بخصوص الكهرب ي شركة الكهرب

السلام عليكم ...


نخش ب الموضوع على طول ، الكهرب ب العزيزيه طافي من الساعه 5 الين الساعه 8 الصبح ولاالحين م اشتغل ،، طبعآ لازم كل سنه واحنا على هذا الموال ، اول سبوع من رمضان يطفي الكهرب يوميآ بس هل مره الكهرب متقدم ويطفي قبل لايجي رمضان بـ اسبوع ،، بتقولون حر ومايتحمل ! وين حر ومن الساعه 5 الفجر طافي ،، ابفهم شي وين المسؤولين عن هذا الشي ! ليش كل سنه يصير زي كذا ولا مايطفي الا ب العزيزيه اما الخالديه لا وولازم احد يجي ويشتكي هنا ومدري وش ،، ي اخي له أسبوع واكثر و الكهرب شبه يوميا يطفي الى هذي الدرجه ماقدرتو تزينونه ولا لازم كل سنه على هذا الموال هذا واحنا بدوله النفط والمليارات،، اللي مو قد الشغل لايشتغل لحد يجلس على الكرسي ويريح ،، هذي وضيفتك وهذا منصبك مفروض تدور حل لهذي السالفه اللي حومت كبودنا من زمان خربت اجهزتنا خرب كل شي مته ننام ومته نقوم ليش البرووود هذا ،،

اذا كان فيه تقصير متعمد من بعض المسؤلين فحسبي الله ونعم الوكيل حسبي الله ونعم الوكيل حسبي الله ونعم الوكيل حسبي الله ونعم الوكيل حسبي الله ونعم الوكيل

الله يكون بالعون اذا الكهرب بيطفي عندكم ماجاء رمضان
اذا كان الوضع متكرر مالك الا الاعلام وابداء بمراسلة الصحف الالكترونيه سبق وغيرها
وان شاء الله بيكون فيه حل ، تحياتي لك