تكفون ياهل تمير ياهل الحمية

ربعـي التمــارى ليـه هالعنصـريّـه ...... ليه التشتت والحسد والحزازات
ليه الخوي ما عاد ياصل خويّـه ...... ياخذ اشهور ما يقوم بزيارات
وليــه المسبـــه بالشعــــــر والاذيـــه ...... وليه البعض يدخل بشعره متاهات
قســـوة قلـوبٍ عقب مـا هـي طريـه ...... وشانت انفوس عقب ما هي نظيفات
وضعفت اعقولٍ عقب ماهي رسيه ...... لحقت ادروب اهل العقول الضعيفات

حتى السحاب اليا نشا وفيه ميه...... تبدّلت مزن السحايب بعجّات

لين المطر جنّب ارياضٍ عذيّه ...... عقب النفل صارت رياغي وغبرات
ايضاً الشجر ياناس لحقة أذية ...... خضر الغصون اليوم أمست يبيسات
حتى البهايم من فعلكم رديّه ...... بعد الجزاله صارت اليوم هزلات
كله لاجل والله دنياً دنيّه ...... سارو ورا الفاني بصوله وجولات
ورا المناصب كلٍ يسبق خويّه ...... واللي ورا الأسهم تشوف الهولات
والعنصرية كلّها جاهلية ...... وحنّا هل الإسلام واهل الرسالات
تكفون ياهل تمير ياهل الحميّه ...... ياهل العلوم الطيّبه والجزالات
جود وكرم مع طيب مافيه زيّه ...... هاذي افعول اجدودكم من قديمات
كلٍ يشد الحيل ونمشي سويّه ...... ترى طريق الخير كلّه مسرّات
والله ومــر خلقه بتبعـة نبيّـه ...... رسولنا المعصوم من كل عثرات
هـذي نصيحه للجمـاعه هديّه ...... ياعلّها تلقى قبولٍ ورغبات
وبالآخــره كلٍّ بيلقــــا جــــزيّه ...... من عند رب الخلق وإلي السماوات
وصلّوعلى المختار سيـد البريّه ...... محمد الهادي لدرب السلامات

أخوكم / عثمان محمد البرغش

قصصيده في قمة الروعه
و في الصميم
اهنيگ ع عتابگ بگلماتگ
و الله يجعل دربگ سعاده
ومآ يبعدنآ عن تواصل الرحم و الأصدقاء
اعجز عن تعبيري ل قصيدتگ
و ما ادري گيف اوصل لگ انهآ شقد حلوه
بسس اهنيگ و بقوه

صح لسانك وعلا شانك
الناس والنفوس اتغيرت
اللهم ثبتنا علي ديننا واحفظ عقيدتنا
واصلح لنا شاننا

بورك الطرح

ربعـي التمــارى ليـه هالعنصـريّـه ...... ليه التشتت والحسد والحزازات

لولا الحسد مامــــــــات احد //


عتابك دليل طيبك ....

عسى الله لايفرق هالديره واهلها والله يحفظ تمير ديرتي

بس الغيره والحسد أججت النفوس وصار كل واحد يفكر بنفسه

وصح لسانك وعلا شأنك ...

لاهنت

صح لسآآآنك يأآبو محمد وفيت وكفيت .. وكثر الله من امثآآلك ..
والله يلعن الشيطآآن ويبعدهم عنه ..ّ

الشآآآكي

كفوا يابو العنود بيض الله وجهك والله مانقلت القصيده هنا الا من حب ومن حرص
لنبذ الفرقه والتخلف الطاغي هذه الايام . والشكر موصول للشاعر الخال عثمان بن محمد البرغش
ابيات جزله ورائعه تحكي واقعنا المرير

مشكور ابو العنود على النقل ومن جد تحكي واقعنا

الله يبعد عنا الحسد يارب

من جد منورين وتشرفت بردودكم التى زادتني شرفاً مااقول الا الله يطول لنا باعماركم مدد لا عدد
وان يبعد عنا وعنكم الحسد والحقد والكراهيه وان يجمع شملنا وشملكم ولا يفرقنا يارب
عافاكم الله من عذابه ومن شر عباده
ابو العنود...

رائعه جدا

طبت وطاب حضورك وصح لسان قايلها وناقلها

كلمات رووعه
تسلم اخووي ويعطييك العافييه ماقصررت ..