رحلتي الى الياقوته سريلانكا .. التقرير الخامس والاخير .. مدينة بنتوته

السلام عليكم ورحمة الله وبركاته

مبروك عليكم الشهر المبارك وكل عام وانتم بألف خير


التقرير الاخير لرحلاتنا لسريلانكا ..


بعد ما طلعنا من ديرة البرد والامطار مدينه نوريلا .. اتجهنا إلى قرية هابو تالي الهادئه الي مافيها الا حنا اجانب <<<< هههههههه

صوره وداعيه لبحيره نوريليا




اخليكم مع بعض صور طريق قريه هابو تالي .. واسم الفندق اللي سكنا فيه اولومبس









الصراحه هالقطار وموقعه اعجبني بقوووه وهم القريه وعندهم قطارات وواصل بكل سريلانكا كلها << مالت علينا الي نسمع بقطار الجديد ولا شفناااااه





صيده على السريع لمحمد وهو يتأمل الجبال كل شوي يطق له صوره ..






ولا انصح بزياره هذي القريه لبعدها ووعوره طريقها

بعد ما صحينا اتجهنا لم مدينه بنتوته .. يالبا بنتوته الصراحه رووعه بمعنى الكلمه جلسنا 4 ايام في المنتجع اسمه بنتوته كلب بيتش ..كانها يوم واحد ..



اول ماوصلنا بنتوته وقفنا السواق وصورنا



بعد ما وصلنا للمنتجع جلسنا لان لازم ننتظر المركب عشان ياخذنا له .. المنتجع بوسط جزيره من جهه بحر ومن الجهه المقابله نهر

وحنا نتظر ونشوف هذاك الضب من بعيد يوم وصلنا له طلع مو ضبنا الي كنا نفكر فيه مدري وش اسمه <<<<ههههههه كنه ورل




وهذا الكلب مسوي يتحرش



ام هالشايب يصيد سمك موسع صدر وتلاحظون الي خلفه المنتجع



قصرت وانا انتظر قمت اطقطق على هالسنجاب موسع صدري معه



وبعدها وصل القارب وركبنا معه متجهين للمنتجع



هذي صور الفندق





بعد ماحطينا الاغراض اتجهنا للشاطى كنا متحمسين له بس الصراحه طلع خيااالي .. من هنا بحر وامواج ومن الجهه الاخرى نهر هادئ ..







بعد ماشبعنا من السباحه جاء وقت العشاء



وهذا فيصل واخوه يوسف الصراحه الجلسه معهم ماتنمل والله ونعم الشباب اربع ايام معهم راحت ما حسينا بها من والوناااسه



وهذي نظره من داخل الفندق قبل الغروب



بعد ما اصبحنا اتفقنا حنا والشباب برحله على القاربساعتين في النهر واخليكم مع بعض الصور



هذا محمد الساري



من على اليمين محمد الساري وبندر البلاجي ونايف الساري وانا



وهذي مدخل الغابات نفس اللي نشوفها في الافلام تمساح يمشي وثعبان متلوي على شجره عاااادي :1b:



فله يلبق القارب جنب بيته





وهذا ضب بحري لقيناه يتزز عندنا



ام هالسحليه وش كبرها مو مثل الاوله







طبعا تلاقي الصيادين موقفين قواربهم بجنب النهر يصيدون سمك





والله الصراحه كلها غابات وكل شوي نتلفت اخاف تمسح يطب علينا







قابلونا ذ الاجانب وقعدنا 5 دقايق لضيق الطريق







وهذا الشاطى قريب من المنتجع





في النهر تحصل جميع الهوايات البحريه تزلج وشي واااجد ما صورناها





ها الاجانب صكتهم الشمس وجالسين تحت الشجره يتبردون



اول مارجعنا للفندق تلقاء هالسناجب بكل مكان اكثر من الجرابيع الي عندنا





والاجواء على البحر متقلبه شوي حر وشوي برد وشوي مطر كلها في يوم واحد







ام الشباب وسعوا صدرهم بالسباحه والتزلج على الامواج






وهذي الصوره الجماعيه للشباب واخر صوره وداعيه جمعتنا معهم في هالرحله





ام هالصور كل ماقمت من الصباح اشوف الاشجار مزينه ومشتغلين فيها كنت ابي اعرف وشلون سبحان الله يوم رحت للغرفه الا هالقرد الي يطامر بالشجره ويزين في الشجره حقتهم وهنا عرفت كيف يصعد بحبل برجليه



وهذا الصوره كل يوم على الفطور لازم كذا تغثك السناجب لين تعطيها



صور ليليه لي ارجاء المنتجع





واخر صور للمنتجع قبل رحيلنا منه صور غروب



وبعد ما اصبحنا توجهنا لفندق هليتون بكولمبو وهذي صوره للغروب من النافذه
واخر صوره لرحلتنا الى سريلانكا




وفي النهايه اتمنى ان يكون التقرير نال على اعجابكم
وراح اجاوب على اسئلتكم اللي ما قدرت ارد عليها وانا في سريلانكا اذا رجعت للسعوديه مع
بعض نتائج التصوير في الرحله
مده الرحله 14 يوم مرينا بالزين والشيين انتظرو التقرير الخاص بنتائج الرحله

تحياتي لكم

اقوووول وزو لي شوي سنبوسه ان شاء الله الليله عندكم

اخوانكم
ناصر العثمان
محمد البرغش

ماشاء الله ترجعون بسلامه ان شاء الله
ابدااع في التصوير ورحله شيقه
تسلمو على التقرير الجميله
وبشر من يوزيلك سنبوسه خخخ
تحياااتي

خنقتني العبرة .. يوم طريتوا الرجعة .. مدري ليه ..

كثر من الصور والذكريات ترى كلها يومين عندنا هنا وتنسوون كل شيء .. يمكن ماتذكر إلا السناجب إذا شفت الجرابيع ..
تقرير وتصوير احترافي يفوق الوصف ..

هالصورة متعوب عليها ..



الله يعطيك العافية يا أبوناجم .. لكن وين صور الفيله .. ما ركبتوها ..

ترجعون بالسلامة إن شاء الله .. والله يتقبل منا ومنكم ..

مميز بإبدآعك وتقاريرك
دخلنا معك جو الرحله بس مادخل معكم طعم العصير الي تشربونه هع
الله يردكم سالمين غانمين وان شاء الله تكونوا باتم صحه وعافيه
ومبارك عليكم شهر رمضان وابشروا بالسنبوسه والفنتوا
موفقين ياحبايبي ودمتم بخير

الله يستر عليكم ويرجعكم سالمين غانمين

وكل عام وأنت بخير
ويسلمك ربي من كل شر
أستمتعت معك في رحلتك في جميع أجزائها الخمسه
حماكم الله من كل شر
بس ودي أعرف وشو سر الأسوارة الصفراء
إللي في يديكم

وصدق وأنتم تمشون تشوفون التماسيح
.......

والحمد لله على السلامة مقدماً.

مشكورين على الصور الرائعه التي هي
بروعة مصورها استمتعنا معكم في رحلتكم
عبر هذاالمنتدى الشامخ
جعل الله يوسع صدوركم
مثل موسعتو صدورنا بهذه المناظر الخلابه
وترجعون ان شاء الله بسلامه ولكم مني اجمل تحيه

كما هي العاده تقرير غاااايه في الرووووعه والجمال

ومناظر طبيعيه تفوق الوصف والخيال

الله يردكم لدياركم سالمين

والشكر كل الشكر على هذه التقارير الرااااائعه والممتعه

والله يعطيكم العافيه

وعليكم السلام ورحمة الله وبركاته
علينا وعليك يتبارك ، وانت بخير وصحة وسلامة
كالمعتاد تقرير اكثر من رائع
كل الشكر على هذه التقارير المتميزه
لا عدمنا حروفك وإطلالتك الرائعه

ماشاء الله عليكم ..
رحله موفقه وتصوير اكثر من رائع ..
استمتعنا معك برحلتكم الجميله التي لا يمل من متابعه صورها
فألف شكر لكم ... والحمد لله على سلامتكم...
تحياتي لكم..