رُكْن النهاية

ليس ذنبي أن آلعقوٍل صغيرٍة أمآم فهمي

وٍليس ذنبهم / أن " فهمي صعب "!

لا تجرحينـي قـدّري و عذرينـي
،،،،،،،،،،،،،،،،،،،،،،،،،،،،، وش تنفع الكلمة الى قلت مشتـاق

ضاع الأمل وش عاد أنا في يديني
،،،،،،،،،،،،،،،،،،،،،،،،،،، الصيف ماقدّر ضماء خضر الأوراق

ماهو تهرب قلتها شـوف عينـي
،،،،،،،،،،،،،،،،،،،،،،،،،،،،،، شمس المحبة مالها نيـة أشـراق

مكتوب أواجه ما كتب في جبينـي
،،،،،،،،،،،،،،،،،،،،،،،،،،،،، و عزاي كل الخلق في حكم خـلاق

و دنيـاك هـذي كلهـا دمعتينـي
،،،،،،،،،،،،،،،،،،،،،،،،،،، دمعة لقاء .. و الثانيه دمعة أفراق
!

لاتفهميني غلط في كل ماقلته
،،،،،،،،،،،،،،،،،،،،،،، قلبي صعيب انك تطولينه

حتى ولو دور راع الحب مثلّته
،،،،،،،،،،،،،،،،،، مجرد اعجاب كل اللي تشوفينه

أعجاب بعجاب قدرته وبادلته
،،،،،،،،،،،،،، واللي اقصده شيء غير اللي تقولينه

يمكن بك اشباه من شخصً تخيلته
،،،،،،،،،،،،،،،،،، شخصً تعذرين قلبي لو تشوفينه

اللي من اجله عنى وقتي تحملته
،،،،،،،،،،،،،،،،،،،،، له منزل وسط قلبي ماتنولينه

انا صريح ولامخلوق جاملته
،،،،،،،،،،،،،،،،،،، واللي يقول الصراحه لاتلومينه

لولا الغيـاب ومخـافـة بـعدك وقـربك..
،،،،،،،،،،،،،،،،،،،،،،،،،،،،،،،،،ماكان للـحب قيـمه تـرفـع السـاعي .


والى ضـمنت الحبيب وشـخص يعجبـّــك ..
،،،،،،،،،،،،،،،،،،،،،،،،،،،،،،،،،،اعلن مراسيم موت الحب ياناعـي ..


اسأل مـجرب عـن اسقامك وعن طبـّـك ..
،،،،،،،،،،،،،،،،،،،،،،،،،،،،،،،،،،لاتـاخـذك بالحياة افكار الاقــطاعــي ..


ترى الـزمـن مثل مايعطيـك.. يـغدر بـك..
،،،،،،،،،،،،،،،،،،،،،،،،،،،،،،،،مافيـه جـرح يحتـمل ضغط الاصبـاعي ..

هبت على شاطئ الحرمان نفحة حنان
،،،،،،،،،،،،،،،،،،،،،،،،،،،،،،، ياليتها رايعت .. لين افهم أسرارها

وقفت محتار كني داخل في رهان
،،،،،،،،،،،،،،،،،،،،،،،،،،،،،،،،، مجبور في سلعة ما بانت أسعارها

مدري توريت .. والا عشت لحظة امان
،،،،،،،،،،،،،،،،،،،،،،،،،،،،،، والا ان نفس الظروف تكرر ادوارها

وقت المحاذير ولىّ .. يالله المستعان
،،،،،،،،،،،،،،،،،،،،،،،،،،،،،،،،،،،،،، من يمنع الدار لاهلت بزوارها ؟

جتني على ما اتمنى من هدايا الزمان
،،،،،،،،،،،،،،،،،،،،،،،،،،،،،،،،، مثل الندى في جبين الورد مسيارها

عطشان واقف على جال الرهاف الثمان
،،،،،،،،،،،،،،،،،،،،،،،،،،،،،،،، متى الصحاري درت عن حزّة أمطارها ؟!

مذكور بالخير ياحلم تصوّر وكان
،،،،،،،،،،،،،،،،،،،،،،،،،،،،،،،،،، ينعش بساتين روحي ريحة اخبارها

من وين ابشكي .. وأنا الشكوى لمثلي هوان
،،،،،،،،،،،،،،،،،،،،،،،،،،،،،،،،،،،،،،، مالي جدى كود ذكراها وتذكارها

زينة محيا .. رفيعة ذوق .. حلوة لسان
،،،،،،،،،،،،،،،،،،،،،،،،،،،،،،،،،،،،،عذروبها ياعذابي .. بعد مشوارها

لولا الحياء أطلقت للشوق الدفين العنان
،،،،،،،،،،،،،،،،،،،،،،،،،،،،،،،،،،،، مير البلا حدني .. عن غارها نارها

سرى الليل يا من ضيّع الليل بالتمثيل
،،،،،،،،،،،،،،،،،،،،،،،،،،،،،،،،،،،،، بقلبك كلامٍ ما تبيهم يعرفونه

وأنا فاطنٍ لمبعثر الكحل والمنديل
،،،،،،،،،،،،،،،،،،،،،،،،،،،،،،،، وخدٍ تورّد بالخجل واختلف لونه

على الهون ياللي من خلاك بخلاك تشيل
،،،،،،،،،،،،،،،،،،،،،،،،،،،،،،،،، على عاشق تقرا خفاياه بعيونه

بغيتك تعيش الدور .. واتعبني التفصيل
،،،،،،،،،،،،،،،،،،،،،،،،،،، خسر عاقلٍ راهن على احلام مجنونه

كسيتك ترَف .. واستغربت عينك التدليل
،،،،،،،،،،،،،،،،،،،،،،،،،،، مواري غرور وحسن ظني هفا دونه

وغصون الخصوصيات يومي بها التدويل
،،،،،،،،،،،،،،،،،،،،،،،،،، أخاف الورق تسري به الريح وتخونه

يشهد علي القلم .. ماعاد عندي جديد
،،،،،،،،،،،،،، ياكود ذكرى قديمه .. باهت لونها

إنتي ، وجور الزمان ، وحظه العاثر
،،،،،،،،،،،،،،،،،،،،،،،، والاّ المشاريه والاّ ضامي سنينه

والاّ رجوعه من دروب الهوى خاسر
،،،،،،،،،،،،،،،،،،،،،،،، دليل ياسه صفير الريح بيدينه

إمسح الدمعه اللي فوق خدك وقلّي
،،،،،،،،،،،،،،،،،،،،،،،،،،،،،،،،،، ذي رسايل عزا؟ والاّ دموع اعتذار؟

أحسب إن الجفا اللي فات كلّه تغلّي
،،،،،،،،،،،،،،،،،،،،،،،،،،،،،،،،،،،،،طول غيبتك وأيامي رجا وأنتظار

أنت .. ما كنت أصدّق يوم ترضى بذلّي
،،،،،،،،،،،،،،،،،،،،،،،،،،،،،،،،،،، وأنت دايم تقول إن الوفا لك شعار

خل باب الميانه والمجامل يولّي
،،،،،،،،،،،،،،،،،،،،،،،،،،،،،،،،،،،السراب اكتشفته .. والمفارق قرار

مافعلته كرامة نفس .. ما هو تَخلّي
،،،،،،،،،،،،،،،،،،،،،،،،،،،،،،،،،، غلطة العمر ما خلت بوجهي خيار

ريحة الجرح فاحت رفْض .. وأنت امتسلّي
،،،،،،،،،،،،،،،،،،،،،،،،،،،،،،،،،،،، ياعديم الوفا فرقاك "رد اعتبار"

خل باب الميانه والمجامل يولّي
،،،،،،،،،،،،،،،،،،،،،،،،،،،،،،،،،،،السراب اكتشفته .. والمفارق قرار


مافعلته كرامة نفس .. ما هو تَخلّي
،،،،،،،،،،،،،،،،،،،،،،،،،،،،،،،،،، غلطة العمر ما خلت بوجهي خيار