|
|
|
|
|
|
 |
 |
|
|||||
 |
 |
|
|
|
|
||||||||||
|
|
|
| المنتدى الترفيهي وتختص بالدردشة والنكت وقصص الفكاهة وسعة الصدر |
آخر 10 مشاركات
|
 |
|
|
أدوات الموضوع |
03 / 04 / 2007, 49 : 08 PM
|
#1 | |
|
تميراوي فعال
|
..::: يوميات حصيصه و محيميد :::..
..::: حصيصه و محيميد :::.. الأبطال..هم: محيميد // شاب وسيم أسمراني طويل ودب بس مشكلته طعس بقوه ! حصيصة// بنوتة مملوحة نحيفة وطولها متوسط بس مشكلتها تحب المشاكل وثقيلة دم فهد أخو حصيصه أبو حصيصة أم حصيصة عبود أخو حصيصه سويرة أخت حصيصه ونبتدي........بسم الله :.: الجزء الأول :.: في يوم من الأيام محيميد غرق لشوشته بحب حصيصة وحصيصة مادرت عنه الولد قعد يراكض وراها من مكان لمكان وكل ما خطبها واحد راح لأبوها وقعد يسب فيه ويقول يا عمي تراه سربوت تراه فيه ومافيه... !!! الين ما يرفضونه .. طبعا كل هذا وحصيصة ماجابت خبر ومرة من المراريت .. كان محيميد مطيح عند بيت عمه أبو حصيصة بالملحق ولا يطلع منه حتى أبو حصيصة كان بيحط أسمه بدفتر العايلة بس الأحوال رفضوا. المهم طلعت حصيصه تودي القهوة لأبوها بالملحق زي كل مغرب وفجأة إلا تشوف واحد منسدح يتفرج عالتلفزيون البنت تروعت وقفت تناظر بدون ماتتحرك .. محيميد فز واقف وقعد يناظر قامت هي من زود الحيا ورمت الصينية باللي فيها .. عاد هو ما درى إلا و الدلة اللي جته طااااخ حصيصة// فهيداااااااان. رد فهد وهو قاعد يلعب بلي ستيشن//نعم وش تبين إنتي؟؟ حصيصة // يا الحمار ليه ماعلمتني إن فيه واحد بالملحق ؟؟ فهد وهو متحمس// يختي ما ينفع!! حصيصة// وش اللي ما ينفع؟؟ فهد// أنا مختار لاعبين والحين المفروض يصير دوري طلع دور اللاعب الثاني والله ظلم . حصيصة//كل تبن أنا أسألك وأنت مو لمي!! فهد//أقول تعالي شجعيني أصرف لك،يا حبك للمشاكل أحس إنك تقربين لكراش! حصيصة//وش دخل كراش أقول أنطم بس الشرهة مب عليك عاللي يعطيك وجه ويعتبرك رجال أروح أسال عبود أصرف لي .. حصيصة//عبووووووووووود الحين منهو ذا للي مطيح عندنا بالملحق ؟؟ عبود// أقولك أصصصص خليني أنام نعنبو أبليسك بالعة راديو؟؟ حصيصة// طيب اللي بينام ليش حاط سماعة الجوال بأذنه؟؟ ولا يسمع إذاعة القرآن؟؟ عبود//حصيصة لو سمحتي أطلعي لا أقوم الحين أفقع وجهك أخليه كباب فاهمه؟؟ حصيصة//طيب أوريك يا عبيدوه. طلعت حصيصة ضايق صدرها وتفكر بهاللي بالملحق منهو؟؟ شوي إلا وتجي أختها الصغيرة سوير سويرة// حصيصة الحقيييي.. حصيصة// وشو؟؟ سويرة// تو رحت للملحق وكان فيه ولد عمي محيميد،وقال لي سلمي لي على حصيصة وقولي لها، ياااااااااا زين القهوة. بس .. وش يقصد؟! هو دايم يتقهوا عندنا وش معنى اليوم؟ حصيصة//الحين اللي بالملحق محيميد؟؟ سويرة//إيه إيه دايم يغثني يسألني وش أخبار حصيصة ووش تحب ووش تكره حتى مرة سألني.... ولا تدرين خلاص!! حصيصة//وجع وش سألك عنه؟! بسرعة قولي لأمسط ظهرك بالعقال الحين. سويرة//مرة سألني قال لي وين حصيصة؟ وقلت له إنك بالحمام. حصيصة//يا المليعينة قسم بالله ما أخليك يا حيوانة وش ذا الصدق الزايد الحين طول عمرك تطلعين كذبات كبر راس أبوي والحين لازم تصيرين صادزه ؟؟ قسمن بالله خلي أهلي يطلعون من البيت وشوفي وش أسوي بس؟؟ المهم راحت حصيصة لغرفتها وتفتح الإف إم وتلقى أغنية أصالة (أنا أدري أكثر من شهر حاول وحاول ما قدر .. مدري وشو مدري وشو .. قولوا له واصلني خبر )<<< بتعتزل أصالة إذا سمعت أغنيتها بهالشكل المهم قعدت تفكر معقولة محيميد يحبني؟؟ يوء والله إني خاشة جو أحسبني بفلم هندي أخس يالسعوديين والله يطلع منكم ناس رومنسية<<< غاسلة يدها المهم نست الموضوع ومرة من المرات وهي جالسة تغسل الحوش ورافعة القميص والسيقان طالعة يقال لها الحين إغراء على بالها نانسي! جاء الأخ محيميد وطبعا يمون ما يحتاج يدق الجرس معه مفتاح على طول دخل! حصيصة إنهبلت وصرخت يممممممااااااااااااه محيميد عجز يتحرك هو خاق أصلا وهو ما شاف سيقان ويوم شاف السيقان بغى يتشنج عاد تشجعت هنا وقالت .. حصيصة// إطلع أنت ما تستحي!! البيت فيه حريم و أنت داخل طالع على كيفك ؟؟ ودخلت تركض وصكت الباب حق البيت وراها .. ويوم وصلت غرفتها وتفتح الشباك إلا محيميد جالس برا عند الباب ومدنق قاعد يفكر .. هنا البنت الضعيفة رحمته .. قالت في نفسها يا ربي ليش هاوشته يمكنه يحبني وعشان كذا يسوي كذا يووووه والله إني قسيت عليه .. نزلت من غرفتها تنادي أمها // يمااااااه يماااااااه أمها// وما إن شاء الله وش تبين يا ملا العمى اللي يفقع عظامتس<<< كل العيلة أخلاقهم تجارية حصيصة//أبيك بموضوع .. أمها// البامية مجهزتها برا عالطاولة والدجاجة شوفيها الحين عالنار بس أنتبهي لها ما بقى عليك إلا كان أخوانك يبون سلطة سويها لهم هاه تبين شي ثاني؟؟ حصيصة// لا ما أظن بس هذا اللي أبيه! جت حصيصة للشغالة وقالت لها نور// الحين ليش أنتي في زواج؟ الشغالة// عشان لازم في يجيب عيال! حصيصة//طيب ليش أنتي في زواج من هذا النفر اللي أعرستي عليه <<< عز الله فهمت الشغالة خاصة كلمت (أعرستي) خخخخخخخخ الشغالة//عشان هذا نفر في زواج أنا .. حصيصة//قسمن بالله ما فهمت شي ..<< (لسا ما وصلت للي تبيه) طيب إسمعي لو هذا نفر زوج مال إنتي فيه موت إنتي أيش في يسوي؟؟ الشغالة//أنا في زوج واحد ثاني .. حصيصة//على تبن .. صح نسيت إنك ما تفهمين وجع قسمن بالله ما فيه أحد رومنسي حتى إنتي يا ذا الإندونيسية. طلعت حصيصة من المطبخ وتلقى سويرة بالصالة .. حصيصة//سويرة قلبي حياتي كلها بسألك سؤال.. سويرة// قسمن بالله ما أخذت شي من أغراضك عبود اللي سرق الجل عشان بيروح للإستراحة حقت أخوياه وقال لي لا تعلمين بعد .. حصيصة// عبووووووود يا حمااااااااار يا قليل الأدب <<<<<<<< نست سالفة محيميد المهم عدت الأيام ويوم عن يوم حصيصة حبت محيميد وصارت ما تستغني عن طاريه جا يوم وانخطبت حصيصة .. ترقبوا البقيه في الجزء الثاني من يوميات حصيصه ومحيميد والجزء الثاني ما رح انزله إلا إذا شفت ردودكم تقبلوا تحياتي سعد |
|
|
|
03 / 04 / 2007, 34 : 09 PM
|
#2 | |
|
VIP
|
هههههههههههههههههههههه
تكفى ياسعد عجل علينا بالجزء الثاني عجبتني السالفه فيها مغامرات رومنسيه لا تتاخر فيها علينا هاه تراني اتحراها |
|
|
|
|
03 / 04 / 2007, 48 : 09 PM
|
#3 | |
|
تميراوي فعال
|
حياك أختي سحايب
أقول فرصه ما راح انزل الجزء الثاني لحد ما يوصل سوق الاسهم إلى ( 150 )>>>> أخس يالأستغلال اسعدني مرورك وتعليقك العذب تحياتي سعد |
|
|
|
|
03 / 04 / 2007, 51 : 09 PM
|
#4 | |
|
VIP
|
اووووووووووووووووووووف
قمت الاستغلااااااااااااال والله مو سهلـــ ... لكن عادي نزل الجزء الثاني وبعدها نتفاهم اوكيشن |
|
|
|
|
03 / 04 / 2007, 16 : 10 PM
|
#5 | ||||||||||||||||||||||||
|
تميراوي فعال
|
أفا عليك بس ما توصل إلى ذا الدرجه تراي أمزح الجزء الثاني قريباً ان شاء الله بس خلي نشوف بقية الأعضاء تحياتي لك سعد |
||||||||||||||||||||||||
|
|
|
03 / 04 / 2007, 21 : 10 PM
|
#6 | |
|
VIP
|
 وشدعوه اخوي هم أنا امزح معاااااااااااك اتمنى انك ماتخذ ردودي بجديه |
|
|
|
|
03 / 04 / 2007, 38 : 11 PM
|
#7 | |
|
تميراوي فعال
|
لا حول انتي اللي فهمتي كلامي غلط
أنا عارف ان الدعوه مزح في مزح بعدين ترا حنى في ساحة الترفيه يعني اي كلام ينقال حتى لو كان جد بنقول أنه مزح ما صار إلا كل خير أختي سحايب تحياتي سعد |
|
|
|
|
04 / 04 / 2007, 17 : 12 AM
|
#8 | |
|
تميراوي
|
اههههههههههههههههههههههه حلوه
سعد عجل بالجزء الثاني معجبني الموضوع فيه لسم حصيصه |
|
|
|
|
04 / 04 / 2007, 35 : 02 AM
|
#9 | |
|
اللجنة الإدارية
|
ههههههههههههههههههههههه
قصه روعه تنرحم حصيصه ومحيميد عله كل يوم طاب عليهم ههههههههههههه ننتظر الجزء الثاني بلهفه مشكور اخوي سعد |
|
|
|
04 / 04 / 2007, 25 : 03 AM
|
#10 | |
|
مشرف سابق
|
مشكور اخوي سعد والله قصه رائعة بس شكلها كويتيه اللهجة او من الباطن خخخخخخخخخ
|
|
|
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
 |
 |
 |
