قصيدة رثاء في خادم الحرمين الشريفين للشاعر /فهدالمفرج

قصيدة رثاء في فقيد الأمتين العربية والاسلامية المغفور له بمشيئة الله خادم الحرمين الشريفين الملك/ فهد بن عبدالعزيز رحمه الله رحمة واسعه وأسكنه فسيح جناته ......آمين. كلمات الشاعر/فهد بن ابراهيم المفرج

صباح الاثنين كل الناس مذعوره = علم (ن) لفا كدّر القاصي مع الداني
قالوا وطنكم توفّا اللي حمى سوره = العاهل اليعربيّ القايد الباني
موكّدين الخبر بالصوت والصوره = والله فلا ادري عقب ذا العلم وش جاني
هلّت دموع العيون وقلت معذوره = حاولت اكفّ العباير مير ماامداني
نبكي وكل العرب يبكون اخونوره = يبكون عز الديار ونور الاوطاني
من عاليات الحجاز لراس تنوره = ومن صوب حد اليمن لحدود عمّاني
وتبكيه مكه وبيت الله وحضوره = والكعبه اللي كساها باغلا الاثماني
ويبكيه مسجد رسول الله وجسوره = له بصمة(ن)باقيه مع طول الازماني
والاسره المالكه والشعب وقصوره = يبكون فرقا ملكهم سر واعلاني
جونا ملوك الدول من كل معموره = من جاه علم ابوفيصل جا لنا عاني
كل(ن)يعزّي نوادر نجد وصقوره = في شيخنا اللي توفّا ذرب الايماني
ماحد (ن)لعب دور فـالدنيا مثل دوره = انا اشهدانه فريدالنوع وحداني
له فزعة(ن)مع كويت الخير مشهوره = وله وقفة(ن)يحترمها كل لبناني
مواقف الفهد تحسب له ومشكوره = ومساهمات الفهد في كل ميداني
شيخ(ن)مدوّن له التاريخ فـ سطوره = سيرة بطل للشرف والمجد عنواني
زعيمنا معجزه لاوالله اسطوره = لو جيت اعدد فعوله يعجز لساني
قالوا توفّا فهدنا واختفى نوره = قلنا ليا غاب نجم(ن) يطلع الثاني
يبقا فهد في قلوب الشعب وجذوره = تروي بغيث الكرامه كل ظمياني
والحمدلله راضين(ن)بمقدوره = وحنا عوضنا بـ عبدالله وسلطاني
واخوان عبدالله اللي شورهم شوره = نحبهم كلهم من دون نقصاني
وعسى السحايب بنو الخير ماموره = تمطر على قبر شيخ(ن) شدّ الاظعاني
تسقي ثرى العود وتديّم على قبوره = آمين ياربنا خلاق الاكواني

الله يرحمه ويجمعنا معه في الفردوس الاعلى من الجنة...

صح لسانك يا صدوق المخايل...

لكن للاسف المشكلة ما زالت عندي..مو طالعة القصيدة...

بس اكيد القصيدة رائعة لانها من الشاعر فهد المفرج......

تحياتي.....................

مواقف الفهد تحسب له ومشكوره

ومساهمات الفهد في كل ميداني

شيخ(ن)مدوّن له التاريخ فـسطوره

سيرة بطل للشرف والمجد عنواني

زعيمنا معجزه لاوالله اسطوره

لو جيت اعدد فعوله يعجز لساني

رحم الله خادم الحرمين و غفر له

وصح لسان الشاعر ومشكور اخوي صدوق المخايل على هالقصيدة الرائعة

و الله يارب العرش العظيم يارحمن يارحيم ياغفور ياودود تغفر لخادم الحرمين و لجميع امة المسلمين حيهم و ميتهم انك على كل شي قدير برحمتك ياارحم الراحمين

تحياتي

صح لسانك ياصدوق المخايل والله يبيض وجهك على هالقصيده الطيبه والله يلوم اللي يلومك في فهد ،،،



تحيااااااااااااتي

صح لسانك اخوي صدوق المخايل قصيده قويه ومعبره جدا تسلم ولاعدمانك
وتبقى فارساً لهذه الساحه ومعبرا عن مايدور بداخلنا من حب للوطن
تسلم اخوي صدوق والله يبيض وجهك وتحياتي لك

قـالـوا تـوفّــا فـهـدنـا واخـتـفـى نـــوره
قلنـا ليـا غـاب نجـم(ن) يطـلـع الثـانـي


يرحمه الله رحمة واسعة

ومهما قيل في الفهد فهو قليل

وما قصرت يا شاعرنا وصح لسانك

ولك اجمل واعطر التحيات

ماقصرت ياشاعرنا
وهذا شي بسيط في حق مليكنا الفهد رحمه الله رحمة واسعة
وصح لسانك
وارجو من المشرفين على المنتدى ادراج القصيدة بصوت الشاعر نفسه

محايد ترقب القصيده بصوت الشاعر قريبا جدا
شاكر لك حرصك

رحم الله والدنا الملك فهد واسكنه فسيح جناته اللهم ثبته عند السؤال اللهم ثبته عند السؤال اللهم ثبته عند السؤال

وصح لسان شاعرنا فهد المفرج ويعطيه العافيه على مشاعره الصادقه تجاه ابو فيصل ووالله ان هذه القصيده لهي ترجمه لما في قلوبنا جميعا ً وليس غريبا ً على شاعر من شعراء الوطن ان يأتي بذلك فهو نبع متدفق من الابداع والجزاله ( وقد قالوا لا تاتي الجزاله الا من جزيل ) كيف لا وقد رباه والده وغرس فيه حب الوطن وعدم نكران الجميل ألا رحمة الله على الشيخ ابراهيم المفرج واسكنه فسيح جناته وجعل قبره روضه من رياض الجنه

استميحكم عذرا ً في طلبي وهو ان هذه القصيده تستحق التثبيت وللأبد

رحم الله خادم الحرمين و غفر له

وصح لسان الشاعر ومشكور اخوي صدوق المخايل على هالقصيدة الرائعة