●• خزآمىَ الصَحآرى « للشعْر والخَوآطرْ !

يقول الشاعر: عبدالله بن صقيه التميمي:

ساس الردي لابد مبناه ينهال
......................ولد الردي صاحبي تحطه بطانه
تلقاه وقت الضيق لاصكك الجال
........................ الصفر لا يغريك زين لمعانه
ترى الذهب من صافي جنيه واريال
...................... ما يختلف يا ذيب طيلة زمانه
بستان غيرك لوبه الوان واشكال
...................... ما تنتفع من خوخه وبردقانه
ما ينفعك ما فيه لو بالثمر مال
..................... لاصار بالغدراء جداره مخانه

ويقول ايضا:

احرص عن الزلات في كل الاحوال
.......................لا تنخدع باللي يعلج اللبانه
ما يفتري ويشين الناس رجال
.......................... راع الحكي بالناس خله وشانه
عليك باللي بالمهمات سردال
..................... ليث مثل من حط قوسه رهانه
انت وانا نبعد عن القيل والقال
.......................... كم واحدٍ يا ذيب ضره لسانه

جروح غيرك يمكن تزول وتطيـب
ولا انت جرحك بين الاضلاع باقـي


لا تدور لفرقاي جـرح وتصاويـب
وابشر بعزك دام تبغـي فراقـي ؟؟

ياطيب حال الي على الذكر طاريه

رغم ان الابيات هذي استهلكت وكثر ترديدها لكن ماتمل منها !!!


يامعدي المرقاب خله المشتاق
،،،،،،،،،،،،،،،،، حول وخل معذب القلب يرقا

ياليت ربي ماخلق حب وفراق
،،،،،،،،،،،،،،،، وإلاخلق حباً على غير فرقا

القبـول اول عناوين المــوده
،،،،،،،،،،،،،،،،،،،،،،،،،،،،،،،واحترام الذات من طيب العقول

شخص تحترمه من اسلوبه ورده
،،،،،،،،،،،،،،،،،،،،،،،،،،،،وشخص ماله لا احترام ولا قبول

ما كِل طيّب لـ " كيف الحآل " هي طيّب
و ما كل طيّب لـ ويش الحال ، معـــقوله

الطيّــب إلـي على مـــبـداة مــتـهـيّب
في حـــزة الطيــب حــنا نسـتمع قــوله

بلاش من الرفيق اللي ليا جا بالقفا ذمك
واذا قابلك كنّه غيث وان قفيت ما كنّه

بلاش من القريب النذل لو انه ولد عمك
ترى الفرقا هي المكسب ولو انه ولو انه

الا يا قلب لا تقلب همومي يحترق دمك
انا ماني بالاول من يظن ويختلف ظنه

ترى للوقـت هـزَّه وأنقلابـه
تهزِّ جبالها لـو هـي رواسـي

عليك بساعة الفرحـه تراهـا
ترد الرَّوح من عقـب المآسـي