رحلتي الى الياقوته سريلانكا .. مدينة كاندي.. التقرير الثاني

السلام عليكم

كيفكم شباب

اليوم هذا التقرير لليومين الثاني والثالث في سريلانكا

في المساء في فندق سنمون قراند بكولومبو الصراحه الفندق اكثر من رائع ويطل على بحيره رائعه تكثر فيها انواع الطيور
اترككم مع الصور



احنا حجزنا ليله فيه تقريبا سعر الليله مع الفطور والعشاء تقريبا 300 ريال والعصير تشربه في اي وقت مجانا والاكل في المطعم بوفيه مفتوح كل شي متوفر





هنا محمد ياكل في سرطان البحر مدري وشو والله ياهو حااااار فلفل .. هههههه



الصوره تعبر هع

وفي الصباح توجهنا للمسبح للسباحه لعدم وجود السياح في الصباح



خرجنا من الفندق في الصباح واسف ما صورت وجبه الافطار الصراحه عليهم بيض مدري وش حاطين فيه المهم خرجنا من كولومبو والزحمه





اللباس لدى الطالبات المسلمات هناك والصراحه اعدادهم جدا قليله ربي يكثرهم



وفي الطريق مدح لنا السواق هذي الفاكهه طعمها رائع مو مثل اللي عندنا في ابها جوز الهند



شاهدت كثره هذا الفاكهه في الطريق وسألت السواق وقال هذه الفاكهه محببه عند اهل سريلانكا قلت وقف نجربها



شكل الفاكه مدري كيف ولاكن طعمها حلو جدااا



صاير حقل تجارب هناك هههههه



صوره لنهر مهاويل اعجبني شكل الحكار





نكمل المسيره الى كاندي





من طلعنا من كولومبو 130 كيلو كلها سيارات ومنعطفات وزحمه سكان و الارض حضرااااااااء



احدى القرى اللي مرينها فيها ويكثر فيها المسلمين





وجعني راسي من كثر الحضار والاشجار في جميع الجبال



انا مع السواق جهان







وصلنا مدينة كاندي وهي تعتبر اكبر مدينة بعد العاصمه كولومبو وتسمى عاصمه الثقافه لكثره المعابد القديمه وتاريخها القديم ويوجد بها اكبر نهر في سريلانكا



بحيره كاندي الصراحه منطقه رائعه اترككم مع الصور







بجوار البحيره تكثر فيها القصور الكبيره والفنادق



احد المعابد القديمه بجوار البحيره

اتجهنا بعدها الى الفندق اسمه ريجنسي يعتبر من افخم الفنادق في كاندي وكان سعره تقريبا 300 ريال شامل الفطور والعشاء بوفيه مفتوح ويقع على نهر مهاويل .. ويحيط به الكثر من الغابات وراح انزل بقيه الصور للفندق غدا ان شا ءالله
اترككم مع صور الفندق









استقبلونا على طول بعصير ما عرفت وشو بس طعمه مثل الجح هههههه





نهر مهاويل بجوار الفندق





في المساء لما يروحون الاوربييين وهم ياخذون حمام شمس مدري وشو يفضى لنا الجو للسباحه
طبعا الجو هناك دافئ مايل للبروده ولاكن منعش ..







لم انزل الا صوره واحد لداخل الغرف نسيت اصورها

خويي محمد جربت له جميع انواع القهاوي ما دخلت في راسه يبي قوه عربيه وفيها هيييييل
واحنا نتمشى في الفندق لقينا لنا شباب سعوديين والله ما قصرو معانا .. بالقهووه والكرم والطيب معاهم عزبه قهوه وشاهي .. والنعم فيهم والله .. وهم من حوطه بني تميم







توجهنا للمطعم لتناول وجبه العشاء



الريبيان مقلقل قال لي تبيه سبايسي << حار قلت لا .. الصراحه انبسطت باكل شي مافيه فلفل
هههه ولاكن والله يافيه من الفلفل ....



اعجبني الفلفل المحشي ههههه

توجهنا لمنتزه حدائق برادينيا اذا ما خاب ضني



هنا المشاتل لجميع انواع الزهور









الخفافيش فيها كبر غير طبيعي وتطير في النهار





محمد دخل وسط شجره كبيره مجوفه مدري وش سالفتها















الشجر عندهم طوااااااااااااال وهنا شوف والغريب في الشجره جذورها





ههههه صدت محمد وهو يتسلق في الشجر << ماوكلي

جوله بجوار النهر اترككم مع الصور















صوره للسد لقيناه على الطريق

الرجوع للفندق





وإلى اللقاء في التقرير الثالث ان شاء الله

تحياتي
ناصر العثمان
محمد البرغش

وش ذااا الزييين يانديم روووووووووووعه تسلم يمينكم والله خباااااااال

حي الله الرشيق ابو ناجم

ويا زين هالطبيعة زيناه .. تفتح النفس وتهوس

جمال وطبيعة لم اتوقعها اطلاقاً في هذه الدولة

وكل لقطة تقول انا احسن من الثانية

بصراحة اتعبتنا كل شوي افتح واناظر هذه اللقطات

فالف الف شكر وجزاك الله عنا الف خير

بلغ السلام للغالي محمد .. والله يرجعكم بالسلامة ان شاء الله

موفقين خير ان شاء الله
والله يونسكم بالعافية .
وبانتظار التقارير القادمة .

ماشاء الله يانـاصر إبـدآع ومحمد فالها بالبوفيات المفتوحه هع
ماتنتظروني لـين أجي عندكم نكمل الرحله معكم هع
بصـــرآحه الديره هاذي مو بسيطه وش هالزين الي فيها
هو خضار هو جو هو طبيعه خلابه هو فنادق ومسابح روعه
شي شي غير متوقع انه يكون موووجود فيها ابدعتوا بالتقاط الصور
الحين هاذي مو كريمه بالفروله حاطين فيها فلفل هع


ان الله احياني لزور هالديره اذا تحسنت ظروفي
والله اتعب وانا اقوووول ابدعت بالتقرير والتغطيه
الله يارب يوفقكم ان شاء الله وترجعون لنا سالمين غانمين
والله يستر عليكم وبحفظ الله

ماصدق ان هذي سيلارنكا والله حاقرينها هع
بس طلعت خيال وطبيعه وروعه وكل شيء من الروعه
تسلمون على هالآبداع

تقرير مرتب ورائع ومفيد اخوي ابو ناجم ما شاء الله عليكم وش خليتم ووش ماخليتم
وتشكرعلى ذالك والاجمل انة تعرفنا على هذي الدوله الجميلة في طبيعتها وسياحتها.
ننتظرالتقرير الثالث..
تحياتي لكم..

وش خليتوا ماشاء الله عليكم
كل يوم شي جديد ورااائع وهالخضار يوجع القلب
الصراحه هالساحه كل يوم تقدم لنا ابداعاتكم والمميز من عدساتكم
بانتظار الجزء القادم وكلنا طمع بالزياده من الصور
ماتشوفون شر

ماشاء الله والله روعه سريلانكا ماشاء الله لوكم علمتوني اخويكم كاااان جبت قهوتي معي خخخ
ترجعون بسلامه ان شاء الله

الرشيق دوماً ابو ناجم ونجم العشاري ابو عثمان تقرير اكثر من رائع وجميل والأروع عدساتكم المتميزه

ترجعون بسلامه وبانتظار التقرير القادم المذهل علي حسب توقعاتي واحساسي دمتم بحفظ الله ..