ابوحمد وصيد هذا الاسبوع والرذاذ وكارثه قطع الطلح

الحمد الله الذي اطعمنا وسقانا من فضله..
غير مسجل يسعدني تواجدك في موضوعي
في يوم من ايام هذا الاسبوع وعلى بداية دخول الدخل توفقنا في صيد اكثر من 200دخله اللهم لك الحمد والشكر ..وهناك مشاهد ازعجتني من قبل الرعاه واهل الاغنام
وزوار هذه المنتزهات هداهم الله سترونها اسفل الموضوع..

وهذا اول صيد لي في بدايه هذا الموسم لن اطيل عليكم اترككم مع الصور..

أول ما نزلنا مع الرادميه وجدنا ام جنيب تهوش ... وتم القضاء عليها..



فجر جديد وشروق جميل ..



هذي اول صيده صدتها هذي السنه ..



وثانيه ....



اصبح لدينا 3دخلاااااات...
منتظرين المزيد..



والان صار العدد يتكاثر بدون ما نحس...



ابو عبدالله يجهز لنا القهوه المعتاده..





احسن ما في الطلعه قهوه الصباح والتميرات اذا صارت توها مخروفه...
تفضلوا الله يحييكم..



كملنا بعد ذالك الصيد>>> وطعطعه ولا اهنااااااش >>>عارفين تو الواحد يبداء في الصيد
والساكتون ما بعد وزنت يبلي قوطي فشق عشان اوزنها
على دمن غنم اعزكم الله



والي ينشب اكثرمن الي نصيد<<<<<وشلون تجي هذي
بس الله يخلي لنا السناره هذي فايدتها عندنا



المهم ما ندري الى الحين كم وصل العدد بس الله يعينا على التنتيف



صار اكثر من الـــ200صيد وفير وطيب والحمد لله...



شيخ الدخل واليوم يتواجد بكثره..
يا زينه وهو يطير بس اذا جاء في الاكل كلن يذبه على الثاني..



هذي العبيده نسميها بهذا الاسم لانها تجي سوداء ومستغرب جيتها هذا الوقت
واكثر ما تجي في وقت الصفاري والقميري..



قمنا بنتفه والحمد لله وانتهت المهمه الصعبه وها نحن نغسله غسل ذمه >>ايه هين..







وتم وضعه على النار >>>تصدقون اني جعت..



المهم وبعد الساعه التاسعه وضعنا الرذاذ يهتف علينا>>> ولا في صلاله
انواع البرادات والحمد لله ما حسينا بالحر ابد.. واقتصادي لاخر درجه..



طبعا هذا (اللي) وتم توصيله من جذع الشجره الى الجذع المقابل..



انواع الرذاذ والبرادات يا سلااااااااااااااااااام..




تم ولله الحمد تجهيز الكبسه ومن يد ما نعدمها..





هنا مناظر اليمه لا يعملها الا ضعاف النفوس هداهم الله..

نجد معظم عمليات الاحتطاب التي تحدث في الشعبان مدمره للبيئه
فالأشجار الضخمة يتم قطعها و سحبها
والقوانين والتعليمات تقضي بحماية الأشجار والعناية بها ومع ذلك يقوم البعض هداهم الله بقطع الأشجار وإعدامها
ففي بعض الشعبان هنا وهناك ترعى الأغنام بين الأشجار وتأكل أغصانها ..
,وفي مواقع أخرى يدخل العابثون ويقطعون الأشجار الخضراء ويدعونها كم من يوم ثم يأخذونها
ويعتدون عليها بحجة جمع الحطب هل تعلم اخي ان عمر هذه الاشجار من عمر اجدادك الاولين
وفكم استغرقت من الوقت حتى كبرت سنين كثيره تأتي بيوم وليله وتنهيها ..
نرجو الحد من هذه الظاهرة التي تدل على قلة الوعي أو ضعف الرقابة
أتمنى أن يتخذ اللازم لوقف هذه الفوضاء التي تخدش جمال الطبيعة

قد نهى سبحانه وتعالى عن الإفساد في الأرض فقال: وَلاَ تُفْسِدُواْ فِي الأَرْضِ بَعْدَ إِصْلاَحِهَا {الأعراف:56}،
وقال: وَإِذَا تَوَلَّى سَعَى فِي الأَرْضِ لِيُفْسِدَ فِيِهَا وَيُهْلِكَ الْحَرْثَ وَالنَّسْلَ وَاللّهُ لاَ يُحِبُّ الفَسَادَ {البقرة:205}،







ارجوا ان تكونوا استمتعتم بهذا الصور
ولا تنسونا من تعليقاتكم حول قطع اشجار الطلح وتدميره..
تحياتي لكم..

افا يا ابو حمد ما علمتني كان اروح معك بس وعدنا السنه الجايه

اقتباس: التميري يسعدني تواجدك في موضوعي

حنا أسعد

مشكور أبو حمد على الموضوع والتقرير

ماشاءالله تبارك الرحمن
تقرير جميل ومتعوب عليه الله يعطيك العافيه " يابوحمد "


بالهناء والعافيه عليكم
تقبل ردي واحترامي
وسيم تمير

هذي التقارير والا بلاش.وبعدين صور لها صفة خاصة ببوحمد سبحان الله ،اذا شفت الصور ولو ماكتب عليها شي تعرف انها لصديقي ابوحمد.
اضبط البندق يابوحمد

ماشاء الله ...
وصلت الشيوخ والعبيدات ... أجل تتشوفون الصفاري ...

والله ما أدري وش أقول لك يا أبوحمد ... أنا بين جنتين .... جنة صلالة ... وجنة الصيد ولا أدري وين أروح ... مرة أقول الدخل وشبعنا منه وأزينها لنفسي ...

ومرة أقول صلالة والبرااد والرذاذ أصرف من الشموس والصيد ...
لكن العوض إن شاء الله وقت القميري صيد وبراااد ...


وبالنسبة لمسلسل قطع الأشجار فيحتاج إلى شدة ووقفة خاصة من والي المدينة ...
وحسب اللي أشوف في الصور يتراوى لي أنها من الهواء ... ولا هوب من فعل الأودام إن شاء الله ...

أبو حمد تقاريرك لها طعم خاص يشبه طعم الدخل وجو صلالة ...!!!

اقتباس: المشاركة الأصلية كتبت بواسطة سويد السويدي    افا يا ابو حمد ما علمتني كان اروح معك بس وعدنا السنه الجايه

والله الود ودي اني انك انت والباقين معي وما فات شي يا سويد
الاسبوع هذا ليش السنه الجايه محد ضامن عمره..
تحياتي لك..

اقتباس: التميري يسعدني تواجدك في موضوعي

اقتباس: المشاركة الأصلية كتبت بواسطة التميري    حنا أسعد مشكور أبو حمد على الموضوع والتقرير

هلابك اخوي التميري واتشرف بوجدودك متصفحي
تحياتي لك..

اقتباس: المشاركة الأصلية كتبت بواسطة وسيم تمير    ماشاءالله تبارك الرحمن تقرير جميل ومتعوب عليه الله يعطيك العافيه " يابوحمد " بالهناء والعافيه عليكم تقبل ردي واحترامي وسيم تمير

هلابك اخوي وسيم ومنور الموضوع بوجودك وهذا كله
من اجلكم ومن اجل منتدى تمير
والله يعافيك من كل شر..
تحياتي لك..

اقتباس: المشاركة الأصلية كتبت بواسطة نسيم    هذي التقارير والا بلاش.وبعدين صور لها صفة خاصة ببوحمد سبحان الله ،اذا شفت الصور ولو ماكتب عليها شي تعرف انها لصديقي ابوحمد. اضبط البندق يابوحمد

يا هلا والله بصديقي واشكرك على هذا الاطراء الطيب
والله تمنيت انك معي في ذاك اليوم ..

لكن الايام جايه بأذن الله
وتصدق كل اكثر صيدي مع الجناح الايمن لجهتي
هذي ميزه زينه بس تتعبك بالملاحق..

تحياتي لك..