( حكاوي رمضانية ) ذكريات الزمن الجميل مع [ أم عبد العزيز ]

السلآم عليكم ورحمة الله وبركآته كل عآم والجميع بخير نعود اليكم مجددآ عبر موضوع حكآوي رمضانيه لنستمتع بحكآوي أبائنا وأجدادنا ولآ يحلو الحديث آلآمعهم لأجدادنا وأبائنا الكثير من الحكايات والمواقف في رمضان فسوالفهم لها طعمها الخاص . والجلوس معهم يذكرك بماضي جميل قلوب بيضاء . ونفس طيبة . وضحكـة لاتفارق المحيا فهم الخير والبركة .. أحببنا هنا في حكاوي رمضانيه أن نلتقي بمجموعة من كبآر السن من آبآء وآمهآت نحاورهم ونتذكر معهم رمضان مابين الماضي والحاضر وحكاويهم معه .. ومعنآ اليوم أم عبد العزيز أبحرنا معها بماضي جميل وذكريات لاتنسى تحن للماضي رغم حلاوة الحاضر البطاقه الشخصيه أم عبدالعزيز ،،ربه منزل. كيف كنتم تستقبلون إعلان دخول شهر رمضان المبارك . وش كانت مشاعركم بالحاره إذا وصلكم الخبر ؟ كنا نستمع له في الرادو،،بفرحه وسرور وكنا نردد ادعيه اللهم اهله علينا بالعفو والعافية والنجات من النارًًًً كم كان عمرك أول مره صمت وكم يوم صمت في أول رمضان تصومه ؟ اول ما صمنا يوم ويومان وافطرنا وكنا نتوزا عن أهلنا بالسطح ونشرب مير ندا من الزئر وكنا نروح للمسجد مع اهلنا مع فرحتنا به وشلون تعرفون بدخول شهر رمضان ؟ نعرفه بالراديو هل فيه فرق بين رمضان على أيامكم ورمضان الحين ؟ أي الله فرق واجد منول كان له حس ورس وكان يبطئ مايجينا وونفرح بجيته ومنول السنه تبطئ والحين السنه كنها شهر والشهر كنه أسبوع مع النعم والعوافي، ورمضان الحين معد هو ب مثل منول منول إذا بغي يجئ رمضان نقرص ونحمس قهوه والحين لاهيات فيذا الطبخات الي مامنها فايده كيف كان سحوركم وفطوركم ووش كانت أشهر المأكولات عندكم ، وهل كنتم تجتمعون على الفطور بالحارة أو بالبيت ؟ سحورنا رز وفطورنا بقل مربص مع القهوه والتمر. جريش ومرقوق نجتمع مع اهل الحار بعد الاخير ونسميها تعتم الاكلات المفضلة منول تطلي وشعيريه وين كنت تصلين التراويح ؟ ومنهم أشهر الأئمة اللي كنت تصلي معهم وهل تتذكر أحد من الجماعة ؟ نصلي مع المطوع الحميدي الله يرحمه كنا نصلي بجد واجتهاد ونصلي بالخلوه،، كيف كان يجيكم خبر العيد ؟ وعيدكم منول كيف كنتم تستعدون له وتقضونه ؟. يجينا خبر العيد عن طريق الرادو كنا نتقضي للعيد من حريم اهل ديرتنا يبيعون في بيوتهم أول عمره لك في رمضان متى كانت ؟ وكيف كان السفر لمكة لأداء العمرة ؟ ماقد اعتمرنا برمضان،، وش رايك بالتغيرات اللي صارت ليومي الخميس والجمعه ماش مجازتلنا حسافه الخميس ومنول كنا ندرس الخميس وكان اهلنا يحصدون بالبر ويودينا فهد السعد وعبدالله المزعل ،، هل سمعتى عن منتديات تمير نعم ،،ماعليه اسمع منه كل خير قصيده اعجبتك او من بوحك .. يوم الاحد صدفني جسيم العود،،،لم شيشه تمير الشماليه واختلفت وطفي موتري ياسعود ،،لين ماضيعت ماتملك يديه عين عين حر مضا له جود،،رابي مع شيوخ السعوديه

في نهاية الحكاوي مع أم عبدالعزيز نتمنى لهآ الصحة والعآفية وطولة العمر والعمل الصآلح
وأن يتم عليهآ والجميع شهر رمضان المبآرك بصحة وعآفية ويجعلنآ فيه من المقبولين ومن عتقآئه من النآر .
كل الشكر لمن ساعد وارسل حكاوي أم عبدالعزيز ..

يَ لبيةة حبيت حكيهآ الله يحفظها ويطول بعمرهه
تسلمين حبيبتي راقية

الله يحفظ ام عبدالعزيز و يخليها لعيالها

استمتعنا بسواليفها ؛ و حكاويها و مقارنة رمضان اول برمضان هالوقت ؛ و تسارع الوقت

شكرا اختي الراقيه ؛؛ كما تعودنا منك ؛؛ دائما تقدمين ما يخدم و يمتع و يفيد

تحياتي

الله يعطيها الصحة والعافية أم عبدالعزيز ..

صدقت في قولها الطبخات اللي مالها فايدة .. يالله لك الحمد ..

شكراً أختي الراقية لإجراء هذا اللقاء والشكر لكل من تعاون ..

تقبل الله من الجميع ..

الله يعطيك طولة العمر ياام عبدالعزيز
استمتعتا باللقاء واعجبتني التطلي مدري الان ماعاد يصلحونه
كريمة الطيبين هههه
الله يحفظك ويخلي لك عيالك
دمتم بخير
واشكر الراقيه ع تجدد مواضيعها المميزه

اقتباس: المشاركة الأصلية كتبت بواسطة العنود سليمآن    يَ لبيةة حبيت حكيهآ الله يحفظها ويطول بعمرهه تسلمين حبيبتي راقية

آمين
ويسعدك ربي ع حضورك الوآفي ..

الله يعطيها الصحه والعافيه ويطول بعمره يارب

لقاء رائع وجميل

الله يطول بعمرها والله ماتمل من سوالفها مشكوره يالراقيه

اقتباس: المشاركة الأصلية كتبت بواسطة توأم الجود    الله يحفظ ام عبدالعزيز و يخليها لعيالها استمتعنا بسواليفها ؛ و حكاويها و مقارنة رمضان اول برمضان هالوقت ؛ و تسارع الوقت شكرا اختي الراقيه ؛؛ كما تعودنا منك ؛؛ دائما تقدمين ما يخدم و يمتع و يفيد تحياتي

اللهم آمين ويطول بعمرها ع طاعته ..
والله يخليك اخي توأم الجود شاكره تواجدك وتواصلك لجميع مواضيع وفعاليآت المنتدى
مآقصرت والله يعطيك العآفيه ..