يآقلبي يكفي ..!

عشقي لـ الهلآل ..~
سبب في أزديآد نبضآت قلبي ..

خلً أحبه مآقدرت لوصآله
وشخصً أبي فرقآهـ ودآيم القآهـ

آحيه يآمآضي الحب الأليم
قلبي من الحب كثرة جروحه
والحين ياقلبي بعد ماتنآسيت الألم
ترجع تزيد القلب بـ مليون عله

ماشاء الله تبارك
مدونه رائعه رائعه الله يحرم أبوك وجدتك ويجعلهم في أعلى مراتب الجنه اامين ياحي ياقيوم
متابعه لك والله يجمعنا بكم في مقعد صدق عند مليك مقتدر
ودمتى بود

اللهم آمييين والله يسعدك ويرفع قدرك يابعدي

مدؤؤؤ نْْ ـــــــــــهْ فْــي ق ـــــم ــــْه الــْرٍؤؤؤ ن ــــــقْ والـــج ــــــم ـــــأ ْل

منْ المــتــــأأْْ ب ع ــــــعين لكْْ

والله يجمعك بوأألدكْْ وخأْْلك وجدتك فيْْ الـــف ـــــر دؤؤؤسِّ الأْ ْ ع ــــلىْ ((اللهم أمممين))

اقتباس: المشاركة الأصلية كتبت بواسطة لا تـعـتـذر مـسـمـوح..~~    مدؤؤؤ نْْ ـــــــــــهْ فْــي ق ـــــم ــــْه الــْرٍؤؤؤ ن ــــــقْ والـــج ــــــم ـــــأ ْل منْ المــتــــأأْْ ب ع ــــــعين لكْْ والله يجمعك بوأألدكْْ وخأْْلك وجدتك فيْْ الـــف ـــــر دؤؤؤسِّ الأْ ْ ع ــــلىْ ((اللهم أمممين))

اللهم أمييييين ياحياتي وياك يااارب

ممآ جآل بـ خآطري ..~



يطول الهم في صدري
وصدري ممآجرى مآيتوب
يمشي هـ القلب على النيه
والخلايق له يطعنون


القلب الطيب
في هـ الزمن
مثل الفريسه
لـصآر منهم الغلط
رموآ عليه سهآم الغدر
ثم عنه ابعدوآ ولآسألوآ

يابوي قلي وش حيلتي والموت يأخذك عنآ

أنسآن حبيته ومآ عمري حبيت غيره مثل حبي له

انسان كنت اصحى من نومي الفجر على صوته وعلى تصويته وقولته قوموآ يالله صلوآ الفجر وروحوآ للمدرسه

وبعد رجعتي من المدرسه وعقب تغييري للمريول والتعزيل للشنطه وبعد مآأسمع هجينيته وصوت المفتآح استقبله ببوسه على راسه وبوسه لخشمه ولو علي بوست رجوله ,,

لآن رآسي فدآ لـ رجوله بعدحيي ..

وعقب الغذاء والمزح والسوالف يروح يقيل واقيل معه ونصحى على اذان العصر
وبعد الصلاة
يجي وقت السوالف ,,
نجلس ومعنآ بريق شاهي وبيالآت وغضاره
صوره للغضاره للي مايعرفونهآ



وبهـآ الغضاره كآن يبرد لي الشاهي ويصبه لي ببياله ويقول هاه يابوي عسى مهوب حاار ,,
اضحك واقول لآ الله يعافيك زين

وعقب هالجلسه كنت اروح العب .. وايام اروح للتحفيظ ..
بس لعبي اكثر من حفظي..

يطلع حبيبي بعد العصر للمزرعه ولـ ورشته الي كان يحوس فيهآ بـ الحديد والحراثات لآنه فلآح يآمال الجنه ..

يرجع العشى على الساعه 9
وهو يهيجن ومثل كل يوم نستقبله بـ بوسه على راسه وخشمه ..

ونجلس نتابع معه الاخبار ونتعشى معه ونشرب الشاهي معه ,,
ومن تطق الساعه 10 يقول يالله يابوي
روحوآ لـ فرشكم ورآكم مدارس ,,

ونـروح للفرش

ويصير لنآ من بكره نفس اليوم الي قبله ,,




وبعد فتره أكتشف ان براسه نفره

حآسهآ ولعب فيهآ لآنه قلبت راسه بالعوار

وانفجرت النفره وطلع منهآ صديد ,, وعقب المراجعات

اكتشف انهآ مو اي نفره ,,

اكتشف انه سرطآن بـ الرأس ..

وصار يراجع بـ مستشفى التخصصي بـ الرياض ..

وعقب بـ فتره صرت ارجع من المدرسه
ادخل عليه بـ مجلسه وابوس راسه ويديه وخشمه ,,
فقدت الهجيني ,, فقدت السوالف ,, فقدت جلستي معه ..
لآن اغلب وقته كان مراجعات بالرياض وحنآ بـ جلآجل ..


وعلى الحال

ليمآ جآء يوم من الايام

سمعنآ صوت طيحه قويه بـ مجلسه

فـــز كل الي بالبيت

يوم رحنآ ليتنآ مارحنآ
صار طايح ويقول شغلوا الأنوار
ليش طفيتوهآ

انعمى الغالي ليت العمى جاني ولآ جآك ,,
ومن بكره الصبح
جيت بسلم عليه لقيته يحرك يدينه عند عيونه مآصدق الي صاااار

شفته وجلست اصيييح ..

بعد العمى صرنآ نوديه للحمآم بعربيه وانتم بـ كرامه

وكآآآن ضاااايق على حآله ,, بس مآكآن يشتكي

وعلى هـ الحآل

لين جآء يوم الاربعاء
يوم الاربعاء الي كان رافع اصبعه فيه ويتشهد
وصار يلبس حفآظه لآنه مآعاد يتحرك من السرير نقلبه بس حتى ما يموت جلده ,,
والخميس نفس الحال ..

الجمعه ,,

جيت له الصبح الساعه 9 تقريباً بـ سلم عليه
طردني اخوي قآل روحي ..
حسيت ان فيه شيء وجلست ضايق صدري لين نمت
نمت الى الساعه 10 وشوي ,,

وانا جالسه افطر مع اخواتي
اتصلت اختي رنه على اخوي وقالت له
وش صآر

قال ابوي يطلبكم الحل ,,

هـــــــــــنــــــــــــآ كآنت الصدمه

توفى ابوي فقدنآ اغلى مآملكنآ
ياليت الموت اخذني قبلك يابوي ..

مر على وفاته حوآلي 6 سنوآت

لــكن للحين نبكي على فراقه

بـــ الله مآينفقد مثل هـ الآنسآن !!