متاهات وقهر وأحزان ؟

أحبـك حـب لـو تعـرف كــم أحـبـك بــلا حسـبـان=كرهـت اللـي يحبونـك وجيـت الـحـب مــن شـأنـي
تـخـيـل لاتـذكـرتـك ذكـــرت الـبـحـر والـطـوفـان=ولامـن غبـت عـن شـوفـي لقيـتـك داخــل أعيـانـي
أحـس الكـون مـن بعـدك متاهـات وقهـر وأحــزان=أنــا بـعـدك كــذا عـايـش مابـيـن الـهـم وأحـزانـي
دخيلـك كيـف ماتـذكـر حنـيـن الـشـوق والـوجـدان=دخيـلـك والـزمـن غـلـطـة ثمـنـهـا ويـــن ودانـــي
دخيـلـك لصـفـا جــوك تـذكّـر لــك بقـايـا أنـسـان=لعلـك تـذكـر أجنـانـي لـيـا مــن صــرت وحـدانـي
الا وشلـون ماتذكـر حـروف مـن الـولـه وأشـجـان=عزف لك صادق أحساسي وفيـض الشـوق غنانـي
نزفـت الشعـر لعيونـك وصغتـه بأجـمـل الالـحـان=يعـانـق نـشـوة ألهـامـك ويهـيـم بطـرفـك الـحـانـي
أنـا اللـي سلـمـك قلـبـه مابـيـن الـشـوق والتحـنـان=وأنـا اللـي ماتـوقـع يــوم حبـيـب الــروح يجفـانـي
عرفتـك مرهـفٍ حسّـاس عطـوفٍ تكـرة الحـرمـان=أجـل مـاهـي بمعقـولـه تصـيـر أسـبـاب حرمـانـي
وأذا ماجابـنـي هـاجــس ولا ذكـــرى ولا تـحـنـان=يـا أن الـوقـت متغّـيـر ؟ يــا أنــك واحــدن ثـانـي
تــرى مـاصّـدق الـواقـع اذا طيـفـك عـلّـيـه بـــان=كّـذب نظـرة عيـونـي ولا أسـمـع قـاصـي ودانــي
تذكـرتـك .. تذكـرنـي .. تـذكـر وقتـنـا الـلـي كــان=تذكر كيـف أغنـي لـك وحضـورك يربـك أوزانـي
تبادلـنـي هــلا عيـنـي هـلابـك يـاقــرب الـخــلان=وكــل ماغـبـت عــن عينـيـك تــدوّر لـيـن تلقـانـي
أقـدم لـك قصيـدة حـب عــروس ولابـسـه فسـتـان=ذهبهـا بعـض مـن روحـي فدتـك حــروف قيفـانـي
مـن أول لاكتبـت أسمـك أحــس بنـشـوة الكسـبـان=ولاكـنــه غـــدا هالـحـيـن يـذكـرّنـي بـخـسـرانـي
خسرت أرضاك بجنوني وأنا المخطي وأنا الغلطان=حـشــى لله ماتـخـطـي ولالـــك ذنــــب بـجـنـانـي
ورجعـت أرتـب أوراقـي وضـاع الرقـم والعنـوان=وعسـاة اليـا قـراء شعـري ذكـر رقمـي وعنـوانـي

للشاعر / منصور الرويلي

تذكـرتـك .. تذكـرنـي .. تـذكـر وقتـنـا الـلـي كـــان
تذكـر كيـف أغنـي لـك وحضـورك يربـك أوزانــي

قصيده رائعه ولا اروع منها من نقلها تسلم يمنك ويمين كاتبها

الف شكر الأخ تميراوي الرياض على مرورك

الدبلوماسي