( حكاوي رمضانية ) ذكريات الزمن الجميل مع آبو [ الموادع ] سعد بن حمد الفيصل

السلآم عليكم ورحمة الله وبركآته مبآرك عليكم الشهر الكريم واعاده الله علينآ وعليكم بالخير والبركآت وكل عآم والجميع بخير . أبائنا وأجدادنا تاج على رؤوسنا . يحلو الحديث معهم ونأنس بهم . لأجدادنا وأبائنا الكثير من الحكايات والمواقف في رمضان فسوالفهم لها طعمها الخاص . والجلوس معهم يذكرك بماضي جميل قلوب بيضاء . ونفس طيبة . وضحكـة لاتفارق المحيا فهم الخير والبركة .. أحببنا هنا في حكاوي رمضانيه أن نلتقي بمجموعة من كبآر السن من آبآء وآمهآت نحاورهم ونتذكر معهم رمضان مابين الماضي والحاضر وحكاويهم معه .. ومعنآ اليوم رجل فآضل وكريم ضيفنآ لهذآ اليوم هو .. آبو( الموآدع ) البطاقه الشخصيه كامله سعد بن حمد بن محمد الفيصل مواليد 1374 هـ متزوج ومتوظف بوزآرة الاشغال والاسكان عام1498 هـ وقبل تقاعدي بسنتين تم نقلي لوزارة التربية والتعليم بالرياض وتقاعدي عام 1431 هـ والان اسكن بمزرعتي بحي الوسيعه بتمير . كيف تستقبلون إعلان دخول شهر رمضان المبارك . وش كانت مشاعركم بالحاره إذا وصلكم الخبر ؟ بطفولتي كنا نستقبل شهر رمضان من الغد العصر وبعد التطور يأتينا خبره عن طريق المذياع ( الراديوا ) ومشاعرنا مليئه بالفرح للاستقبال شهر رمضان ونتعازم بالحاره على الافطار . •- كم كان عمرك أول مره صمت وكم يوم صمت في أول رمضان تصومه ؟ أذكر يوم كنت بالسنه الثامنه ونصوم الشهر بالكامل •- كيف كان سحوركم وفطوركم وإيش كانت أشهر المأكولات عندكم ، وهل كنتم تجتمعون على الفطور بالحارة أو بالبيت ؟ سحورنا برمضان الاغلب مايكون مأكولات شعبيه مثل القرصان وغيره. اما الافطار من التمر والقهوه وبقل نقوم بتربيصه بالماء وبعد المغرب الشوربه واشهر الماكولات شعبيه قرصان ومرقوق والدخن والجريش وغالباً مانجنمع مع الاهل بالمزرعه . صوره لفطور حاضر هذا الزمان •-وش أشهر المواقف اللي حصلت لك في شهر رمضان ولازالت عالقة بذهنك للحين ؟ مازلت اتذكر حرارة الصيف برمضان بالوقت الذي لايوجد به تكيف يخفف عطش وجوع الصيام فكنت اخذ لي شرشف واربصه بالماء واتلحف به ليخفف علي عطشي ولكي انام براحه واوصي وآلدتي رحمها الله اذا نشف تربصه وتغطيني به مره اخرى . •- وين كنت تصلي التراويح ؟ ومنهم أشهر الأئمة اللي كنت تصلي معهم وهل تتذكر أحد من الجماعة ؟ كنا نصلي بمسجد المزرعه وكان يئمنا بالصلاة محمد بن ناصر المناع رحمه الله وكان يختم القران بالتراويح ويختم القران بالقيام رحمه الله . واشهر الائمه كنت اصلي خلفهم بعد توظيفي بالرياض الشيخ / فهد الغراب والشيخ / سعد البريك •- هل فيه فرق بين رمضان على أيامكم ورمضان الحين ؟ كل زمن برمضان يلائم زمانه فرمضان الماضي يختلف عن الحالي بالاول مافيه شي يلهي الصائم غير القران والصلاة والحاضر اشغلتنا التطورات اللكترونيه عن العباده •- وش اللي فقدته في رمضان زمان والحين غير موجود ؟ برمضان الماضي من بعد صلاة التراويح ننام واما هذا الزمن فقدت نوم الليل وابدلته بالنهار والسبب بالليل الكل حولي سهران وبالنهار الكل نائم • - كيف آستعدادكم للعشر الأواخر من رمضان ؟ نستعد له بكثرة العبادات والقيام بالليل للصلاة القيام •- كيف كان يجيكم خبر العيد ؟ وعيدكم منول كيف كنتم تستعدون له وتقضونه ؟. مثل مايجينا خبر دخوله واذكر مره جانا خبر العيد بعد الظهر وكنا صائمين وكنا نستعد للعيد نلبس ملابس العيد ونذهب للصلاة العيد والسلام على الجماعه بالمسجد . •- أول عمره لك في رمضان متى كانت ؟ وكيف كان السفر لمكة لأداء العمرة ؟ لا اذكر اول عمره لي لكن كثيره وكنا نذهب مع فايز الاحمد رحمه الله 1399هـ على سيارته اللوري وهذي صوره من النت للسيارة اللوري وش رايك بالتغيرات اللي صارت ليومي الخميس والجمعه هذي تغيرات مفاجئه وغير متوقعه هل سمعت بمنتديات تمير ؟ وش رايك فيك ؟ اسمع به ولكن لا اعرف عنه شي غير وقت مسابقات الماضي برمضان قصيده تحفظها من آختيآرك اشرق صبح العيد بنوره وافطرنا وكلنا بعد عصومه واحساس الوالي يدومه فرحة عيد من جديد على خلق من عبيد (لا اتذكر باقي القصيده ) صورة آكله يحبهآ الشوربه والتي كانت مفظله عندي برمضان وخاصه بعد المغرب ان كان عنده لغز ويحب يشارك الاعضاء بحله انشدك عن عذراء بناتها عشرين ولايتزوجها الا رجل غشيم ؟ ؟؟؟؟؟

آشكر آخي الموآدع على آعداد هذآ اللقآء مع وآلده وآخرآجه بهذآ الشكل الجميل
جزآه الله خير وحفظ الله له والده واطال بعمره ..
أسأل الله عز وجل أن يتم علينآ رمضان ويعيننا على صيامه وقيامه
ويطيل بأعمار آبآئنا وامهاتنا وشيابنآ ويعطيهم الصحة والعافية ..

اقتباس: بالاول مافيه شي يلهي الصائم غير القران والصلاة والحاضر اشغلتنا التطورات اللكترونيه عن العباده

الله يرحمنا برحمته يازين زمن آول

وبانسبه لحل اللغز آعتقد حله اعواد الكبريت !
ترى من عندي مابعد استعنت بقوقل !

الله يجزاك خير الجزاء على مواضيعك الجميله والمميزه
ونجاح المنتدى بتواجدك وتواجد الاعضاء امثالك
والله يحفظ آبآئنا ويطول بأعمارهم على كل خير
وكان لقاء ممتع مع وآلدي حفظه الله ورعاه وختم له بصالح عمله
وتقبل الله منا ومنه صالح الاعمال وجزاه الله عني وعن اخواني والمسلمين خير الجزاء
لحسن تربيته لنا وتواضعه مع الكبير والصغير وحبه للخير وزرع الثقه بنا
فاللهم امد له بعمره واحفظه وعافه واجعلني يارب له باراً مطيعا .

ياليت الاعضاء يجاوبون على اللغز بتفكيرهم دون الاستعانه بصديق او المفكر قوقل

لقاءممتع ومميز بارك الله فيك ابا الموادع وكل عام وانت بخير..

شكرا لك اختى الراقية شكرا لك اخى الموادع..

حل اللغز ...للاسف ماعرفت..

لقاء جميل وجهد رائع
يعطيك العافيه يالراقيه على حكاوي الرمضانيه الممتعه
وشكر ل ابو محمد وآلد الموآدع وشكر لرئيس قسم الملتقى العام الموادع لهذا اللقاء الجميل

لقااء ممتع ورائع
الله يخليلك والدك ي الموآدع ويطول بعمره
واللغز والله ماعرفه وماودي اغش من القوقل والغش حرام وحنا برمضان هع
وتسسلمين ي الراقيه على رووعة مووضوعك
باآنتظار حكاوي جديدة

لقاء جميل ورائع ومممتع مع ابو الموادع الله يحفظه ويخليه لكم

رمضان زمان !!!رائع وجميل

والحل سنفكر في الاجابة بدوون الاستعانه بقوقل

لقاء ممتع وجميل والله يطول بعمر الوالد ويخليه لكم

شكرا لك يالراقيه وبانتظار حكاوي اخرى ان شاء الله,,

الله يسلمك يالموادع على هذا اللقاء الجميل والله يطول في عمر ابن العم ابومحمد ويمده بالصحة والعافية ويازين سواليف كبارنا نتذكر معهم ايام زمان
الله يوفقنا وياكم وان يبلغنا رمضان ويجعلنا من المقبولين

اقتباس: المشاركة الأصلية كتبت بواسطة الموادع    الله يجزاك خير الجزاء على مواضيعك الجميله والمميزه ونجاح المنتدى بتواجدك وتواجد الاعضاء امثالك والله يحفظ آبآئنا ويطول بأعمارهم على كل خير وكان لقاء ممتع مع وآلدي حفظه الله ورعاه وختم له بصالح عمله وتقبل الله منا ومنه صالح الاعمال وجزاه الله عني وعن اخواني والمسلمين خير الجزاء لحسن تربيته لنا وتواضعه مع الكبير والصغير وحبه للخير وزرع الثقه بنا فاللهم امد له بعمره واحفظه وعافه واجعلني يارب له باراً مطيعا . ياليت الاعضاء يجاوبون على اللغز بتفكيرهم دون الاستعانه بصديق او المفكر قوقل

الله يسلمك يآرب
والله يحفظ لكم الوالد ويخليه لكم ويطول بعمره
جوابي صح او خطا عشان افكر مره ثآنيه ..