قالت الوداع .....وجاوبت دمعة العين

قالت الوداع .....وجاوبت دمعة العين




قلت الوداع.... وجاوبـت دمعـة العيـن
تجـرح.... بساتيـن الخـدود... النديـه


واغضت..وشفت بعينهـا الحزن..حزنيـن
وصاحت ..على الفرقا ...انـا مـو قويـه


وجاوبتها....ارجـوك ..تكفيـن.. تكفيـن
والله دمعك....يشعـل النار...فـيّـه


وقالـت ...تعاهدني..عـهـاد المحبـيـن
الله يخـون... اللـي يخـون ...بخويّـه


قلـت ابشري...واللـي خلقـك لاتظنيـن
حرااااام...ماغيرك...عشقـت ..آدمـيـه


وقصّت شعرها...قلت انـا..وش تسويـن
قالـت ابـي ..مـن غرتي....لـك هديـه


ونادتنـي الغربه...علـى الهـم والبيـن
احسّـب الأيـااااام... روحـه... وجيّـه


وفي كـل ليله...ترتسـم بيـن رمشيـن
خيالها...بيـن الـرمـوش... الشقـيـه


غربة سنه...فـي ذمتـي غربـة سنيـن
متى علـى الله.. يلتقـي الحـي... حيـه


خلاص...هانت...مابقـى غيـر يومـيـن
خـلالالالاص ... قفّت..غربـةٍ جرهديـه


ورجعت....شوقي في خفوقي... براكيـن
ورجعـت انـا... كلـي لها....جاذبـيـه


وسألت ما ردّوا...وانا اصيح هي..وين !!!
وكلٍ نثر... مـن داخـل العيـن... مَيّـه


وفـي معمعـة حزني...تلقيـت رمحيـن
قالـوا توفـت ..غافلتـهـا ...المنـيـه


وفـي غرغرتها...ماذكرت...غيرحرفيـن
تشهـدت بسـمـك... شـفـاه البنـيـه


وتزاحمـت فـي داخلي...ألـف سكـيـن
والحزن..يطويـنـي ثمانيـن....طـيّـه


صدمه..وجابتنـي علىالارض..نصفـيـن
وشلـون راحـت دون... ذنـب وخطيـه


تكفون....دلـونـي علىالقبر..هالحـيـن
مـاعـااااد فيـنـي للصبر....مقـدريـه


ووقفـت اطالـع قبرها...بيـن نصبـيـن
وجلست..اضـم اغلـى النصايـب عليّـه


واصيح....وش بك يا غلا.. مـا ترديـن
اشتقـت.. همس..إشفاهك...النرجسـيـه


وش فيك...جيت من السفر...مـا تهليـن
ماهي بلك عـاده....ولا انتـي... رديـه


وحاولت في لحظة جنون...اجـرح الديـن
وازيـح تـربـة قبرهـا....فـي يـديّـه


وبالغصب شالوني...حشـا تقـل مسكيـن
واصـرخ بهم...والله..ولله حـيّـه


اقفت...وتاهـت بـي جميع..العنـاويـن
والحـزن يلعب...داخلـي ....سامـريـه


ورجعت لـدروب الشقـا.. قبـل عاميـن
مدري مـن اللـي صـار.. فينـا ضحيـه

اختيار موفق
وذائقة رائعةة
الله يوفقك

ابيات رآئعه
عوآفي

احاسيس وآبيات في قمة الروووعة
اهنيك ياقلبي ع هالذووق
عسساني مانحرم منك يارب
وودي لعيوونك :$

✿,

ابيآتَ تؤلمَ
شُكراً يّ حبيبة .. و نحتاج إلىَ جمآل ذآئقتكِ جداً ..
وديّ

وش اشين واوجع من كلمة وداع
ملامح صادقة /
ذائقتك ساحرة أخـّـــاذة
فشكرا لك

اكتفيتُ بلُ ارتويتُ في متصفحٌ فاقٌ الآرتواءٌ...!

آبيآت آليمه
سلمتِ يـ قلبي على الـأنتقآء

أسعدني مروركم العطر والكريم