هام لمكتب التعليم بتمير او من يهمه الامر

الحقيقه كان الموضوع على بالي من فتره بس اليوم الصبح قررت اكتب الموضوع
بخصوص الباصات المدرسيه التي تنقل بناتنا . من شي شفته بعيني
اليوم الاثنين 10 /5 /1433هـ كنت رايح لحي العزيزية مثل العاده اودي بنتي للمدرسه
والله فكنا من حادث بسبب باص ما قدر الامانه الي يحملها معه داخل من شارع صغير قرب مسجد
مقابل لمدرسة حطين من الشرق ولكن ربك ستر ولطف هل هذا اهمال او تهاون او عدم مبالاه عدى سرعه البعض منهم داخل تمير وقطع الاشاره . وقبل فتره وانا جاي من حوطة سدير الباص الي يقل الطالبات لكلية حوطة سدير ومن الحجم الكبير ولونه ابيض يسير بسرعه جنونيه .
مدري الى مته هالشي لازم يصير حادث عشان يضبط السواقه
هذي رساله من محب والله مالي فيها صالح لكن اعتبر كل بنت في تمير اخت وابنه لي
واعذروني على الاسلوب في الكتابه ولكن شي شفته ولن انتظر فاجعه حتى اكتب
اللهم هل بلغت اللهم فاشهد

كلمك صحيح لاكن هل من مجيب؟؟؟؟؟؟؟؟؟
مشكور اخوي على هاذا الطرح الهام

والله موضوعك في محله
بس المفروض من ادارة الباصات تضع رقم حول الباص للي يشكو من سواقته
علشان يركد ويعرف ان فيه ناس بيشكون عليه اذا اسرع او بزوط
والبنات الي في الباص يسون شكوى عليه من سواقته المتهوره

في حوار الخالدية يلاقني بالملف ومخالف بشكل مفزع

نتمنى الهدوء حفاظا على سلامة المواطنين والبنات

النادر
شكراً على حرصك وخوفك على من في الباص من أبناء بلدك
بس ياليت الباص اللي مخالف وشد إنتبآهك أو إنتبآه غيرك
كل ماعليك أن تأخذ رقم لوحة الباص وترفع شكوى او تتصل على مكتب التعليم
وإخبآرهم بمايحصل من تهورهم اثناء قيآدتهم وإن شاء الله أنك هكذى أبريت ذمتك
والله انها مصيبه تجد الباص ملي بالطالبات صغار وكبار ويتهور بالانفس اللي معه دون مبالاة
والله يهديهم ويصلحهم

لعل الموضوع ..

يخص من يهمه الأمر ..

وهي الشركة المشغلة شركة حافل .. والتي أخذت إقرار على قائدي الباصات بهذا الخصوص ..

شكراً لاهتمامك ..

حمانا الله وإياكم ..

حقيقه جزاك الله خير يا النادر مشاكل بعض الباصات كثرت ودائما نقول الله يهديهم وكل واحد له عيوب لاكن في الاخير اشوف واسمع بزياده المشاكل عن الحد المعقول منها السرعه وقطع الاشارات وباب الباص دائما مفتوح وعكس الطريق والسائق يحسب مامعه احد او يحسب انه شايل غ-----------

والله صدقت اخوي النادر
المشكله باص ومليان كله بناات!!
ويمشون على عماها ولا بعد مسرعين
ويقطعون اشاره وش معجلهم مدري؟؟
الله يفكنا من شرهم
مشكور اخوي النادر تقبل مروري..~

اشكر كل من تداخل بالموضوع
وانا اجزم بان هناك علاقه بين مكتب التعليم بتمير
وبين الجهه المسؤاله عن الباصات كيف يتم نقل الطالبات
وكيف يكون هناك تنسيق مع المدارس الا عن طريق المكتب
اتمنى التفاعل مع الموضوع والا يكون موضوع عابر
نحن نهتم بالحادثه وما بعدها اما قبل فكل شى تمام
وهذا حاصل لدينا بكثرة

الله يجزاك خير واجد مثل هالاشكال لكن وش تسوي الظاهر انهم يتسابقون من يخلص الاول الله يستر وتقبلوووووووا مرووري