المهند ورحلاته الواحد يعيشها معه

هلا بك أخوي تحطيم الأسعار ... وشاكر لك هذه الشهادة الرائعة ... وحياااك الله ..

وش السالفة يالمهند
الحمد لله على السلامة وش هالصور روعتنا ياشيخ

عسى مانتم في مقطعة ماحولكم ديره ولاشي

بصراحة شفت موضوعك بالبراري وجيت انقز ارد عليك فيذا
تقاريرك عسل بس تمنيت يوم طلعوكم بالنهار عشان نتابع هالشي اول بأول

الحمد لله على السلامه بس بصراحه مغامره حلوه
تعيشون وتاكلون غيرها

اقتباس: المشاركة الأصلية كتبت بواسطة ابو الوليد    وش السالفة يالمهند الحمد لله على السلامة وش هالصور روعتنا ياشيخ عسى مانتم في مقطعة ماحولكم ديره ولاشي بصراحة شفت موضوعك بالبراري وجيت انقز ارد عليك فيذا تقاريرك عسل بس تمنيت يوم طلعوكم بالنهار عشان نتابع هالشي اول بأول

السالفة ياأبو الوليد واحد غرز وجاء من طلعه ....!!!
ألحين كل ذا التغريزة والصبخة وتقول وش السالفة ... حلالاة إنك معنا إن كان أخليك تحفر وتدفن ...!!!
والمنطقة هذي كلها صبخة والخفجي يبعد حول الثلاثين كيلو والارسال شوفة عينك فوق التندة ...!!

حياااك الله أخوي أبو الوليد وليتهم والله طلعونا الظهر إن كان أريح وأريح ...!!

اقتباس: المشاركة الأصلية كتبت بواسطة ابو شادي    الحمد لله على السلامه بس بصراحه مغامره حلوه تعيشون وتاكلون غيرها

الله يسلمك أخوي أبو شادي ... والله يعين على غيرها ...
أهم شيء الواحد يكثر من الماء معه ..!!

حمداً لله على سلامتكم في هذه المغامرة
وتسلم على التغطية اخي المهند ...