انا لو ضاعت ايامي محبة ما تضيع امناي\وانا لو مالت كفوفي هوى ما ينحني راسي

صباح / مساء الورد

قصيده اعجبتني اتمنى ان تنال على رضاكم
/
\
/
\
مضى لك وقت تستوطن خفوقي وتستبيح ارجاي .....
وأنا استغفر من احساس ٍ يجيني واتبع احساسي

اخاف الوقت يكتبني حبيب وتنقري اشياي ....
واخاف الشوق يرسمني غريب وتنمحي ناسي

حبيبي والغلا بعثر سكوتي وتوني مـ/ امداي .....
بقربك .. كيف اجل لو تنتثربي ويمتلي كاسي

حبيبي مالي وجر الربابة وارتعاش الناي .....
عن اجراس الهوى واهل الهوى تغنيني اجراسي

انا اللي جيت في عز انكسارك حامل ٍٍ مبداي .....
اباسوّي بها دور الكبير وجت على راسي

غريب ٍ خانني وجه الديار ولا وفى مسراي .....
ورحت احطب متاهات السرور وملّـني فاسي

لمحتك .. قلت يشبهني كثير بنظرتي وخـْـطاي .....
عرفتك .. قلت تفداه العيون وجيت لك ناسي :

عناويني .. ليالي غربتي .. دربي .. عيون اعداي ....
طموحي .. بسمتي .. روعة حضوري .. صوت جلاسي

تخيّل من كثر مـ/اكره فراقك لا لمحتك جاي .....
اشيل هموم توديعك بقلبي واكتم انفاسي

يا أول من تجمّــل في دموعي واستفز بكاي .....
يا أول من تفلسف في غروري واظهر افلاسي

يهمك تعـْــرف ان غلطة غرامك بعثرة دنياي .....
تعال اسمّعك نبرة سكوتي وصمت وسواسي

وتعال احدّثك عن بخل صبري وعن كرم ذكراي ......
اذا حدّتني اشواقي عليك وانت متناسي

ظنون..جنون..غيرة..شوق..إلى اخر مدى وياي .....
متاهات ٍ أقاسي جورها وشلون ما أقاسي؟

وانا اللي قبل تذكرني المحبة داله ٍ نسّاي .....
ينومسني طموحي واعتلي ويـْــزيد نوماسي

واغني للأماني خطوتي واسمع صدى مغناي .....
اذا هبت نسانيس الوصول وهب نسناسي

سقى الله ياحبيبي ما مضى يوم النصيب ارضاي .....
قبل لا اميل ميلة من كبا والشوف متواسي

لك الله .. كيف ابحر بي هواك ونظرتي مرساي؟ .....
لك الله .. كيف عراني غلاك وداخلي كاسي؟

حرام اني مـ/ عاد املك من اوطاني سوى منفاي .....
وحرام ان باسي اللي تذكره ماعاد هو باسي

مغير اروي على عجز انتظاري مقدرة مولاي .....
ومغير اطفي حطب صمتي - عبث - واشب كراسي

بليل ٍ مثقل ٍٍ بالموت محبط شاحب ٍٍ شرواي .....
غفابي لين ما صار المحال المعجز نعاسي

سجن .. حراسه اغلو عبرتي واستعذبو نجواي .....
الا واشيب عيني مْـن التناجي وسجن حراسي

حبيبي .. دامها وصْـلت مداها لا تجيب اقصاي ....
تراني بالهوى لين مشاعر والهوى قاسي

دخيلك لا تعلقني على كف الزمان الجاي .....
واراوح بين دوامة رجاي وغطرسة ياسي

حبيبك خاف في عز التلاقي لا يخونه راي .....
وصاح : الصدق دربي يازمن والعز نبراسي

انا لو ضاعت ايامي محبة ما تضيع امناي .....
وانا لو مالت كفوفي هوى ما ينحني راسي

بعيدٍ .. تغرق بساكت بحوري همهمة شكواي .....
ثقيل ٍ .. لا طغى موج الليالي شفتني راسي

حبيبي ما علينا .. ماني مغنّي على ليلاي .....
تطول المسألة من حد قرطك لين قرطاسي

بفارق دامها من جرح قلب ودمع عين وجاي .....
ودخيلك لا تواسيني .. وش تخلي وش تواسي

حبيبي جفـّت أوراق المسا - خوف - وقست يمناي ....
وجيتك طالب ٍ كف الوداع وقلب هوجاسي

اذا اهديت الهوى حرف الموادع .. لا عدم معناي .....
واذا شحّيت في حبر الجفا ..لا عاش كراسي

اقتباس: المشاركة الأصلية كتبت بواسطة شموخ انثى    [color=#0000FF]انا اللي جيت في عز انكسارك حامل ٍٍ مبداي ..... اباسوّي بها دور الكبير وجت على راسي

رائـــــــــــــــــع هالبيت يخلي دمعتك تفر من عينك


اختيار موفق شموخ

حبيبي .. دامها وصْـلت مداها لا تجيب اقصاي ....
تراني بالهوى لين مشاعر والهوى قاسي

دخيلك لا تعلقني على كف الزمان الجاي .....
واراوح بين دوامة رجاي وغطرسة ياسي




اقول000

الله يعطيك العافيه على الاختيار المميز الانيق منك ياشموخ والف شكر000




تقبلي تحياتي 00000000000المحبوب

اقتباس: المشاركة الأصلية كتبت بواسطة شواق    رائـــــــــــــــــع هالبيت يخلي دمعتك تفر من عينك اختيار موفق شموخ

الروعهـ تواجدكـ الرائع
ماعدمتـ هالتواجد
ولاهنت

اقتباس: المشاركة الأصلية كتبت بواسطة المحبوب    حبيبي .. دامها وصْـلت مداها لا تجيب اقصاي .... تراني بالهوى لين مشاعر والهوى قاسي دخيلك لا تعلقني على كف الزمان الجاي ..... واراوح بين دوامة رجاي وغطرسة ياسي اقول000 الله يعطيك العافيه على الاختيار المميز الانيق منك ياشموخ والف شكر000 تقبلي تحياتي 00000000000المحبوب

الله يعافيكـ
سلمتـ على هالحضور الرائع
ولاهنتـ

انا اللي جيت في عز انكسارك حامل ٍٍ مبداي
...........اباسوّي بها دور الكبير وجت على راسي

قصيده رائعه والاروع طريقة بدايتها وكذلك نهايتها

لاخلا ولاعدم يا شموخ ...

حياكـ يالششششششششششششششاعر

والروعهـ تشريفكـ وتواصلكـ الدائم

ماننحرم منكـ

لا خلا ولاعدم

صح لسانك اختي شموخ

عذوبة تجلت في هذهـ الكلمات

مميزه في كتاباتك شموخ

ماننحرم من هالقلم وصاحبتهـ


دمتي ودام قلبك وقلمك


ننتظر منك المزيد

تحيتي

لاعدمناكـ..,

حبيبي والغلا بعثر سكوتي وتوني مـ/ امداي .....
بقربك .. كيف اجل لو تنتثربي ويمتلي كاسي

حبيبي مالي وجر الربابة وارتعاش الناي .....
عن اجراس الهوى واهل الهوى تغنيني اجراسي

انا اللي جيت في عز انكسارك حامل ٍٍ مبداي .....
اباسوّي بها دور الكبير وجت على راسي

شموخ مشكور علي النقل المميز

تخيّل من كثر مـاكره فراقك لا لمحتك جاي = اشيل هموم توديعك بقلبي واكتم انفاسي
يا أول من تجمّــل في دموعي واستفز بكاي = يا أول من تفلسف في غروري واظهر افلاسي
يهمك تعـْــرف ان غلطة غرامك بعثرة دنياي = تعال اسمّعك نبرة سكوتي وصمت وسواسي

كل ما خترت بيت عجبني اللي بعده صراحة قصيدة مرررره حلوة تسلمين على النقل المميز


واسمحيلي بحفظها ؟؟؟؟؟؟؟؟؟؟؟؟؟؟؟؟
تقبلي مروري ودمت بخير