نسائم نسيم

هالحين الواحد يحب انه يتجمل ويبذل ويصير عضو فعال ومتعاون لكن يواجه بنكران ونذاله !!!!!!!!!!
وش الموقف اللي في هذه اللحظة تسويه ؟
عطه على وجهه بقفا يدك اليسرى وخله واللي عقد روس الحبال يحلها

مساك الله بالخير أخوي نسيم ...

وش زين هالديرة في اجازة الاسبوع ...

أثر أيامنا ضاعت في غثاء ..

اقتباس: المشاركة الأصلية كتبت بواسطة المهند    مساك الله بالخير أخوي نسيم ... وش زين هالديرة في اجازة الاسبوع ... أثر أيامنا ضاعت في غثاء ..

مساء النور حبيبي المهند.
لا والله ماهيب زينه .تصدق اني ماقد تمنيت الطلعه من الديرة الا هالسبوع ياخوي طفش متعدي.
الا اقول تعال يمني شاب الضو والشاهي على النار

اقتباس: المشاركة الأصلية كتبت بواسطة نسيم    مساء النور حبيبي المهند. لا والله ماهيب زينه .تصدق اني ماقد تمنيت الطلعه من الديرة الا هالسبوع ياخوي طفش متعدي. الا اقول تعال يمني شاب الضو والشاهي على النار

الود ... ودي أجيك لو أنك في الدهنا ..
من ساعة مريت يم الدكات حقت تميرية وأروحت ريحة الأرطى ... بغيت أطلع مع الدريشة ...

إن كانك تبي نشب الشاي في أبا الرخم سبقتك ..

اقتباس: المشاركة الأصلية كتبت بواسطة المهند    الود ... ودي أجيك لو أنك في الدهنا .. من ساعة مريت يم الدكات حقت تميرية وأروحت ريحة الأرطى ... بغيت أطلع مع الدريشة ... إن كانك تبي نشب الشاي في أبا الرخم سبقتك ..

وين اباالرخم والله كنه فريزر هالحين.
ولو كن البرد بكر شوي اولا

اقتباس: المشاركة الأصلية كتبت بواسطة نسيم    وين اباالرخم والله كنه فريزر هالحين. ولو كن البرد بكر شوي اولا

الاتصال ما يساعد على السوالف ...
غادين كن واحد في أمريكا والثاني في السعودية ... يالله ياصل الحكي ..
البراد زين هالوقت .. هالحين خلصت مناسبات الكشتات .. مالك هدف تكشت هاليومين إلا في روضة الخشم .. أو الأرطاوي ..


نسيم
المنتدى أنثلم منه اليوم ثلمه ... أبعلمك بكرة إذا شفتك .. وبعدين الله يرحم والديك إذا شفتني في الروضة أشر لي .. تراي أستحي إذا صاروا ربعك معك ..

اقتباس: المشاركة الأصلية كتبت بواسطة المهند    الاتصال ما يساعد على السوالف ... غادين كن واحد في أمريكا والثاني في السعودية ... يالله ياصل الحكي .. البراد زين هالوقت .. هالحين خلصت مناسبات الكشتات .. مالك هدف تكشت هاليومين إلا في روضة الخشم .. أو الأرطاوي .. نسيم المنتدى أنثلم منه اليوم ثلمه ... أبعلمك بكرة إذا شفتك .. وبعدين الله يرحم والديك إذا شفتني في الروضة أشر لي .. تراي أستحي إذا صاروا ربعك معك ..

هالثلمة ماتسد يالمهند؟
خلاص انت مر من عندنا قريب حتى اصوت لك .

اقتباس: المشاركة الأصلية كتبت بواسطة نسيم    تقصد نزره. الشي الاهم وشلون تلاقط عيوني؟ انت تدري من اللي تلاقط عيونه يابعد روحي؟والا انك قلتها كذا ماتدري؟ المهم اللي يبي يجي الله يحييه واللي في نفسه شك مايشوف شر.والانيق وانت كلكم من الروح .

تأكد اني قلتها لك عن حسن نيه ، والشك زايل .

ترى المثل يقول اتقي شر من احسنت اليه ،،،،قف عند هذا الكلام طويل لانه اصدق ماقيل وتعارف عليه العرب .الشي الاخر اعطاء اللئيم اكبر من حجمه لانه سوف يحاربك يوم من الايام.
الشي الاخر هو(المقفي بدون سبب)خله على دربه ولاتنشده وين رايح؟لانه في يوم من الايام راح يندم.
لاتضع نفسك محل الاحمق ارتقي بنفسك عن السفاهات والانجراف وراء كل ناعق لكي لاتكون حجة عليك.

اقتباس: المشاركة الأصلية كتبت بواسطة طير شلوى    تأكد اني قلتها لك عن حسن نيه ، والشك زايل .

اكيد انها عن حسن نية.
شف انا الان اتكلم يااخي عن نقاط انت تشوفها الان تراها تعتبر خاصه لي مالها علاقه في ردودنا ابداً والله على ماقلت شاهد.
بالعكس انت عبرت عن نفسك وفهمك وانا افصحت عن نفسي مجرد كلام وسوالف فقط لاغير.