|
|
|
|
|
|
 |
 |
|
|||||
 |
 |
|
|
|
|
||||||||||
|
|
|
| المنتدى الترفيهي وتختص بالدردشة والنكت وقصص الفكاهة وسعة الصدر |
آخر 10 مشاركات
|
 |
|
|
أدوات الموضوع |
05 / 04 / 2007, 46 : 11 AM
|
#11 | |
|
تميراوي فعال
|
أخي الكايد أخي ابو اثير أخي الجنوبي حياكم الله ومشكورين على المرور العذب وأبشروا بالجزء الثاني تقبل تحياتي سعد |
|
|
|
05 / 04 / 2007, 52 : 11 AM
|
#12 | |
|
تميراوي فعال
|
:.: الجزء الثاني :.:
:.: الجزء الثاني :.: السلام عليكم كيف حالكم وش أخباركم أن شاء الله تمام تفضلوا الجزء الثاني من يوميات حصيصه ومحيميد بسم الله عدت الأيام ويوم عن يوم حصيصة حبت محيميد وصارت ما تستغني عن طاريه جا يوم وانخطبت حصيصة .. أمها // حصيصة يا بعد أمك أنتي ترا اللي خطبك رجالن تكانه وعنده فلوس وأمه ميتة يعني ما فيه مشاكل!<<< صارت أخلاق الحين حصيصة//يمه مو أهم شيء الفلوس!! أمها//يوووووووه جانا شغل الأفلام و المسلسلات أهم شيء الحب والأخلاق هذا وأنا أمك إسمه فقر،يعني اللي وجهه وجه فقر يقول أهم شيء الحب والأخلاق، أقول وخري بس الشرهة مو عليك،أنتي وجهك وجه فقر وكرف لا تقولين لي أحتري عيال عمي من زينهم عاد أكبر مطفرين بهالدنيا حصيصة//يمه خلاص هذا أنا ماأبيه وما أنتم غاصبيني عليه وأنا كيفي وترا قسمن بالله لو تغصبوني عليه راس مالها لا أشرب كاس كلوركس ولا أسيد أحسن لي .. وطلعت حصيصة لغرفتها تصيييييييح .. وتقول أكيد أبوي بيرفض عشان محيميد وأصلا محيميد أكيد مب ساكت .. عبود يناديها بصوت عالي //حصووووووووص .. الحصييييييي تعالي أبيك.. حصيصة طمرت إلا وهي بغرفة عبود يمكن عنده سالفة عن محيميد،قال عبود أحلى يا حركتات الحين حصيصة بتزوج؟! لا ما أصدق أنا أحس إنك أنتي المفروض تروحين تخطبينه مب هو خخخخخ حصيصة//الحين مناديني عشان كذا؟؟ عبود//لا حصيصة وهي مبسوطة// وش أجل؟! عبود//قومي سوي لي شاهي مصدع. حصيصة//كل تبن والله ما أسوي لك أحسب عندك سالفة! طلعت حصيصة متضايقة وهي طالعة الدرج نادتها سويرة.. وقالت //حصيصة دريتي عن ولد عمي محيميد ؟؟ حصيصة// لا وش فيه ؟ سويرة// يقولون إنه منوم بالمستشفى! حصيصة// ليش؟؟ وش فييييييييييييييييه وش صاير له؟؟ سويرة//مدري بس يمكن أكل شاورما منتهية ؟؟ حصيصة//( طععععع صكت سويرة على دمجتها ) وقالت:أقول أنطمي بس مسوية ذكية وخري عني بس. سويرة // لا لا والله بصراحة أنا أدري وش السالفة وبأقولك بس بشرط! حصيصة//بشرط؟! إيه طيب تعالي. سويرة//وش تبين وش بتسوين لحظة .. لحظة حصوصة لا حصيصة آآآه .. حصيصة وشو؟؟ أأأأأأأأأأأأأأأأأأأأأأأآآآآآآآآآآآآآآآآآآآآآآآآآآآ ي خلاص قسمن بالله بأتكلم ما أبي شيء خلاص >>>> مسويه فلم رعب قطعت أذان سويرة حصيصة//إيه هذا الكلام السنع ما تجون أنتم إلا بالعين الحمرا يلاااا أخلصي وش السالفة؟ سويرة// أنا كنت جالسة أمس بالمجلس عند الرجال وسمعتهم يقولون إن محيميد تهاوش مع واحد وفلقه ومحيميد الحين بالتوقيف والثاني بالمستشفى .. حصيصة//وانتي تو تقولين إن محيميد بالمستشفى ؟؟ سويرة//ايه أنا يوم كنت أكلمك قبل شوي كان بالمستشفى بس الحين ودوه للتوقيف! حصيصة// ما شاء الله وانتي الحين مرسلة إذنك هناك تجيب الأخبار أول بأول أقول وخري لا أمحط وجهك الحين أخليه تقل طماطة منفقعة من الحر.. مرت الأيام وانحاش طبعا العريس الجديد .. وجا يوم المنى لمحيميد يوم الخطبه .. محيميد كاشخ وجالس عند أبو حصيصة .. مستحي .. حصيصة تناظر مع شباك غرفتها فوق تطل عليهم وتقول يا رب أبوي يوافق يا ربي تكفى خل أبوي يوافق.. في مجلس الرجال .. محيميد وهو مستحي // شف يا عمي أنا بأجيبها لك من الآخر أنا رجالن ما ألف وأدور أنا أبي حصيصة بنتك .. تبي تزوجني إياها الله إنه مير يسلمك وإن كانك بتعيي قسمن بالله لأخطفها وما تشوفونها ولا لأفجر بيتكم عليكم وعليها <<< أخس يالأسلوب بعد ذا الأسلوب توقعون بيوافق أبو حصيصه على محيميد ؟ أن وافق الابو هل بتوافق الام على ذا الدلخ؟ وأن وافقوا هل بتوافق حصيصه؟ ترقبوني في الجزء الثالث من يوميات حصيصه ومحيميد |
|
|
|
|
05 / 04 / 2007, 20 : 03 PM
|
#13 | |
|
تميراوي فعال
|
القصه التي كتب الصعقه ماكول نصفها قصة حصيصه ومحيميد موجوده كامله هنا فقط
الصعقه خل عنك اللقافه أو انقل القصه كامله بدل ما تأكل نصفها سوالي فزعه <<< شكلك جوعان يوم كتبتها تحياتي لك من تابع القصه أخوكم سعد |
|
|
|
|
05 / 04 / 2007, 14 : 10 PM
|
#14 | |
|
تميراوي فعال
|
:.: الجزء الثالث :.: أبو حصيصة//والله شف أنا بأشاور البنت وأمها وأرد لك خبر إن شاء الله وحنا ما حنا لاقين أحسن منك وخبرك عاد المتعوس ماله إلا خايب الرجا <<< يعرف يذب محيميد من كثر ما هو مدنق من الحيا غط شماغه بالفنجال حق القهوة. عبود//أقول محيميد سمعت إنهم يمدحون القهوة على الشماغ المكوي يقولون أزين من النشاء! محيميد// يوه ما انتبهت .. أبو حصيصة//عبود قم صب لنسيبك فنجال. عبود//أخس يا النسيب أمس يتتن ويعسل بالقهوة مع الشباب ويلعب بلوت واليوم صار نسيب محترم!! يا نسيب الفلس والله خلني أسكت بس خلوا الطابق مستور. محيميد//لعنة يا الخايس قسمن بالله لو تقول لعمي شي لأوريك،على الأقل أنا أوسع صدري بس بحدود مب أربع وعشرين ساعة مطيح بالبحرين والمغرب بغوا يحطونك سفير هناك!! عبود// هاها ضحكتاااني أجل سفير !! طيب منهو اللي أول مرة سافر فيها للبنان رقم المضيفة اللي بالطيارة يحسبه وصل للبنان وهو توه بطيارة الخطوط الجوية السعودية <<< من زين الوجه أول مرة يركب طيارة بعد.. محيميد//عبود ترا عمي بيسمعك قسمن بالله لأصكك بالدلة الحين بعدين أنا عطيتها الرقم عشان لو احتجنا شي نناديها تجيبه ماقصدت شي! عبود//طيب ومنهو اللي أول ما ركب دش ديجيتال راح حط عليه شبوك تقل شبوك غنم من الفرحة خايف لاأحد يسرقه .. يا شين القراوى بس ما ودك إنهم يتطورون! محيميد//عبييييدوه الدش كنت حاطه عشان قناة المجد! عبود // إييييييييييييه قناة المجد أجل كل يوم تسمع نشيد يا مكة .. طيب ورا قناة المجد خربت صارت تجيب حريم يرقصون ولا تقول لي بعد فيه أحد مهكر عالقناة <<< أنواع التضيييييع محيميد// عبود شف تراني ساكت لكن والله لو وصلت معي لا أقول لأبوك إن السماعة اللي بإذنك هذي سماعة بلوتوث مب الضعيف لاعب عليه قايل له إنها تقوي السمع تلقاه بكرة رايح شاري درزن وموزعها على شياب الحارة <<< بيدشرون على آخر أعمارهم وترا ما نسيت العام يوم إنك تسافر لفرنسا وتقول لأبوك بأروح الشرقية والضعيف كل يوم فاتح فعاليات الصيف يحتري يشوفك بأحد هالمنتزهات على نياته يا ويلي عنه بس .. لو داري قايل له يروح دزني يشوف البلاوي اللي مهببها هناك الله لا يفضحنا أجل مسوين لكم عرض وش حلاته وأنت طايح قززززززززززز بالرايحة والجاية حتى بغيت ترقم سواق التاكسي اللي وداكم هناك نعنبو ابليسك مافرقت بين رجالهم وحريمهم هععععععععع عبود// إيه طيب مقهور لأنك ما قدرت تروح فرنسا إنت حدك شقرا وضرما والمذنب خل عنك فرنسا إنت لو تروح هناك إن يحسبونك من المحاربين المغبرين اللي عام 1900 ناسينك عقب فلم <<<<<<<< أخس يالتفكير وين ديجي م ستار عنك بس خخخخخخخخخخخخخخخ محيميد// هع مسوي نكوتي !! يوووه كرشي بتنفقع من الضحك.. أجل إنت ناسينك عقب طاش ما طاش ولا عقب عيلة خمس نجوم هعععععع عبود// لا عقب فلونة ولا كابتن ماجد هعين محيميد// لا عقب ماوكلي ثلاث هعات ابو حصيصة//أنتم وش بلاكم يلااا أخلص إنت وياه أشربوا قهوتكم نبي نتوكل عندنا شغل! محيميد وهو ماد فنجاله على عبود // صب لي فنجال.. عبود// ترا ما صارت إنت ووجهك وجه العنز نعنبو ابليسك عشر فناجيل قهوة ما شبعت مركب ببراطمك عوازل إنت ؟؟ على الأقل حس بالحرارة مب تشفط تقل تشرب عصير هبوووو ياوجهه الملتوي .. أبو حصيصة راح يكلم حصيصة وأمها .. وافقوا وجا يوم النظرة الشرعية.. وش بيصير في ذا اليوم ؟ فيه حركات ومواقف حلوه تابعونا ترقبوا الجزء الرابع من يوميات حصيصه ومحيميد تحية مني سعد |
|
|
|
|
05 / 04 / 2007, 16 : 10 PM
|
#15 | |
|
تميراوي فعال
|
:.: الجزء الرابع :.: محيميد جالس بالمجلس ويناظر للباب يبي يشوف كل شي ما يبي يفوته شي منها حصيصة واقفة ورا الباب ترجف تقول لامها يمه مستحية وش أسوي وش أقول؟؟!! أم حصيصة//كلي تبن ما تكلمين ولا تقولين شي ولاتعطينه وجه حطي قدامه العصير مب تمدينه عليه حطيه على الطاولة واطلعي على طول مب تخلينه يتمقل فيك فاهمه؟؟ ما أبيه يشوف تقويمك نعنبو ذالخشة لك ثلاث سنين حاطته ما تعدلت سنونك كل واحد بجهه تقل متفجرة فيهن قنبلة نووية الظاهر بأقول للدكتور المرة الجاية يحط بالتقويم مغناطيس عشان يتلاصقن! حصيصة//طيب وإذا قال لي إقعدي بأسولف ؟؟ أم حصيصة// مب قايل هو من يشوف خشتك مب قايل إنثبري أخاف هو يقرط بثوبه وينحاش<<<أنوااااااع التحطيم المهم حصيصة مترددة يا ربي تدخل ؟؟ لا تعدل شعرها شوي وتجر الخصلة على جبهتها عشان تصير جبهتها صغيرة .. وتلتفت يمه راح الروج ؟ أم حصيصة// ما راح إنتي ووجهك تقل فاركة براطمك بزفلت إخلصي بس أدخلي .. حصيصة//طيب طيب بأدخل بس لحظة .. هنا أمها دفتها دفة مب صاحية يقال لها بتكسر حاجز الخوف والحيا .. البنت طاااااااااع على وجهها قدام محيميد والعصير أنكب على ملابسها .. وعلى الأرض .. محيميد أنصدم قاعد ساعة يناظر من بيطلع له من ورا الباب إلا وفجأة وحدة منسدحة قدام الباب على خشتها .. حصيصة قامت ركض ودخلت جوا وأنواع الصياح .. حصيصة// يمااااااااااه كله منك يا ويلي والله فشيلة..خلاص أصلا أنا وجهي مب وجه عرس خلاص تلقونه الحين قاعد يضحك علي واااااااااااااااااااااااع أم حصيصة//ما عليك بنقوله هذي الشغالة والله ما يدري <<< يقال لها رفعت معنوياتها !! حصيصة // طيب بأروح أبدل ملابسي وأجي .. المهم جت مرة ثانية ودخلت عليه وحطت العصير على الطاولة وودها تناظر بس مستحية هو طبعا ما عاقت معه قاعد يقززززززززززززززز .. ويوم جت تطلع قال لها// لحظة حصوصتي حبيبتي وقفت هي شوي ولا التفتت .. قال لها// ماتبين تشوفيني؟؟ قالت هي// لا <<< سامعة وصية أمها قال //طيب أنا بأغمض وانتي ناظري يلااا بسرعة .. <<<مسوي إنه كوووول التفتت هي مبسوطة إلا هو يناظر قال لها //هههههههههههههههههههههههههه أخيرا شفت عيونك.. عاد حصيصة خبركم دفشة ومزحها ثقيل يقال لها بتسوي إنها مستحية قامت أخذت المزهرية اللي على الطاولة وطاااااااااخ بجبهة محيميد عاد هو قال خلني أفلها بس ويمسك كاس العصير وبووووووم في بطنها <<<<<< أخس ما صارت نظرة شرعية صارت هوشة شرعية!! المهم .... مرت الأيام واستعدوا للزواج وكل الأيام والأوقات وهم ينتظرون ليلة العمر .. محيميد خمس وعشرين ساعة يفكر فيها وحصيصة بالسوق تجهز ما خلت شي ما شرته ومرت الأيام وتوالت السنين <<< يبي يحمسكم وجا يوم المنى .. ليلة الزفاف .. عاد ليلة الزفاف صارت فيها مغامرات وأشياااااااء حلللللللوة .. المهم بس حبيت أحمسكم لأن مغامرات ليلة الزفاف بيكون فيها مواقف غريبة وتضحكككك لكنها بتكون بالجزء الخامس من يوميات محيميد وحصيصة . انتظروني تحية مني سعد |
|
|
|
|
05 / 04 / 2007, 17 : 10 PM
|
#16 | |
|
تميراوي فعال
|
:.: الجزء الخامس :.: وجا يوم المنى .. ليلة الزفاف .. كولولولولوللييييييييييش .. الف الصلااااااااااااااااة والسلااااااااااام عليك يااااا حبيب الله محمد كولولولولولولولولوليييييييييييييييييييش .. إنتهت زفة محيميد وحصيصة .. عند مدخل الفندق .. حصيصة نازلة من السيارة وتمشي مستحية والفستان طالع من تحت العباية .. وراسها منتفخ من فوق من التسريحة .. محيميد ناسف بشته على يده ومشخص وماسكها مع يدها ويمشون بيدخلون الفندق .. المدخل كله قزاز .. هع .. حصيصة مدنقة والأخ محيميد من قوي التشخيصة مغطي على عيونه المرزام حقه هع .. ما انتبهوا للباب وطععععععععععععععععع بالقزاز .. هي وياه .. حصيصة تفرك خشمها آآآآآآآآآآآآآآآي .. محيميد العقال بجهة والغترة بجهة .. محيميد// مقلب حلو خخخخخ تراني متعمد أبيك تضحكين << مسوي نكوتي حصيصة ما ردت عليه ودها تسطره بس مستحية.. المهم دخلوا .. فيه شباب جالسين تتحت يسولفون .. يوم شافوا المعاريس قعدوا يصفرون ياهوووووه مبروك يالاخو عقبالنا بس .. محيميد أنوااااااع نظرات الحقد وده يمسطهم بعقاله ويقول لا تناظرون مرتي يا ملا فقع العيون، واحد من الشباب شكله رزة ولد نعمة .. جا يمشي .. سلام يا لاخو الف مبروك ..محيميد//هلا الله يبارك فيك .. الولد كشخة مرة ومسوي يتميلح .. محيميد أنواااااع الغيرة .. قال محيميد// معليش لو سمحت ترانا عرسان أخرتنا وخر بس<<<ما عنده وقت الولد// أبد والله بغيت أسلم عليك وأبارك لك.. الولد عيونه على حصيصة بايعها ماعليه من أحد!! محيميد//أقول لو سمحت إنت حول ولا عيونك تتحرك لا إراديا ؟؟ الولد//ليش وش فيك ياخي ريلاكس شكلك متوتر <<يصرف محيميد// المهم مشكور يا الله وخر لو سمحت.. الولد//طيب بأوخر بس حبيت أنبهك إن ثوبك مقلوب هععع هععع حصيصة//خخخخخخخخخخخخخخخخخخ بصوت واطي.. محيميد// تستهبل إنت ووجهك ؟ الولد//يلااا سلام وإذا احتجت شي ترانا بالغرفة اللي هنا وإذا تبي رقمي أكتب عندك 055555 محيميد//خلاص لا تكمل ياخي ما نبي شي خلاص تفهم إنت ولا ما تفهم!!! المهم دخلوا الغرفة حصيصة بتموت من الحيا راحت وجلست على الكنب اللي جنب السرير وما نزلت عبايتها .. محيميد// وش فيك ترا ما فيه أحد غريب بس أنا نزلي عبايك يا بعدي يا بعد أخوك عبود أنتي.. حصيصة ما ردت عليه.. محيميد//الظاهر تبيني أنا اللي أنزل العباية شوفيني وش حلاتي أول ما دخلت الغرفة جدعت البشت والغترة والعقال والطاقية بأوريك خشتي عالطبيعة وبأوريك شعري مب عبود لاعب عليك النذل يقول إني فيني بداية صلع هه ناظري.. حصيصة لازالت مدنقة ما تناظر محيميد//طيب طيب .. قرب منها وشال العباية بسرعة .. حصيصة //آآآآآآآآآآآآآآآي وجع لويت يدي بغا يطق كوعي.. محيميد//ههههههههههههههههههه يا زينك وانتي معصبة يا الله باقي الغطا شيليه وجع شكلك يروع تقل عنز بيذبحونها مغطية راسها وجسمها طالع خخخخخخخخ <<<< حتى نطله كنه وجهه حصيصة ساكتة.. محيميد//أنتي ما ينفع معك إلا القوة بس هه شال الغطا بنفس الطريقة بس بدفاشته خخخخخخخخخخخخخخخخخ شال الطرحة معه والتسريحة أنحااااااست كلها صار شعرها شووووشة محيميد// يااااااااااااااااااااااااااوك يا ويييلي ويلااااااه وش ذا حصيصة متزوج تكرونية أنا؟؟ الحين أنتي وش مستشورة شعرك فيه متأكدة إنه باستشوار مب بـ(منفاخ) ؟؟ ولا بمحرك نفاث هع ؟؟ خخخخخخخخخخخ<<<يقال له بيضحكها حصيصة من القهر قعدت تصيح محيميد// حصيصة وش فيك يا بعدي؟؟ حصيصة قلبي أمانة زعلتي ترا قسمن بالله أمزح أنتي بعيوني قمر وبعدين أهم شي الأخلاق مب الشكل أنا شايفك من يوم وانتي صغيرة أيام القرنين والشرايط وأيام الشلحة الصفرا <<<ما يعرف يتغزل حصوصة قلبي والله إني أحبك حب ما قد حبه أحد والله إنك بعيوني أزين من زينب العسكري <<< ياقدمه الناس تطورت الحين طاحو بروبي ونانسي هعععع حصيصة ما ردت عليه للحين مستحية ومقهورة وتصيح والمكياج صار... محيميد أخذ غترته وقال// يلااا بلا دلع بس أرفعي راسك بامسح دموعك هه هذاني أمسحها بغترتي عشان تدرين إني أحبك ما جبت مناديل قلت أمسح دموعها بغترتي وأخليها للذكرى.. حصيصة لازالت مدنقة .. وساكتة .. محيمد// حصيصة تكفين يا عيوني أنتي كم لي سنة أنتظر هالليلة وتخربينها خلينا ننبسط ونسولف تكفين ردي علي قولي لي كل تبن عادي.. حصيصة// كل تبن <<< حاقدة محيميد ( رافع حاجبه ويناظر بحقد بغا يصفقها ) محيميد بينه وبين نفسه (ما ياكل التبن إلا وجهك يا وجه العنز الملتوي) محيميد لحصيصة// يا زين التبن منك أحلى تبن بالعالم آكل تبن وأشرب وراه ديزل وبنزين وأسيد وفيفادول لو تبين بس إنتي أضحكي وريني سنونك الزينة.. ((( جا على الجرح هعععع ))) يلاااااااا ترا طفشت وأنا أكلم نفسي .. محيميد// أممممممم طيب ما جعتي؟؟؟ حصيصة سااااااااااكتة .. محيميد// والله شكلي باطلب مطبق يا أنا من زمان عنه وش رايك تبين مطبق؟ حصيصة// لا أبي همبرقر ودي أذوقها ما عمري أكلتها <<<الحين عرفت تكلم خخخخخخخخخخخخخخخخخخ محيميد// لا وش همبرقر يختي مضرة هذي مب زينة خل أجيب لك مشكل فلافل مع كاتشب.. حصيصة سكتت مقهورة ودها تقول مابي إلا همبرقر بس ما بغت تزودها.. محيميد// شوفي جوالي وش رايك فيه توني شاريه جديد بثلاث آلاف ريال فيه كاميرا وفيه تلفزيون وفيه دش تخيلي ؟؟ <<< بعض الناس ماودكم إنه يبالغ حصيصة//يعني تقدر تشوف فيه صور حريم؟ <<<تفكير حريم محيميد// لا لا الحريم مشفرة الصور يطلع عليها أسود ما يطلع إلا صور الرجاجيل بس قهر لو إنه يرسل كان أرسلت لك الحين وسائط بس مفصول <<<يبي يعلمها إنه فعل الوسائط حصيصة// جوالك استقبال؟ محيميد// إيه بس أنا اللي فصلته عشان وأنا معك محد يشغلني عنك <<<<<< ما يعرف يصرف محيميد// يلااا عاد سولفي ترا طفشت وأنا أسولف وانتي ساكتة حصيصة// آآآتشوووووووو <<<عطست حصيصة// الحمد لله محيميد// ليش عطستي؟ حصيصة// لا طرشت <<< الأخلاق صفر محيميد// خخخخخخخخ تنكتين إنتي ووجهك أنا أحسب صاير التماس بالكهرب ومنفجر شي يوم سمعت العطسة!! امحيميد// يلااا ترا قسمن لو ما تسولفين لاأقوم أرقد الحين وأخليك.. حصيصة// طس أرقد ميتة عليك أنا ؟ <<<< سامعة وصايا أمها جا العشا .. محيميد // بسم الله حصيصة ما تحركت من مكانها محيميد// حصيصة تعالي كلي منتي جوعانة؟ حصيصة// لا محيميد// طيب ورا بطنك ما غير يصرصر تقل مشغلين وسطه العاب نارية!! هعععع حصيصة ساكتة ودها تجي تاكل ومستحية.. محيميد// كيفك أنا باكل وانتي كيفك .. محيميد ياكل وياكل وحصيصة من بعيد تناظر وتقول بينها وبين نفسها جعله يغص.. محيميد// كح كح كح أحم أحم كحححح موية موية وطمر أخذ الكاس وقعد يشرب موية ويناظر حصيصة أنواع نظرات الحقد .. توقعون وش بيصير لمحيميد هل بيموت ؟ وأن سلم هل بيرجع حصيصه لبيت أهلها ؟ <<<< هذا أوله ينعاف تاليه ترقبوني في الجزء السادس من يوميات حصيصه ومحيميد تحية مني سعد |
|
|
|
|
05 / 04 / 2007, 20 : 10 PM
|
#17 | |
|
تميراوي فعال
|
:.: الجزء السادس :.: محيميد ياكل وياكل وحصيصة من بعيد تناظر وتقول بينها وبين نفسها جعله يغص.. محيميد// كح كح كح أحم أحم كحححح موية موية وطمر أخذ الكاس وقعد يشرب موية ويناظر حصيصة أنواع نظرات الحقد .. محيميد// حصيصة إذا نفسك بالأكل تعالي تكفين والله ما عندي إستعداد أقضي الليلة كلها بالحمام ولو إن عينك حارة ما أستبعد يصير لي حادث بكرة عشان نفسك بالأكل اللي أنا آكله <<< ماسكة معه مبالغات مدري وش تبي خلص محيميد عشا وراح غسل .. قال //حصيصة إنتي مو متضايقة من فستانك الحين؟؟ ياخي لو إني لابسة لتجيني حكة من الأشياء والخرز والتركيبات اللي فيه لاقعد أحك ظهري بشوكة من الوجع هععععع <<<يقال له بيقنعها حصيصة//لا أنا كذا مرتاحة.. محيميد//بس أنا كذا مو مرتاح.. حصيصة//ياخي وش دخلك إنت اللي لابس الفستان ولا أنا ؟ محيميد//طيب طيب لا تدفين هذا جزاي خايف عليك وجع لا تقولين ناوية تنامين فيه بعد؟؟ حصيصة//إيه عندك مانع!!! محيميد//إيه.. حصيصة//وشووووووووووو خيييييييير محيميد//لا ما قصدي شي خلاص بالطقاق أنا بروح أنام يلاا تصبحين على خير.. راح محيميد وطفا النور.. حصيصة//محيميييييييييييييد وتبن لا تطفي النور! محيميد//كيفي أنا ما أحب أنام بالنور مب عاجبك أطلعي.. حصيصة// طيب باطلع بس شغل النور أول! محيميد//والله فيني النوم متعيجز أقوم روحي إنتي شغليه.. حصيصة// فستاني علللللة صعب أقوم منه.. محيميد//قايل لك أفصخيه والبسي لك بجامة ولا قميص ولا أي شي مريح!! حصيصة//طيب وين بابدل ملابسي إن شاء الله بالحمام!! محيميد//يعني أفهمها واطلع .. بس حامض على بوزك منب طالع تبين تبدلين هنا بدلي أنا ماني مناظر.. حصيصة//تدري إنت ما ينفع معك شي باروح أبدل برا بالغرفة الثانية أصرف لي.. طلعت حصيصة للغرفة الثانية .. عشان تبدل ملابسها لكن صارت مشكلة ..!! الفستان عيا يطلع ضيييييييق حصيصة//محيمييييييييييييييييييييد محيميد طمر إلا هو عند الباب //وش فيك؟؟ حصيصة// فستاني ضيق مقدر أنزله!! محيميد//طيب إفتحي لي أساعدك! حصيصة//خييييييييير إنت تبيها من الله ضف وجهك بس! محيميد//أجل ليش مناديتني؟؟ حصيصة//مدري محيميد وش أسوي تكفى؟؟ السحاب مو راضي ينفتح!! محيميد //طيب تدرين ما فيه حل إلا تشقينه! حصيصة//خير إنت وخشتك؟؟ وش أشقه ؟؟ غالي هذا ترا، تجي تقول لي شقيه! محيميد//أجل وش أسوي فيك؟؟ أروح أنام أصرف لي!! حصيصة//لا لالاللللااااااااااااا تعال بافتح بس أمانة لا تناظر بس إفتح لي السحاب وضف وجهك! <<<طرار ويتشرط خخخخخخخخخخ محيميد// أبشري <<<بيتقطع من الونااااسة دخل محيميد وفك لها السحاب طبعا بعد ما جاه طراق على خشته يوم حاول بس يناظر <<< مب هينة البنت المهم راح محيميد يرقد وحصيصة فيها نوم بس ما تدري وين تنام .. محيميد يشخرررر خخخخخ ششششش خخخخخخ ششششش zzzzzzzzzzzzzzzzz <<<وصف بزران شوي إلا جوال محيميد يرررن .. تناظر حصيصة للرقم ؟؟ رقم مميز بس مو مسجل غريبة منهو؟؟ ترد حصيصة ذبحها الفضول// الووو المتصل بنت صوتها حلو مرررررة وتدلع تقول//هذا جوال محيميد؟ حصيصة ولعت حصيصة//مين معي؟ البنت// قولي له ريما وهو يعرفني.. حصيصة// خيييييير إنتي ما تدرين إن اليوم عرسه ؟؟ وبعدين وش تبين فيه ؟؟ البنت// شوفي صراحتن هذا حبيبي قبلك وعرفته وحبيته قبلك وانتي أصلا نصابة لا اليوم عرسه ولا شي مسوية بتقهريني؟؟؟ أقول ناديه بس صرفتي علي.. حصيصة جتها الصيحة .. بدون شعور راحت ركض لمحيميد وطااااااع صكت الجوال بجبهته محيميد// آآآآآآح وش تبين إنتي ؟؟ حصيصة// رد على حبيبة القلب هذا هي داقة والساعة ثنتين بالليل بعد !! محيميد// حبيبة القلب !!! محيميد//الو من المتصل ومن هي حبيبة محيميد؟ وش بتسوي حصيصه بعد ما اكتشفت حقيقة محيميد ؟ ترقبوني في الجزء السابع من يوميات محيميد وحصيصه تحية مني سعد |
|
|
|
|
05 / 04 / 2007, 21 : 10 PM
|
#18 | |
|
تميراوي فعال
|
:.: الجزء السابع :.: حصيصة// رد على حبيبة القلب هذا هي داقة والساعة ثنتين بالليل بعد !! محيميد// حبيبة القلب !!! محيميد//الو البنت//خخخخخخخخخخخخخخخخخخخخ محيميد حلو المقلب ؟؟ أنا سلومي خويك هعععععععععع أعرف أقلد أصوات بنات وش رايك فيني ؟؟ والله المرة صدقت الضعيفة محيميد//يالكلب يالملعون وش تبي؟؟ حتى بليلة عرسي ؟؟ مزحك زي خشتك الحين وش بيقنعها إنك ولد يا الحمار؟؟ سلومي//هع ياخي أصلا ما توقعتك ترد خخخخخخ أجل معرس بليلة عرسه ندق عليه الساعة ثنتين ترد مرته وهو نايم خخخخخخخخخخخخخخخخخخخخخخخخخخخخخخخخخخخ محيميد طلع دخان من راسه.. قفل السماعة بوجه سلومي وركض على حصيصة محيميد//حصيصة حبيبتي افتحي لي ((مقفلة عليها الحمام)) حصيصة//يا الحقير يا اللعاب يا واطي ما توقعتك كذا خلاص بكرا طلقني ودني لاهلي أقسم بالله ما أعيش معك لحظة وحدة.. محيميد//طيب خل نتفاهم !! حصيصة// طيب نتفاهم؟؟ أنا أعرف كيف أتفاهم معك.. فتحت حصيصة الباب ومعها المكنسة وطااااااااااااااااااخ بدمجة محيميد محيميد// آآآآآآآآآآآآآآآآآآآآآآآآخ وجع وقسمن بالله لاوريك،ويقعد يلاحقها من مكان لمكان وآخر شي حجر لها بزاوية <<<حشا صرصور المهم أخذ الريموت حق التلفزيون وطااععععع بوووووم جدعه عليها هي وخرت بسرعة وين جا الريموت ؟؟ بالشباك هععععععع الشباك تششششزززسزسشششززسسشززش تكسر محيميد وحصيصة صارت أشكالهم كذا قالوا // يا ويلنا وش نسويي؟؟؟؟؟ الخلق اللي بالفندق كلهم تجمعوا يطقون الباب .. محيميد //حصيصة وش أسوي؟؟ حصيصة//إفتح عادي قل لهم أي شي.. محيميد// بس حنا عرسان وكاسرين الشباك يا خوفي يفهمون شي ثاني مادروا إنا نتهاوش.. حصيصة//أقول أنطم وافتح بسرعة.. محيميد//منب فاتح والله ما أفتح أص أص خل نطنش ما كأن فيه أحد أصصصصصصص <<<< ذكي أبو الشباب سكتوا شوي وراحو اللي عند الباب محميد//وش نسوي طيب بالدريشة المكسورة؟ حصيصة// خل نلزقها <<< هعععع مسطرة حشا مب دريشة محيميد//أقول على تبن وش نلزقها ؟؟ شوفي خل نسكر الستارة عشان ماتبين أوكيه؟ حصيصة //خلاص أوكي محيميد//طيب برب حصيصة// وشو؟ محيميد//لا لا غلطت بس باروح الحمام عن إذنك حصيصة//أوكي تيت محيميد// <<< يقول في نفسه طلعت فاهمة راح محيميد للحمام .. حصيصة بصوت عالي// محيمييييييد محيمييييييييييد محيميد// ناااعااااااااااااااااام <<< تراها نعم بس بصوت عالي حيصيصة// شغل المروحة حقت التهوية.. محيميد//ليييييش؟ <<<له وجه يسأل طلع محيميد من الحمام .. محيميد//حصيصة باقولك شي حصيصة// وشو؟ محيميد// يختي فيك النوم؟ حصيصة// لا محيميد//وش رايك نلعب؟ حصيصة// وش نلعب؟ محيميد//أي شي! حصيصة// خل نلعب حبشة! محميد// الحمدلله والشكر حبشة ؟؟ حصيصة// أجل وش نلعب ؟؟ كاراتيه؟ <<<دفشة البنت ما عندها شي نعوم محيميد//أنا ودي نلعب غميمة وش رايك؟ حصيصة// اوككككككككي محيميد أول شي تخبى بالدولاب حصيصة تدور وتدور وتدور .. يا ربي وين راح؟؟ حصيصة//محيمييييييد وينك ؟؟ حصيصة تناظر تحت التلفزيون .. تحت الكنب .. تحت المخدة هعععع صار فار مب إنسان خخخخخخخخ المهم بالأخير لقته هععععع قامت قفلت باب الدولاب .. حصيصة// هيييييييييييه لقيتك محيميد يرجف الباب أفتحي أفتحي أنكتمت!! حصيصة//خخخخخخخخخخخخخ وناسة منب فاتحة! محيميد يرجف الدولاب عاد الدولاب فاضي من كثر الترجيف بووووووووم طاح على وجهه كل الدولاب حصيصة// يوومااااااااااااااااااااااااه محيميد// يالكلبة قسمن بالله ما أخليك لاردها .. ويقعد يلاحقها .. حصيصة لقطت عبايتها وركض فتحت الباب و انحاشت.. محيميد يلاحقها لابس قميص النوم وحصيصة ما خذت غطا بس حاطة العباية على راسها وماسكتها من قدام بس مطلعة عيونها ورجلينها من تحت طالعة تقل مساويك وركضضضضضض وركض بالاسياب والممرات <<< القراوى ماودكم يروحون لفندق طلع الشاب اللي أمس لقاهم أول مادخلو وسلم عليهم .. ونادى محيميد// لو سمحت يالاخووووو ! محيميد//نعم وش تبي؟ الولد// ياخي إنت وجهك وجه عرس؟ محيميد// خيييير إنت !! أقول كل تبن قاعد العب أنا ومرتي غميمة!! الولد//غميمة !!! إيييييه صدقتك !! عموما ياخي إستح على وجهك ترى هذا مب وضع !! فاهم محيميد// الحين إنت وش دخلك ..؟؟ مقهور؟؟ الولد//هع مقهور؟؟ الحمدلله والشكر بس أقول إذا بغيت شي ترا حنا حاضرين.. محيميد//قسمن بالله لو ما تسكت بالجوال الحين فاهم ؟؟ المهم رجع محيمد للغرفة هو وحصيصة شوي إلا جوالها يدق .. حصيصة ناظرت الرقم ووجههاا تلون محيميد//ردي حصيصة//لا مابي أرد.. محيميد//ليش؟ من اللي يدق؟ حصيصة// مدري محيميد//طيب هاتي أرد أنا.. حصيصة//لا ماله داعي.. محيميد لعب إبليس بمخه !!!!! محيميد//أقول هاتي الجوال بسرعة.. حصيصة//لا وش تبي ؟؟ خل يولي رقم غريب ما أعرفه! محيميد أخذ الجوال بالقوة ورد وهو ساكت .. المتصل// حصيصة هاه سويتي اللي قلت لك؟ شوفي وانا أمك ما عليك منه لا تعطينه وجه ولا حتى تكلمينه خلك ثقيلة.. محيميد// اهااا طيب يمه أم حصيصة// ــ طوط طوط طوط ... قفلت الخط محيميد//حصيصة تقولك أمك لاتعطيني وجه .. يعني وش قصدها ؟؟ تحقريني؟؟ هذي آخرتها لها الدرجة أنتم ما تبوني شاكية لها مني إنتي؟؟ <<< مسوي فلم هندي يبيها ترحمه حصيصة// لا والله محيميد أمي ما قصدها محيميد// عموما خلاص ما تبيني أوكي أنا بكرا باوديك بيت أهلك والله يستر علي وعليك وباطلقك .. حصيصة// لا محيميد لاتقولها لا محيميد تكفى طالبتك لا.. محيميد// تصبحين على خير وراح نام.. وش توقعون بيصير في اليوم الثاني هل بيطلق حصيصه ؟ ترقبوني في الجزء الثامن ( والأخير ) من يوميات حصيصه ومحيميد تحية مني سعد |
|
|
|
|
05 / 04 / 2007, 23 : 10 PM
|
#19 | |
|
تميراوي فعال
|
:.: الجزء الثامن ( والأخير ) :.: طلع الصبح .. صحت حصيصة وجت تصحي محيميد للصلاة .. حصيصة// محيميد .. محيميد قم الصلاة تأخرت!! محيميد ما يرد ولا يتحرك حصيصة// محيميد وش فيك ..؟؟ جابت موية وكبتها على وجهه ولا نفع !!!!!! حصيصة// محيميد رد علي .. محيميد رد .. أخذت يده إلا ما فيه نبض .. تحط يدها عند خشمه الرجال ما يتنفس !!!!!!!!!!!!!!!!!!!!!!!!! حصيصة//محيميد لااااااا لا .. لااااااااااا يومااااااااااااااااااااااه الحقووووووووووووووني جووا أهلها وجابو الإسعاف وتجمعوا الخلق .. ناظرهم الدكتور وقال .. البقى براسكم الرجال مات .. حصيصة انهارت .. حصيصة//لااااااااااا إلا محيميد لا لا تقولون إنتم نصابين لا محيميد يحبني لا محيميد لا تخليني وربي أحبببببببك.. أمها تهديها// حصيصة و انا أمك خلاص الرجال راح واللي جابه يجيب غيره <<< كلن على همه حصيصة تبكي وتصارخ ومحيميد أخذوه وغطوا وجهه وانتهت الليلة اللي كان ينتظرها بفارغ الصبر.. مات وهو ما انبسط بحياته مع البنت اللي حلم من وهو صغير فيها وتمناها .. في هاللحظة .. أم حصيصة// حصيصةحصيصة قومي يلااااا قومي وجع من البارح وانتي نايمة ؟؟ حصيصة//هاه ؟؟ يمه وين محيميد ؟؟ مات؟ أمها//وش اللي مات الرجال باللتوقيف لها الحين ما طلع عشان هوشته مع خطيبك الجديد هاه وش قلتي موافقة على الخطبة ولا لا؟؟؟؟ حصيصة// آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآآآآآآآ غير محيمد ما ابي والله ما ابي ((محيميد أحبك )) هذا كله كان حلم حصيصة بالوقت اللي طلعت فيه لغرفتها تفكر إذا كان أبوها بيوافق عالعريس الجديد ولا لا !! لما انخطبت قبل يخطبها محيميد النهـــــــــــــــــــــــــــاية THE END أتمنى إن القصه أعجبتكم نهاية حلوه صح للأمانة جميع الحقوق محفوظة © لأختكم / مرجوجة كاتبة القصة في الختام تقبلوا تحيه مني أخوكم سعد |
|
|
|
|
05 / 04 / 2007, 33 : 10 PM
|
#20 | |
|
تميراوي فعال
|
أتمنى أن القصه تنال على إعجابكم وتوسع صدوركم  الصراحه انا نزلت القصه كامله علشان ما يتعب الصعقه ويروح يدورها في المنتديات عشان ينقلها لكم وياكل نصفها تحية مني سعد |
|
|
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
 |
 |
 |
