ينلاع قلبي

ان ابتسم ذبح المعنّى ثناياه
واليا لحظ جنِّك سهومن تصيبي
لو ينعرض هرجه على الطير غناه
وانا اشهد انه علتي والطبيبي
لا باغي(ن) غيره بخيره وحسناه
ولا نايم(ن) ليلن وهو لي طليبي
عليه قلبي يابساتن حناياه
وانا على لاماه يقنب قنيبي
لا واعلى مسكة يميني بيمناه
وارقد هني وخابر انه نصيبي
ينلاع قلبي له وروحي تمناه
باسباب هجره صرت كني غريبي
لي روعة(ن) لامن حنا ذكرناه
بين العظم والجلد تدبي دبيبي
عجز البخت يبني لنا ما حلمناه
وحظي من الاقدار جرحن عطيبي
مرحوم ياحبن قديمن دفناه
عز الله اني عقبكم بان عيبي
عابر السبيل

الله الله رووووووعه

تسلم لنا اخوي ..

لاتحرمنا جديدك..

آبيآتتَ روعهَ
وممبدعَ بـ آختيآرآتكَ آخوويَ =))♥
يعطيكَ العافيهَ

لاهنتَ

ذائقة عذبة سلمت وسلم ذوقك

آبيآت جميله بجمآل آختيآرك
سلمتَ

اقتباس: المشاركة الأصلية كتبت بواسطة طفولة تمير    الله الله رووووووعه تسلم لنا اخوي .. لاتحرمنا جديدك..

اهلا بطفولتنا
ذوقك الاروع
تحياتي

اقتباس: المشاركة الأصلية كتبت بواسطة همس الجفاء    آبيآتتَ روعهَ وممبدعَ بـ آختيآرآتكَ آخوويَ =))♥ يعطيكَ العافيهَ لاهنتَ

هلا باختنا
كلك ذوق
دائما همساتك حلوة

اقتباس: المشاركة الأصلية كتبت بواسطة ع ـزَوـوفـے ْ..(؛    ذائقة عذبة سلمت وسلم ذوقك

وسلم عمرك وغاليك
الف تحية

اقتباس: المشاركة الأصلية كتبت بواسطة الراقيه    آبيآت جميله بجمآل آختيآرك سلمتَ

الاجمل مرورك يااميرة الذوق
تحياتي