رُكْن النهاية

(صعب أسهل ) بدايـات الرجـوع لسكة المجهول
،،،،،،،،،،،،،،،،،،،،،،،،بعيني والرجوع (اصعب) بداياتـي مـن (اسهلهـا)

(خيالي , واقعي) شفتـه يحيّر فـي فضاه عقول
،،،،،،،،،،،،،،،،،،،،،،،،،،،،،،مـن المعقول يرسم لي حقايـق.. ما تخيلها

ترى ما يجرح العاقل من الدنيا ,, سوى المعقول!!
،،،،،،،،،،،،،،،،،،،،،،،،،،وانا المجروح من دنياي ,,لو مـا كنـت عاقلها

ورى مستقبلي الماضي إلى الحاضر , وش المحصول
،،،،،،،،،،،،،،،،،،،،،،،إذا الماضـي مـن ايامـي أشـوف الظلم باعدلها

هنا.. ضمّتني احزاني ,,بعد ما غبت لي كم حول
،،،،،،،،،،،،،،،،،،،،،،،،،هنا.. سكّيـن لمعانـق شراييـن الـفرح ولها

هنا.. علّقت دمعاتي على اقدام الليال .. حجول!!
................................. هنا .. ما حنّت البسمة علي وقلت ازعلّها

هنا.. والا (هنا).. يكفي ، عجزت اوصف ، عجز آقول
...............................عجزت اجمع ألم بابل .. حزن دجله واموّّلها

عجزت آروّض بـ صدري صدى جرح وجموح خيول
...................................أنا مدري غضب والا بـ قلبي تلعب وتلهى

وقفت ..وما وقفت الا .. ادوّر للحلول ..حلول
................................. ابعثر ما ورى نفسي ..إلين اثقلت كاهلها

تعبت احمل من الذكرى على المتن النحيل ..حمول
.............................وانا نفسي وهي نفسي وربي ..ما تحملها

لأني كل ما أقرب ، اشوف ان الطريق يطول
.........................وهو صعبٍ علي ارجع .. والاصعب كيف اكمّلها؟!!

أخاف ارجع والاقيني على هاك الـ (هنا) مقتول!!
............................. واخاف امشي لآخرها واشوفه .. يشبه اولها

تحت تأثير ( الكحل )
...............يلعن , نعاسه
كان رمش و كنت انا و ابليس وسـ وسـ

فوق راسي كلّها من تحت راسه
...............يفتح الخنّاس عين الناس للـ ( مَس )

في عيون الناس . ناس اكثر شراسة
...............توّها تصحى و توّ الليل عسعس

آهـ من يقرأ " تبارك " وسط كاسة

تستوي لي "حرز" و اشرب وآآتنفّس

مو عشان يبلّ شرياني يباسه
لا ..
...............عشان الجرح و ( الكاس المقدس )

تبي تشوف الضياع بصورته ..؟ شفني
...............شف يا(عيوني)..
عيوني ..تعرف اوضاعي
من دون داعي ، تعانق دمعتي جفني
وشلون لا صار يوم وداعك الداعي؟!
( الجرح ) يعطش..؟
.........وانا الاوجاع تنزفني؟!
ما يعطش الجرح دام الساقي اوجاعي
تزرعني الريح بـ انفاسك ..
...............وتقطفني
وآروح معها ، مثل ما روّح شراعي !

موعد الصبح قرّب وانت ليلك طويل
،،،،،،،،،،،،،،،،،،،،،،،،كِنّ مالك من اهلك (حي) تفقده

قوم اشوفك..اشوفك؟!! يعني (المستحيل
،،،،،،،،،،،،،،،،،،،،،،،جثةٍ في تراب الظــــن متمددة)

هذي الشمس فلّت من ورى الما جديل
،،،،،،،،،،،،،،،،،،،،،،،،،،شوفها من خجلها كيف متردده,!


استخارت و شقّت في سماها سبيل
،،،،،،،،،،،،،،،،،،،،،،،،تفتح ابواب جوف ابوابنا الموصدة

يا رب عطني من تطرف ليلتي (ساعة حياد)
،،،،،،،،،،،،،،،ما انتظر فيها ولا أفقد من الدنيا , حدا

انثني (غُصْن) في كبد السنين العجاف
،،،،،،،،،،،،،،،،،،مِن عِناده .. نبَت عُوده.. فـ (وجه المهب)!

ان كتمت الجرح.. من طيبي.. ولـ عيون الأخوّة
وان ;كتبته.. ما كتبته غير.. لعيون الكتابة

الكتابة؟..جرح..
،،،،،،،،،،،،،،،،،،،،،،يا جرحي. وضعفٍ فيه قوّة
والكآبة..؟
،،،،،،،،،،،،،،،،،،،،غيب فيني.. تعرف حدود الكآبة

والمشاعر لو ابخفيها،
،،،،،،،،،،،،،،،،،،،،،،،،،،،،،غصب عنّي، تفوّه
والقصيد يدق بابي...
،،،،،،،،،،،،،،،،،،،،،،،،،.لو... ما دقيت بابه

ليه؟
!

للذكريات .. مخلّي الباب مفتوح ,
،،،،،،،،،،،،،،،،،،،،،،،،،الناس راحوا , والزمان متسارع !

تبقى العلاقات القديمه لها روح ,
،،،،،،،،،،،،،،،،،،،،،،لو كانت : بيوت ٍ خلّي وشوارع !