جِـعل القلب اللے على الطـِيب ربانے يدخل جنانـِـِ ِ الخــِلد ۈيقـِِطف ثمرهـِا

وانا اطققطق باليوتووب شفت حلقة وش تحس بووه العاشره
قلت خلن احطها بذا >> متأثره باللهجه

http://safeshare.tv/w/XMaWMbMBGH

ذرفت عيناي وانا اشاهد هالمقطع

مسلم ولا يعرف انه مسلم مقطع مؤثر مفرح محزن

الشخص لا منه نزل من عيوني
مثل الدموع إذا نزلت صعب ترقا !!
يهون قدرهـ .. في سمايـا وكونـي

وما عاد له حبـ(ـن) بـ الأضلاع يبقا
يعيش لكن.. طول عمره بدونـي
أمحي وجودي من حياته بفرقـا ~

في فن علم النّفس وانماط الحياه
((مصيبتك)).. طلّع وراها فايده

لا ينتثر فكرك على كذا اتجاه
الخصخصه فن العقول الرّايده

وان ساد من حولك شعور الإشتباه
خذْ لشعورك منطقه محايده

ثقتك سقف العقل،، والناقص ذكاه..
..من حَسّسَك ان فيه حاجه زايده

والابداع.. ماهو لعبْ شَد الإنتباه
على حساب الغاء فكره سايده

والضّيق ضِيق الكون واكظام الشّفاه
وفهْمْ الحياه على انها مزايده

أفضل وسيله للسّعاده والنّجاه
سَهْلَه على الرّاغب ولا هي كايده

توَحّد الله صدقْ وتقيم الصّلاه
وجَعلْ الفواحش عن حدودك نايده

وتكفّ يَدكْ وتحمد الله عالغناه
وتخَشّر هنودك مَعَك في المايده

ولا تخاوي لا شيُوخ ولا رعَاه
خاوْ اصدقا تفكيرك وفرايده

والشّيخ يتواضع وما يسْبَق عطاه
ويتعَوّدَون الناس من عوايده

والحب ذروَة كل شَي ومنتهاه
ومااحلا من وضوحه سوا مكايده

يبَكّي الرّجّال ويبَحّث خفاه
ويعلّمه شَرح الحظوظ البايده

واللي يحب احدٍ وماهو بمستواه
يبطي.. وعينه بالمدامع جايده

يا وجْد حَال الشّاعر وأمّه واباه
وجُود من هاوش لـ اخوه وصَايده

اللي مناي اعيش واتوفى معاه
حتى فـ عِيده.. ما قدرت اعايده!

الحزن طاقه للدّعَاه وللطّغاه
وانا طلعت من الجرُوح بفايده

(إن لم تزد شَيئاً على هذي الحياه)
(تأكد انك أنــــــــــــت حاجه زايده)


سعد علوش

الحياة ان ما ابتسمنا متعبه
والسّعاده دون بسمه ما تجيك
وان بغيتْ تحقق اللي تطلبه
فاستمع لي يرحم الله والديك
ابتسم في وجه اخيك وتكسبه
وش يضرّك لا ابتسمت بوجه اخيك؟؟
لا تقول الوضع هذا ما اصعبه
حاول وتلقاه ما يصعب عليك
بس طبّق ها السّلوك وجرّبه
وشوف كيف ان السّعاده تحتويك
وانتبه تبخل ببسمه انتبه!!
لا ابتسمت يحبّك اللي ما يبيك

جربت في الدنيا





جربت في الدنيا تجارب شايب
وعرفت عدواني وميزت الاصحاب





وعرفت طبع الناس مخطي وصايب
ومانيب خيل تخدعه ضحكة الناب






جنبت انا العالم وبعض القرايب
البعض منهم قربهم عقرب وداب




لو كان تعطيهم عيونك وهايب
ماينفعوك جيدهم عند الاجناب








ناس يعادونك بليا سبايب
حط الحواجز دونهم واغلق الباب





واللي تكبر عنك شد الركايب
جنب طريقه واحقره كنه ذياب




بعض البشر قلبه من الحقد عايب
لا فيه طيب وقلبه اسود من غراب





عنده نجاحك من كبار المصايب
واذا سمع مدحك من الغيظ ينصاب








لولا الحيا سالت دموعه سكايب
مسكين من نار الحسد ماكل تراب





اللي يذمك كلما صرت غايب
وان جيت قدم لك تراحيب واعجاب




كبه ترى مثله مع الناس خايب
عادات ابو وجهين يكذب ويغتاب




لو تغرقه بالطيب ماهو طايب
لا تنخدع في مثل شرواه لو طاب

يسـوُد سوء الظن في معظم النّاس
وشمس النمَايم فـ البشر مالها فيّ

لـو انك تسلم على بَعض الأجناس
قـالوُا تـرى مـاسلّم إلا يبي شي !

رِشْ يآ مطر ,
و إغسل هموم ٍ فَ الحشآ مستقره ..
إنثر روآسي هـ الحزن , بلفحة هوآك ..
أبغـِي رِذآذك عَ القلب يبري العله ..
.................. قلب ٍ تآهت افرآحه فـ آسود سمآآآك !

*لا تفرح إن الوقـت أسعدك واعطاك ..
لابــد مـا ســود اللـــــــيالي تبكيــك.
*دنـــــيا تقلـــب علــها مـــا تــولاك..
تمسي عزيز وتصبح من الصعاليك .
إلى اقبلت تخفي عيوبك عن أعداك..
وإلى ادبرت تظهـر عيوبك لاهاليـك .
اغنم من صروف الدهر كانه امداك..
قبل اللحد عن ظاهر الارض يخفيك.
وترى التشكي للمخاليق يشـنـاك..
يحط من قدرك ويفـرح امــعــاديـك.
وكـثر التـشره يجعل الناس تجفاك..
ولا عــاد تلـقى بيـنهـم من يخـاويك.
ولا تمادى في زعل من ترضـاك..
مادام جاء عاني على شأن يرضيك.
ولا تخــاوي من على أبوه بـــــداك..
هذاك وان طال الزمان يغدر فـيــك.
والـجـاهل احـذر لاتجـادلـه يـبلاك..
في كـلـمة بين المخاليـق تعـمـيــك.
والهرجه العوجى لو أنه تنصــــاك..
حـاول تجـاهـلهـا وخــله تـعـديـــك.
ولاتضيّع هـقـوة اللي تـهـقـــواك ..
مادام جاء بين المخاليق ناصيــك.
واحـذر تـهـزأ يـافـتى بخلق مولاك..
تـشـوفـها باقـرب قـريـبٍ يوالـيـــك.
ولا تفرح بزودٍ على الحق وان جاك..
زودك ترى نقصٍ على حق ذوليـك.
وخل القناعه ميزةٍ من مزايـــــــاك..
مـع الـقـناعـه كــل شـيءٍ يـكـفـيـــك.
*وان جت لك الدنيا على غير مشهاك ..
اصبر ترى بالصبر تدرك أمانيك .
لا تامـن الدنيــا تـرى الوقـت فتــاك..
لا جاء القدر كثـر الحـذر ما ينجيـك

اهم حاجه تعيش و هامتك عليا
لو ترخي السمع نص الناس هراجه
وان جاك واحد مسوي فاهم الدنيا
حاول تصير انت ما تفهم ولا حاجه