▌ .. ماهوب كفو الوقت حبك يمحّيه ¬ • ياللي تخاف صروف الايام تمحاهَ ! ♥ [ مسآحة خآصة لَ محمدَ بنَ فطيسَ ] ‏

.

البطاقـة الشخصيّة لـ الشاعر / محمد بن فطيس الأسم : محمـد بن حمد بن محـمد بن فطـيس المري العمر : 30 سنه البلد : قطر المهنه :يعمل موظف بالديوان الأميري.. الحالة الإجتماعية : متزوّج ولديه ولد . نبذة مختصرة عن حياته : له عدة مشاركات في مجال الشعر , و ينتسب إلى قبيلة آل مرة , يعمل موظف بالديوان الأميري بـ دولة قطر , حاصل على دبلوم إدارة و يحضر للدراسات العليا في المملكة المتحدة. بدأ مشواره بـ الساحة في 2001 تقريباً , وشارك في العديد من المهرجانات الخليجية والعربية منها مهرجان الدوحة الثقافي ، مهرجان حائل ، مهرجان الخالدية في الأردن ، معرض الصيد والفروسية في ( أبوظبي ) ، و شارك في برنامج شاعر المليون (1) وخطف لقب " شاعر المليون " بـ كل جداره و إستحقاق , و شارك في أمسيات ليالي فبراير 2009 كما شارك في جميع أمسيات ملتقى الشعر النبطي في دبي عن عامي 2009 و 2010 وأخيرا ً شارك في أمسية ملتقى الطلبة الدارسين في المملكة المتحدة - الرابع في لندن - مارس 2011 . له عدة من الأعمال التي عكف على تلحينها كبار الملحنين و شدى بها مجموعة من كبار الفنانين في الخليج و أشهرها عمله الوطني عن عام 2009 "للدار في قلبي و روحي ولا".

صبآح الوفآء متصفحَ خآصَ لـَ قصآئدَ محمد بن فطيس .. ! ● يمنع وضع ردود بها أبيآت من غير قصائد بن فطيس .. , - نتمنى منكُم التقيـّـد .. !

((ماهوب كفو الوقت حبك يمحّيه
ياللي تخاف صروف الايام تمحاه



ارتاح دام ان المواصل يقويه
انت . انت وانا . انا وقلبي هو إياه


حتى ولو بتغيب ذكراك تكفيه
ياواحدٍ تكفي عن الناس ذكراه


حُبك على رملة خفوقي مواطيه
ورياح عذلي عَنك ماتمسح خطاه


واللي يعذل القلب عن درب غاليه
( يالله عسى اللي يبلا المواليف يبلاه )


اخفيه يابلفيت والحال يبديه
ادناة واحد ينظر الحال يقراه


اخفيه فيه ومعتنيٍ به وحاميه
عن كل عينٍ ودها تنزل حماه


قلبٍ يحبك والهوى الذرب ماليِه
كانك مكذبني بعينك تحلاه


شرط . ان تشوفك فيه منت بحواليه
ويمكن تشوف ديار واماكن رعاه


وتشوف به تمثال والوقت هاريه
وبتشوف زرعٍ ميتٍ واقفٍ ماه


وبتشوف جرحٍ فيه سكين راعيه
راح ونسى السكين والجرح ينخاه


وبتشوف حصنٍ عجّ الاقدار سافيّه
وبتشوف باقي بيت . راعيه خلاه


لاتنزعج . هذا خفوقي وباقيه
ولاتضايق من تصّدع زواياه


قَد زلزله فرقا وهزة عراويه
والله ستر والحظ عانه وعافاه


كانه صلح لك واعجبك . زيد تبينه
ابنه وجهزّ للمقابيل مبناه


ابغيك بس من المفارق تداريه
وازهل من ايداري شعورك ويدراه


وحلل وحرّم فيه . ياأبرك بلاويه
وحله وراع ارضاي ورضاك وارضاه


جعلك بعد بعض الوجيه . امحق وجيه
ناسٍ مراتعها الرفيق بتقفاه

انواع . واخطر نوع مانيب ناسيه
نوعٍ على تفريق الاثنين مسعاه


تلقاه دوم . وكل يومٍ تلاقيه
واذا بغيت الصدق ماعاد تلاقه


وإلا انت . ردك كُل مادعيك لبيه
انشهدٍ منتوا بفي عيني اشباه


منت بمعى العالم . ولا تقولي ليه
انت ادرى مني وفي جوابي وفي احواه


كذيه ومن الله يازين وإليه
واغلى طروش القلب ودواه من داه


الحلم ياتيني بزولك واراعيه
وفي كل حلم اقوم قبل اتحفاه


واعشق سميك في البزارين وادعيه
واقبل خطاه الا اخطى واتلقاه


واسمك يروعني اذا مرّ طاريه
واحب ملقوفٍ يسولف وطراه


وامرّ بيتك من بعيدٍ ولا اجيه
وانا لو انه في يدي ماتعداه


حتى تواير موتري تلتفت فيه
تبغي تلفّ ويستحي العقل والجاه


وصلك يخيط الصدر والبعد يفريه
ويابري حالي كان صديت برياه


ويلي على ادري حبنا ويش تاليه
وويلي على ادري وش ورى الغيب ويلاه


عشان اشوف اذا محبتك ترفيه
والله لاقفي عنك . استغفر الله))

ياقو قلبك على الصده ويا صبرك
ويا وسع صدري على صدك ويا صبري

مامت من فرقاك لكن تألـمّت
وشيّبت بي ياصاحبي قبل اشيّب

ماجور ياللي من فراقك تعلمّت
إن الزمن يومين طيّب .. وخيّب

ودي بك .. و أبيك و أباك و أبغاك

جمعتها لرضاك و أختار فيها .
. شف ويش منها يتبع أحكاك و رضاك

و اللي لك أسقي مسمعك لا ضميها .
. غديت أفر حكاي و أساير حكاك

و أنا تشرف لكنتي و أهتويها .
. مضمونها ودي بشوفتك و أهواك

يالي دروب أهل الردى ما تجيها .
. صانك ولي أمرك و حبّك و داراك

و لا قدر رد الحظوظ و مجيها .
. نفسك مهذبها و عزالله رباك

ما يدري إن جيش الهيام يغزيها .
. يامرك قلبك بالوفاء لي و تنهاك

ناسٍ على لاماك تفرك يديها .
. رزين عقل و من مزايا مزاياك

نفسك تحب و عفتك تمتطيها .
. يا عزوة أخوانك و مطلب هذولاك

ناسٍ محبتك والدك تدعيها .
. ناسٍ تخدم أبيك كله لعيناك

و هوّ يحسب إن الله عليه يهديها .
. يا جعلها تفدى على الأرض ماطاك

و الله و منهم مثلها يبتليها .
. لكن لعب بي يا وليفي تغلاك

و نفسي غلاك من الصدود يحديها .
. تبطي علي و أنا هنا و أتحراك

و كبدي لواهيب الصبر تشتويها .
. كانك مشكك في الغلا و الوفاء ! هاك

جوالي أقر القائمة كل أبيها .
. رقمك مع الصادر و لا وارد سواك

و الناس في اللي ( لم يرد عليها) .
. و أياك و أياني و أياني و أياك

من غيبةٍ من دون عذر يحميها .

ياقو قلبك على الصّـده ويـا صُبرك
وياوسع صدري على صدك ويا صُبري

ان ما جبرك الغلا ما اقدر على جبرك
ياللي على ارض الوفـا ما شبرك بشبري

تزعل وترجع وتـلقانـي على خبرك
وانا انكسر لك واجيك ادوّر لجبـري

ليه المسى عوق الشقاوي وطبه
ولية الهبوب تصحي القلب لابات


ولية القمر يدعي جريح المحبة
ويقول ياهية مافات ما مات


جرحك ظهر لو قلت للوجه خبه
وللحزن في ضحكك رسوم وعلامات


ولية المطر بالذات ريحة وصبة
كنة رسولن بين الاحباب بالذات


اشتاق فية لشوفتك واتنبهٌ
للي نسيته من مواقف ونظرات


لستانس الخافق ذكر من يحبة
ورجاي راجع في الوناسات مافات


يامرتع القلب الحزين ومربة
يزين بك مثل الذهب صدر الابيات


هيهات ينسى القلب شخصن يحبه
وهيهات يدلة خاطري منك هيهات

نبع الغلا عندك وعندي مصبة
ومن الولة في خافقي لك ولايات

وطيفك حطب عيني وعيني مشبه
والشوق بردن مانقطع دون لحظات

ومكانك الصدر ولك القلب شبه
بين الضلوع اللي فردها التنهات

ولك بيرقن في القلب حبك يهبة
شامخ ولاهزة من العذل غارات

محبتك في الوقت ذا ما تشبة
الا بخيمة بدو بين العمارات


وان شفتني ضايق واهوجس واسبة
اخاف غدر الوقت وللوقت دورات


لاتحسبن دمعي نزل دون سبة
ابكي من الفرقا وهي مابعد جات


اليوم كل امورنا مستتبة
وبكرة ماندري وش معه من مسرات


ارب قلبك مثل قلبي اربة
ما يخلفة كثر العذل والمسافات